اول مره بعد زواجنا سافرت انا لهلي وهو رجع لهله كنت حامل واختي ولدت ورحت اعزبها يوووووه يابنات يوم سافر وربي مرضت وبكيت الين تورمت عيوني وارسل له رسايل اني بموت ولا الفشله قلت تعال خذني خلاص هونت ما ابي اعزب اختي النفاس خخخخخخخخخ الله من الطفاقه الحين عادي صح احزن بس احاول انسي نفسي وانشغل باي شي لانه طويل العمر رحاله بسم الله عليه ياكثر مايسافر فديته الله يصلحه ويهديه بس
اول مره بعد زواجنا سافرت انا لهلي وهو رجع لهله كنت حامل واختي ولدت ورحت اعزبها يوووووه يابنات...
الله يجزاك الجنة ووالديك
كنك تعرفيني وفاتحة الموضوع علشاني
زوجي الحين مسافر يقول لشغل
عقب عرفت انه نص سفرته تمشي
أنا ماكملت سنة متزوجة
والمشاكل أعووووذبالله من الشيطان شغالة 24 ساعة
الله يعيني ويرزقني الاستقرار
المهم هذي أول سفرة له طويلة شوي تقريبا نص شهر وأنا ماعرفت فيها الا فجأة
جت عقب هدوء العواصف اللي فحياتنا
انا ماهتميت مره
حتى ماقلت له بروح معك لأني متوقعة بيقول لا بس بطريقة غير مباشرة لأني استشفيت من شكله انه ماعنده نية ياخذني
فقدّرت نفسي وانثبرت
وقعد هو يقول انه من قبل ماتشرق الشمس لين تغيب وهو بشغله حتى الشمس مايقدر يشوفه << كل هذا علشان ماقوله بروح معك :(
فأسكت أنا ..
بس قبل مايسافر كنا عند أهله وقاله عمي(أبو زوجي) ليه ماتاخذ فلانه معك
وقعد يصرفه يمين يسار واسكتوا
قبل مايسافر بكم يوم قعد يسولف عن سفرته وقالي بحذر انه أول 3 أيام مافيه شغل والعذر إنه يبغى يعرف طريق شغله ومن هالكلام
ووووالله قهرررني
ماعلقت
وعقبها قال انه بيشتغل 4 أيام وبعدين راحــــة 3 أيام
<<< الللللللله بس عالشغل
وبرضو ماعلقت
مع ذلك وهذا طبعي سبحان الله انسى بسرعة
قعدت أفكر وش أحطله بالشنطة شي يتفاجأ فيه وينبسط عليه
تذكرت حركة حلوة قريتها مدري وين والله
جبت علبة قزاز فاضية وزبطتها من برى بأشياء حلوة
وجبت كراسة ملونة وصرت أكتب على الأوراق الملونة
عبارات رومنسية وحركات وشوية ودعاوي تشرح الصدر وأذكار
وحطيت عليها استيكر من برى وكتبت عليه مسكّن رومانسي <<< رحمت نفسي والله مصدقة اني على باله
وربي كنت متحمسة علشانه وتعبت عليها
المهم أمس يوم كلمتة قالي وش العلبة اللي حاطتها أول ماشفتها قلت شكله هذا شي طايح من الثلاجة
<< مدري وشدخل الثلاجة بالموضوع كانت العلبة منسقة جدا والله ما أبالغ !!
قلت يؤ خلاص زعلت بس طنشني وكمل كلامه بس يوم شفت اللي وسطها حركاات وماعرف ايش << يصرف
كملت سوالفي عااادي واضحك >> والله اني غبية دايم مااستوعب الشي على طول بس لا جاء آخر اليل قعد :icon33::icon33:
استغفرالله بس
مدري صراحة كيف اتصرف مع هالموقف ؟
اليوم كلمني بس كلمته ببرود شوي
مدري والله مدري كيف ووشلون اتعامل معاه مقهورة على متضايقة
بتقولون توك ماشفتي شي واغلب الرجال كذا
مشكلتي حساسة ومقدر انسى هالسالفة عقب مايرجع مو حقد صدقوني لا .. أكتم هالشي بنفسي
فمستحيل اتعامل معه بمحبة وصفاء قلب والله احسه جرحني
وهو أول مرة يتكلم معي بهالطريقة
يعني يستخف بالآخرين مستحييييل هذا مو طبعه معي أو مع الناس
آآخ بس
أتمنى أي وحدة فهمتني ترد علي بكلام ممكن يفيدني أو يوضح لي أشياء مو واضحة ....
آسفه طولت عليكم وغثيتكم معي
كلن فيه اللي يكفيه
بس والله ارتحت يوم كتبت وفضفضت لأخوات
عزيزات علي .. لأن طبعي كتومة
..