الله يعطيك الصحه والعافيه يارب صح كلامك الله يزيدنا نشاط

الله معاك

اهااا بنات رجعتلكم .. سوري على التأخير ..
المهم خلاص الحمد لله لميت العفش كلو حق المطبخ ، ماما جات ساعدتني طبعا رغم انو مطبخي صغير نوعا ما ..
المهم أني اكتشفت انو اهل زوجي مرتبين المطبخ مزبوط لمن جو فرشو البيت لقيت ما شا الله
اشيا كتير ودوبي انتبه لها احسب ما عندي ..
لقيت كاسات كتير جداً لانو الكاسات تتكسر فهمت عاملين احتياطات .. كاسات الضيوف العاديه كاسات الضيوف الي يكون عشا مع الطقم الصيني كاسات شاهي للبيت وكاسات شاهي للضيوف غير كاسات الطقم الصيني
كاسات القهوه كبتشينو وتركي غير حق الطقم الصيني ..
طبعا مع الترتيب ماما كانت تنصحني وتقولي
[ هادي النقليه خليها في صالحك حتبدي حياة جديده في بيت جديد الرجال يبغا يبغا يشوف كيف مرتو زي ما يتكلمو اهلو ولا لأ ( سمعتني بين اهلو أني وحده حقت فزعات وسنعه ودا الكلام ) يبغا يشوف لا تخليه يقارن بين لمن يجوكي ناس وبين لمن يكون هوا لحالو معاكي .. لساعكم كم سنه متزوجين لا تخربي علاقتك مع زوجك بدري ولو أني حااسه انو في شي لكن صلحيه وأكيد الرجال معاه حق لاني اعرفك مزبوط ..


كلام ماما ححطو حلق في ادني لانو الصراحه زوجي مهو مقصر انا فيا تقصير
وعلاقتي مع زوجي بتدهور ولازم الحق نفسي ..

لكن من الان فصاعدا لازم اغير نفسي والتقرب الى الله لأني بعيده عن الله واسأل الله يهديني غصبا عني ..
ولازم اهتم اكتر ببيتي واسرتي وما اخلي كلام الناس يحبطني وانو يكون صح ..

انا اول ما اتزوجت الناس صارت تهرج لاني من عائله وهوا من عائله والفرق بين نمط حياتنا مختلف جداااا .. وكيف راح استمر ازا في أسر محافظه وأسر لأ .
وعلى فكره العوائل الكبيره الناس دائماً تحسبهم مبسوطين وماهم شايلين هم
بالعكس دي الفكره غلط عارفين ليش !!
لانو عادة يكون في تقصير في حق الله وحق النفس يكون في ضمير صاحي بس ماهو فايق يعني لسه ما اتنشط
وفي اشيا كتير بحكم انو في خير واجد كتير يعني يا بنات خلو درس لكم ولا تنغرو بالنعم ..
ربنا لمن يعطي شي ياخد شي
لو إعطاكي فلوس ممكن ياخد راحة البال
وهكذا ..

انا قررت أني اغير في حياتي وأغير من أسلوب حياتي لأني برغم أني 23 سنه ماني ناضجه كفايه بالدرجة المطلوبه لوحده متزوجه وليها أسره ..
ويبنات المتزوجات كل شي يهون صدقوني اهم شي راحة البال والضمير الصاحي ولا تشيلي هم كتير لان الله المدبر وممكن ما يصير الي تبغيه لان في خير لك ولازم ناخد الشي الحسن من عائلة زوجنا ونسيب السيء عشان نقدر نعيش ونعمل نفس الشيء مع أهلنا ناخد الحسن ونسيب السيء
وبالنسبه للي مهم متزوجات .. الله يرزقكم الأزواج الصالحين البارين بأهلهم الي بعينو على طاعة الله ومن دحين ابدؤو غيرو نفسكم لازم تصحو عشان ما تكبرو تصيرو اتكالين
البنت ازا كانت غرفتها مكركبه واتزوجت مرح تتغير كتير حتقعد الغرفه مكركبه لكن باختلاف بسيط ..يعني تتحسن اكتر ..

دحين راح انام يا صبايا واصحى اكنس البيت واشطف الحمامات ع السريع عشان لا يقولو حنقل وحسيب البيت وسخ واستلم بيت نضيف ..


أتمنى تكون انفهمت النقطه الي اتكلمت عليها اليوم ..

وشكرا يا بنات على الردود الحلوه والله بتشجعوني كتير وانا ما اتسجلت في عالم حواء الا عشان الصحبه الي تعين ع البر والخير والصلاح ..
ويلا بنوتات حكوني عن أحوالكم ..

الله أكبر ماشا الله اكتر من ألفين مشاهده
طب حنو عليا وحطو ع الأقل دعوه او استغفار رفع ..
انا شايفه في متتبعين بصمت بس ياريت تنورو الصفحه ...
يلا يا حلوين اخلص ولدي وأكمل

الله يقويك