شعر فكاهي

ياليتني بحارة الزين خباز 00000 اسابق المذن واسوي عجينه
ابيه لصار للخبز معتاز 00000امدله خبزه والمس يدينه
واولع التنور وارفع على الغاز00000ولواحترق فدوه لرمشه وعينه


ياحـبـيـبـي شوف خـيـيك في خطر-------مبتلش ياخوك في امرن خطير
ضاعت المعزى لها اكثر من شهر------وانا ادور لها على ظهر البعير
غصب عني عيني تهل العبر--------يوم أشوف الشبك والماء والشعير
من بعد معزاي عايش في قهر-------لالبن عندي ولاعندي مضير


قالت باصيف بين لندن ومـــــدريد0000 وانتة حبيبي وين ناوي تصيف
قلت اسمحي لي بالعذر والتناهيد00000 الله يخلي غرفتي والمكــــــيف


هذه أبيات لواحد ماهو غزلنجي أبد ,, لكن تهيض لما شاف مزيونه في سيارة مجاورة له عند الإشارة ,,يقول فيها :
لا وأهنيك خويك زين .. وأنا خويي فلبيني
أما هرج له بهرج شين .. وألا سكت ما يحاكيني
ما فيك وحده من الثنتين .. تأخذ خويي وتعطيني


ان شفت وقتك صايرن فيه مافيه
اصبر على المقسوم خيره وشره
ترى الدهر ماهوب ورعن تربيه
مهما حصلك من براده وحره
وان شفت حظك منسدح لا توعيه
يقوم من نومه وينحاش مره
خله بنومه واطلب الله يشااافيه
يمكن يحصل علاجن يسره


لي صاحبٍ منّه تبي تطلع الـروح 0000خبلٍ ومن هي مولعه فيـه خبلـه
عامين المّح له مع الجد ومـزوح0000 وأقـول ياعنتـر تناديـك عبلـه
طال المدى ثم قلت انا اغليك يالوح 0000مجروحةٍ جرحٍ مخاطـره عجلـه
دنّق وقال أنا من العام مجـروح 0000وأشر لجرحٍ مبطيٍ وسط رجلـه



مسكين ياعقدٍ على عنق شينه

وجهٍ غبر دمّر وهج عقد الالماس

وين الهبيل اللي تبي تفتنينه

والله يالولا العقد لا اقول عباس



هذه الأبيات لشاعرة تحرض زوجها ضد والديه مازحة

انا تكحّلت من شانك ... وابغى عشايه من المندي

مليت من شوف شيبانك ... مـاودي تحطّـهم عنـدي



ناديت بإسمك وأنا مع زوجتي راقد
********* حتى ارفستني على بطني برجليها

وسويـّت نفسي مثقف واعي وناقد
********* وأقول عادي مصير الوقت يرضيها

ويوم اكفختني طراق صحت أنا حاقد
********* الله يلعن غلاك ويكسر ايديها



أنا احترق .. وهي ولا همّها شي

أنا انتظر .. وهي تمدّد سفرها

ياسعود بعد غياب شهرين وشوي

جتني تشاورني .. بقصة شعرها



لي قصةٍ مع صاحبي فلــم هندي ------ دايــم انا ويّاه فـ هواش ودموع

ودّه يســامرني على تيس مندي ------ وانا رقيقه ودي بازهار وشموع

خلّي غبي والعقــل عنده مصدّي ------ وبفن التخلف حايزٍ شكر ودروع

قلت له تطـور عيش باشا وافندي ------ الى متى وانت بتخلفك منزوع

قـــام وتلفّت قـــــال قومي تغدي ------ هذرتك واجد يوم انا ميتٍ جوع



وأخيرا مع مدرس هبلوبه طلابه

اخذوا شماغي والقلم والتحاضير 0000 سلم عليهم قلهم يفصلوني
ما قصدي اتركهم دشارة وتقصير 0000 لكن نسيم الليل هيج شجوني
حب الفقع والبر وملاعب الطير 0000 وجلسة نشاما بالوفا يعرفوني
وبلغ مديري تحية وتقدير 0000 وقله على الطابور لا يحتروني