شعر بنتي حلو بس مع الرطوبه ياويلي عليه

انا عندي نفس المشكلة بنتي عمرها سنتين ونصف وشعرها حلو لكن بسرعة مع أقل رطوبة يتلفلف وأنا اقول لأن شعرتها رقيقة مرة لوفي شيء يقوي الشعر
بالنسبة لتجاربي معاها فكنت استخدم الحنا واحس ان شعرها كان أحلى فترة اللي كنت احنيه

زي شعر بنت خالي وبنتها عاد بنت خالي مره مزوجه تخيلي اذا عدلت شعرها سشورته او عدلته لعرس اوجعدته بمجرد ما يتعرض لرطوبه مااااكانها سوت شي وهذا يسبب لها احراج تتعب وتتعدل وبعدين يخرب

فاللي عندها حل ياليت تفيدنا ؟؟

انا بنتي كذا بس في من المنتدى خلطات اخترعت منها خلطه بس ريحتها تغم صراحه ما احطها الا مره في الاسبوع بس والله انه يهدي الشعر ويفك اللفات بشكل ملحوظ حتى جارتي تعرف معاناتي مع شعر بنتي ومره جاتني وانا قبلها بيوم مدهنه لبنتي ونامت وشعرها مزيت وحممتها على الظهر ولميت شعرها ببكله على قد الي قدرت المه وثاني يوم جاتني جارتي وبنتي فاكه شعرها والله انها تحسب اني مستشوره لها
واخلطه كالتالي بس لاحد يقول وع ولا معقوله لاني والله نفعت معايه 100%
فص ثوم مو راس ثوم لا فص بس ونص فلفله خضرا البارد وملعقه صغيره حلبه مطحونه تخلط في الخلاط الى ان تصبح مطحونه تماما ويكون قوامها زي اللبن وكاسه من زيت زيتون وزيت عافيه وزيت اللوز كاسه من كل زيت
وخلطيهم مع بعض ومع الخلطة الي في الخلاط واتركيها كم يوم
واستخدميها والله ريحتها قويه ومقرفه بمعنى الكلمه بس الي يبغى الزين يصبر وانا بنتي عمرها 5 سنوات وتحب الزين ومتعقدة من البنات الي في عمرها وشعرهم ناعم والحمد لله جاب معاها نتيجه

الله يعين هذي مشكلة الكثير خاصة اللي شعورهم خفيفة وانا حتى الآن مالقيت حل،،

مشكورين بنات على الرد
صدق انا شعرت بنتي وايد ضعيفه عشان شدي بسرعه تنط
بس وين الحلوات ما شفنه تجاربهم
نبي شي يمتن الشعره ويقويها عشان تقاوم الرطوبه
تكفون يجماعه لا تقصرون