قمر العراقيه @kmr_alaarakyh

عضوة جديدة

شعر يخبل عن العراق وحدته وكلمن يجاوز عل عراق كلام روعه

السلام عليكم ...... هذا الشعر اهداء الى كل العراقين ......تحياتي لكم جميعا

يامحلا العراق البيه تربينه
#
محلا العراق سهوله وجباله.....وهلاهل ماجداته وضحكة اطفاله
وحكمة كل شيوخه وقوة إرجاله.....وتاريخه المجيد وسطوة إسنينه
يا محلا العراق البيه تربينة

يا محلا العراق ومحلا أيامه.....من جاع وتعرّى وتعبت أعظامه
ويمر بيه العطش بس ماحنى الهامة.....ودسنّة إعلة الحصار وبيه تلاوينة
يا محلا العراق البيه تربينة

يا محلا العراق وطيبة أنهاره.....ينابيع الشمال وطينة أهواره
من دربندخان لهور العمارة.....ملح صار الزمان وبيه تحلّينة
يا محلا العراق البيه تربينة

يا محلا العراق وصاحوا الشيعة.....عراق البيه علي وحسين منبيعه
حُكم حبه علينه ولازم نطيعه.....مثل عباس نخوة وغيرة البينة
يا محلا العراق البيه تربينة

يا محلا العراق تجاوب السنة.....ولعرس العراق بدمنة نتحنّة
أبو صالح الحادي بكل فخر جدنة.....وشباب الأعظمية تعلّگ الزينة
يا محلا العراق البيه تربينة

(تأنينة الشهادة وعز عشگنة الموت) .....منبيع العراق ولو على التابوت
سواتر من جثث بس لا عدونة يفوت.....ومن ظاگ الوكت بسمه تنخينه
يا محلا العراق البيه تربينة

يا محلا العراق الأبد ما بيه عيب.....الذنب ذنب السياسة (ذيب ياكل ذيب)
دعوفوه العراق وخل جروحه تطيب.....وخل ترجع الضحكة لوجه أهالينة
يا محلا العراق البيه تربينة

مو ذنب العراق تهجرت ناسه.....الذنب كل الذنب ذبوه عالساسة
مثل أرضة بوطنّة وتُنخر بساسة.....وباعونة الدول وتشمتوا بينة
يا محلا العراق البيه تربينة

يا محلا العراق وغصبن إعلة الكل.....بلدنة يظل عزيز وبيت أبونة يظل
يالعفت البلد لابد سنة وتمل.....يتبره النخل فد يوم من طينة ؟؟؟!!
يا محلا العراق البيه تربينة

تطيح الروس بس ما طاحت الراية.....ما نقبل تمسّنة بغلطة وحجاية
أهل غيرة وحمية وكلنة حدّاية.....لا نرضى الظلم,لا نرضى بالشينة
يا محلا العراق البيه تربينة

ا

مو كلمن سِكَر وتطوطح بكاسه.....يشتم بالعراق ويشتم بناسه
نكص لسانه والله وهم نكص راسه.....ونّكسّر إيديه ونقتلع عينه
يا محلا العراق البيه تربينة

باوع منتخبنا الفرّح أحبابه.....جاب الكاس إلنّة والنصر جابه
أخذ مني حچاية وخلهة عطابة.....ما يربح ترة كلمن يعادينة
يا محلا العراق البيه تربينة

يلزم عليك تسجيل الدخول أولًا لكتابة تعليق.

تسجيل دخول

$$ حبيبة $$ • 16 سنة

يسلم راسك أختي قمر

وحفظتها عندي عشان يقراها زوجي :arb: لانه يحب الشعر وعاد كيف لو كان عن العراق :) عز الطلب

ياحبي للعراق ولأهلها الله يعزهم وينصرهم بنصر من عنده ويينصر المسلمين في كل مكاااان

احساس مبدعة • 16 سنة

$$ حبيبة $$ :

يسلم راسك أختي قمر وحفظتها عندي عشان يقراها زوجي :arb: لانه يحب الشعر وعاد كيف لو كان عن العراق :) عز الطلب ياحبي للعراق ولأهلها الله يعزهم وينصرهم بنصر من عنده ويينصر المسلمين في كل مكاااان

يسلم راسك أختي قمر وحفظتها عندي عشان يقراها زوجي :arb: لانه يحب الشعر وعاد كيف لو كان عن...

روعة أختي والله على إني ما أحب الشعر بس والله أحب العراق لا ومن قلب
اللهم أعز أهلها وانصرهم على من عاداهم وارفع عن الأمة ماحل بها

سحاب111 • 16 سنة

تسلمين عيوني قمر على هذا الكلام الحلو وان شاء الله تنزاح هاي الغمه عن هاي الامه بجاه السميع العليم

faloo • 16 سنة

سحاب111 :

تسلمين عيوني قمر على هذا الكلام الحلو وان شاء الله تنزاح هاي الغمه عن هاي الامه بجاه السميع العليم

تسلمين عيوني قمر على هذا الكلام الحلو وان شاء الله تنزاح هاي الغمه عن هاي الامه بجاه السميع...

السلام عليكم اختي الحبيبه صح لسانج وجزاكي الله الف خير على هذا الشعر الرائع وان شاءالله يزيح الهم عن بلدنه الحبيب وين من روح منلكه احلى منه :26:

قمر العراقيه • 16 سنة

$$ حبيبة $$ :

يسلم راسك أختي قمر وحفظتها عندي عشان يقراها زوجي :arb: لانه يحب الشعر وعاد كيف لو كان عن العراق :) عز الطلب ياحبي للعراق ولأهلها الله يعزهم وينصرهم بنصر من عنده ويينصر المسلمين في كل مكاااان

يسلم راسك أختي قمر وحفظتها عندي عشان يقراها زوجي :arb: لانه يحب الشعر وعاد كيف لو كان عن...

:26: