مشكلة شعري كانت بهتان اللون لاني سحبت لونه من 3 سنين ومن يومها صار مشوهب
ومن راسي خلطت خلطة طبعا رحت للعطار وسالته عن شي يسود الشعر قالي زيت المرميه وانا اصلا ما استغني عن زيت الخروع لأنه يكثف الشعر واستخدمه للرموش والشعر والحواجب بعد
شريت زيت المراميه الغرشه كلها لما قستها طلعت نص كوب وخلطتها مع نص كوب زيت خروع وخلطتهم مع غرشه زيت املا مال براشوت وهذي صورته
مكتوب عليها
املا بجوز الهند لشعر اكثر قوة وسوادا وطولا
طبعا ماهمني الا القوه والسواد شعري طوله زين وعاجبني ما ابي اطوله
المهم خلطتهم ببطل زجاج
والحين صار لي 3 اسابيع يوم وترك استعمله
شعري صار فاحم ماشاء الله وصار يلمع واحس انه صار اقوى من قبل اللون وايد فرق معاي تحسين فيه ولغاية الحين ما خلصت الخلطه بس شكلي بستمر عليها على طول ان شا الله
واتركها على شعري اكثر من 3 ساعات ومره بالاسبوع انام فيه
لا تنسون تسمون بالرحمن قبل لا تبدون وتسوون مساج خفيف مو فرك عشان يتشرب الجلد وان شاء الله تستفيدون مثلي
:39: