شعر جسمك بيطلع علطول بعد الشيفنج ؟؟ تعالي اقولك تعملي ايه

طبعا دلوقتي كتير مننا عايشين ع الشيفنج .. انا شخصيابقالي 8 سنين ماشية عليه و كله تمام
يعني 10 ق و الجسم كله معمول
بس مشكلة الشيفنج ان يومين و تلاقي الشعرطالع وبيبقي منظره مش لطيف
ان دلوقتي هقولك تعملي ايه عشان الشعر بعد الحلاقة يتاخر في الطلوع ..
(1) صنفري قبل الشيفنج عشان الشعر اللي تحت الجلد يطلع و تجيبي الشعر من جذوره .. وافضل صنفره هيه سكر و زيت زيتون و عسل

لانه مش بس بيرطب لا ده كمان بياخر ظهور الشعر

(2) اعملي الخلطة ده .. سكر و عسل و عصير لمون و حطيها في الميكرو ويف 2 او 3 ق .. الخلطة ده ادهني بيها جسمك و سيبيها ع 15 ق و ثم اشطفي .. هتريحك اوي و تاخر ظهور الشعر


(3) ادهني جسمك بزيت عشان يسهل حركة الشفرة ع جسمك وكمان يغلف الشفرة و يحميها من الهوافتعيش عمر اطول .. و افضل زيت هو زيت الزيتون بيرطب و ياخر ظهور الشعر

(4) استعملي لوشن للجسم بيحتوي ع زيت الصويا فهو بياخر ظهور الشعر
وانا برشح لكم يا بنات لوشن زبدة الكاكاو من ايفون .. بصراحة روعة شوية عليه بيدي نعومة و نضارة و البشرة تنور بمجرد متحطيه وغير ان فيه زيت الصويا فهو مفيهوش بارابينات اللي بتسبب سرطان الثدي ربنا يعافينا و حجمه كبير 400مل و سعره كمان كتير معقول ... حاجة و عشرين جنيه ..
(5) استعملي الشفرة اللي فيها شريط مرطب عشان متجرحكيش .. و اعرفي كل ما زاد عدد الامواس فده معناه انها هتشيل شعر اكتر ز. و يستحب انك تستعملي شفرة جديدة في كل مرة

و اخيرا ..
وقبل ما اسيبكوا اسمعوا المعلومة الجديدة ده ..

فيه اكل بيقلل من ظهور الشعر و فيه اكل بيخلي الشعر يظهر بسرعة
عشان الشعر يغيب عقبال ميظهر تجنبي اكل الكربوهيدرات البسيطة و السكريات و كتري من اكل الاطعمة اللي فيها فيتامين B6 ومن السمك و اللحوم بس طبعا في حدود المعقول ومن البروكلي و الكرنب و القرنبيط و الموز و البطيخ و الجزر

اتمني تكونوا استفدتوا يا بنات .. و ياريت تدعولي ان ربنا يوفقني
و التقييم متنسوش
م