شعر بنتي خفيف من عندها حل .. عمرها 3 شهور ..

نصيحة :
خليه لاتسوين فيه شيءابد ابد خاصة الموس لاتفكرين فيه اصلا >>>>راح يخشن
اما القشرة زيتيه بزيت الزيتون خليه كثيرشوي بعدين مشطيه بمشط اسنانه صغيرة مرتين ثلاث وينتهي الموضوع ..
واذا صار عمرها سنة او اقل شوي ابداي بالزيوت طبعا الافضل زيت السمسم ..
الله يخليها لك وعقبال ماتشوفين شعرها مغطي ظهرها..

اللي اعرفه انه لازم نحلق شعر البيبي لين مايغلظ
انا بنوتي حلقتها اول تحليقه وبعدني بحلق شعرها بعد وبخليه لين بعد العيد بحلقها مره ثانيه
وبشوف كيف يصير

هذا شعر البطن
تووك على الشعر الحقيقي
طبيعة الشعر ما تتغير
لانها خلايا وكروموسومات وراثيه
لكن يبدا يطلع الشعر الحقيقي للطفل في الشهر الثامن
وممكن تقصينه بمقص خاص للشعر عشان يثقل شوي
لاحظت ان البنات اللي يقصون شعورهن تغلط وتثقل
لكن النعومه والكثره من الله :26:
وخليه على راحته
انا ضد وضع زيوت وكريمات على بشرة الطفل وهو لسا ما كمل السنه
شوفي كيف الاكل نعطيه على حبه حبه ونراعي فيه امور معينه
فاظن الزيت وغيره نفس الشي
وانتبهي لا تحلقينه

بنتي أخوي حلقنا شعرها وهي 4شهور وماشاء الله الشعرة صارت سميكة وكمان كثير والأن عمرها 6سنوات ماشاء الله تبارك الله أحلى من شعر أختها اللي ماحلقناه خفيف وناعم وقليل
وأنتي براحتك مو شرط يصير خشن بعد الحلاقة والله ناس أعرفهم حتى يحلقون بالموس مو المكينة وشعورهم ناعمة

عمرها 3 شهور كيف حكمتي على شعرها انه خفيف..
انا عندي توام بنوتات واحدة انولدت بشعر نوعا ما كتيير والتانية ولا شعرة وهلا صاروا 7 شهور اللي ما كان عندها شعر من الشهر الرابع صار شعرها احلى من اختها ولا حلقت ولا لواحدة فيهم