شعر الوجه والشنب وش قصته وش يبي ......؟؟؟؟؟

**** السلام عليكم ورحمة الله وبركاته ****


......... حبيباتي وخواتي بنات حـــــــــــــــواء .........



مااحب اللف وادور ابدخل للموضوع على طول ماادري وش جانا انقلبنا :arb: وش قصة هاالشعر اللي طالع لنا انا شخصيا ماطلع لي الا قبل سنتين يمكن من حبوب منع الحمل او ماادري من المكياج ماادري من وين جاني ؟؟؟؟؟:(

المهم قررت اقوم بخطوه سحريه لازالته من جذوره فرحت لمشغل وقالت مافيه حل الا الفتله قلت مافيه مشكله والمصيبه العظمى هاالفتله احسها زي الولاده ماغير اصارخ هذا تعذيب :icon33: وطلعت وانا بحاله يرثى لها فقلت ماعاد فيه فتله لو توصل الشنبات الى الركب :30: ابخليها ومررررت الايام >>قصة حياتي :hahaha:


فبدى ابو الشباب (الشنب )يرتز وضاق صدري وجانا زواج فقلت وشلون ابقابل الناس بشنب ؟؟؟؟:232:
ابروح للمشغل فقلت لها شوفي فتله ماابي فيه حل ثاني قالت تشقير قلت يله ابد انسدحت وبدت تدهن هاالوجه ويشهد ربي اللي يشوفني يقول مستحيه وجهي التهب وصار احمررررر ؟؟؟:angry2:
جلست على هاالحاله 4 ايام ووجهي مشتعل مابقيت زبادي وعسل ونشاء وماء ورد الا حطيته ولا فيه فايده ؟؟؟رحت للمستشفى قالت لي الدكتوره عندك حساسيه شديدة لاعاد تسوين كذا اصلا يسبب سرطانات ومن هاالحكي ....الخ

بعد فتره طـــــــــــال شعر وجهي اشوفه اذا صرت قريبه للنور فقررت امس اروح للمشغل فدخلت قلت شوفي فتله وتشقير ماابي فيه حل ثاني ؟؟؟؟قالت ايوه مدام هذا شمع كويس :)

سخنة الشمع وبدت تشتغل علي هو تعذيب بس يهون عند الفتله ويوم قمت من الشمع الا وجه ثاني مايصدق الا اللي يشوف وجهي صار وجه ثاني تقولين داخله ملاكمه او هاجم على سرب نحل انتفاخات عظيمه:11retcher قلت لها ليش كذا قالت مافيه مشكله شويه ويروح وحطت كريم عليه رحت لبيتي وبس اغسل باالمويه البارده ويوم قمت صار القصف شنيع وخدودي تقولين دم من الحمار والحجم يــــــــــالطيف الطف !!!!!!
الان اتوجه الى صاحبات الخبره ماالحل ؟؟؟<<نداء رسمي

!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!

جد يابنات وش الحل والله تعبت هو الحمد لله موطويل بس لما تقربين ملحوظ ؟؟؟ومن وين يطلع هل صحيح زي مايقولون من الدجاج فيه هرمونات طيب وش الحل ؟؟؟واذا طلع كيف يروح ؟؟؟والحساسيه وش اسوي فيها ؟؟؟

تكفون اللي شالت وجهه بطريقه مجديه غير اللي قلت تدلني ؟؟؟؟