قبل يوم من زواجي نمت عادي وحاولت إني ماأفكر في أي شئ ونمت نوم عميق وصحيت من النوم لكن لمن جيت بشرب شاهي الصباح ماقدرت أشربه من الخوف والقلل !!!

لكن بعد الزفة كنت عادي جدا" مع إني ماأعرف الشخص إللي بتزوجه زين وماقد سمعت صوته ولمن جلسنا نتكلم مع بعض كانت هذي أول مرة أسمع صوته !!!!!!!!!
المهم وهو نايم جنبي أقول معقول أنا أخيرا" تزوجت وطلعت من بيت أهلي والله مو مصدقة وجلست أبحلق فيه وهو نايم !!!!!!

ياطويله العمر اخر ليله فى بيت ابوى كانت اكثرها خارج البيت من السوق للمشغل الخياطه وللمشغل الثانى لصبغه وعمل بروفه لمكياج العرس حتى المكياج سوت لى كل عين شكل عشان اختار الشكل اللى ابيه وطلعت للمشغل الثانى اللى كانو اخواتى فيه ولما دخلت كان الكل يطالع فينى لان مل عين لون ورسمه شكل وحتى بعض العاملات يقولون انت منتبه كل عين رسمه ولون قلت هذى بروفه وماكان ودى انزل بس عشان استعجل اخواتى لان عندى مشاغل كثييره ذاك اليوم ورجعت الى بيت اختى عشان كنا مواعدين وحده تجى تشيلى الجسم بس عاد مو كله ولا طلعت من بيت اختى الا الساعه الثانيه الفجر ولما رحت للبيت حتى ماتغديت ولا تعشيت مالى نفس مره ولما جيت انوم ماقدرت اخواتى نامو الا انا بس ساعتين وصحيت الساعه سبعه الصبح وصرت طالعه نازله فى البيت الى ان صحيتهم ورحت العصر للكوافير وخلصت الساعه من الساعه سبعه ونص بعد المغرب ولا جا اخوى الاالساعه 9 كانو مشغولين ولما طلعت نسى يجيب الورد ومر على الورد واخذه وبعدين مر على مركز عصيرات لانه نسى يجين العصيير الطازه العصر ويوقنا لمهد نص ساعه عند المحا وانا شوى وابكى حر ومتاخره وبعدين اتصلو عليه اهلى وقالوا جب افلام للكاميره ماعندنا تخيلو كل هالمشاويير ولنل معه فى السياره ولا وصلت الا الساعه عشره مع دخلت اهل المعرس ولما جلست ماصدقت قلولولى قومى غيرى الجيبون جبنا لك واحد اكبر وقومنى ولبسونى وانا مانى قادره امشى من التعب والجوع حتى اعطونى عصير ماكنت راضيه اخذ منه شى وشربت شوى بس ولما دخل العرس قلت لزوجت اخوى اسندينى ترى يمكن اطييح لما اوقف بس الحمد لله ماصارت ضبط اعصابى ولما رحت لبيت زوجى كنت خايفه بس مو زى قبل وجلس يتكلم عن نفسه وش لبفى اعرف عنه لانه اول ماكان يكلمنى بس القهر ماجاب عشاء قال ايش اعرف ان العروش تخجل ولا يصير لها نفس تاكل عشان ماطلبت انا انقهرت بس لما فكرت صدق ماراح اكل بس عشانى فاكهه حتى ماخذت الا شوى بس لكن بعد ما ولدت عوضنى وودانى فى فندق 3 ايام وعشانى فى الفيصليه ب450 ريال
معليش عارفه انى طولت عليكم
بس انت طلبت تعرفين اخرليله فى بيت اهلك واول ليله فى بيت زوجى
سلام

مشكووووورة أختي على موضوعج الحلو:26:

انا الحين مالجه وانشالله لما اعرس بخبركم بشعوري
احس ان ها الشي بيكون صعب واااااااايد علي

الله يسر علينا:27:

وعقبال العزابييييه:23:

هلا والله
ابد داخله الموضوع لقافه مابعد اعرست
ههههههههههههه
موضوع حلو مشكوره:26: :26:

والله ذكريات ياب لنا هذا الموضوع..

اذكر اني كنت مشغولة بالدراسة واااايد واحاتي الجامعة لما عرست.. كان عرسي الخميس وانا لين الاحد اداوم بس لأني ابي اخلص كل شغلي وبحوثي وسلمها لأني بعرس على نهاية الفصل وماراح آخذ غير اسبوع اجازة ولما ارجع الجامعة بدخل اسبوع الامتحانات..

كان عرسي ثاني يوم عيد الفطر.. يعني اليوم الاخير في بيت اهلي كان يوم العيد.. كان الكل مستانس وفرحان ولابس وكاشخ.. إلا انا اللي كنت قاعدة من الصبح اشوفهم لابسين وكاشخين وانا اقول في خاطري هذا آخر عيد لي في بيت اهلي.. وآخر مرة اكوي غتر اخواني لأني كنت الوحيد الخبيرة في كي الغتر والشماغات.. وآخر مرة ادخن اخواني واساعد امي وخواتي في تجهيز اكل العيد والحلويات..

وبعدين كنت اتمنى اكلم ريلي واهنيه وابارك له العيد.. هو اتصل وردت عليه امي بس الله يسامحها عمتي ماخلته يكلمني ولا يباركلي اونه شو باجر بتشوفون بعض فلازم تشتاقون لبعض.. وضو قعدت اصيح من ها الموقف وزعلت من عمتي اللي ردت علي لما اتصلت بهاي الطريقة وهي حست .. لأني عقب صكيت التليفون وشوي ولا اتصل ريلي يبارك لي العيد عاد انا من سمعت صوته قعدت اصيح...

بس تريقت وتغديت وتعشيت من خاطري لأن هذي آخر مرة اكل في بيت اهلي وانا بعدني بنت..

ولما يا الليل ما عرفت ارقد ورحت اتمشى بالبيت واتذكر الايام ومريت بجنب غرفة ابوي الله يرحمه.. ولا قعدت عند الباب اصيح واتذكر لما كنت صغيرة وفصلوني امي وابوي عنهم وخلوني ارقد في غرفة البنات كنت اشرد من الغرفة في نص الليل وادق عليهم الباب بس هم ماكانوا يفتحون حق اتعلم ارقد عن خواتي بس كنت اعاند وارقد جدام الباب على العتبة لين الصبح ومن يقوم ابوي ويفتح الباب يشوفني ويشلني ويرقدني عنده... (الله يرحمك يابوي) وعقب رحت عند امي ورقد بجنبها حاضنتنها وهي تصيح وانا اصيح..

وثاني يوم من صلاة الفجر وانا قاعدة ما يايني رقاد.. ورحت اساعد امي في المطبخ واسوي الريوق لأخواني وادلعهم لأن خواتي كلهم راحوا يقعدون بشقة اخوي حق يروحون للصالون وعقب القاعة.. فقعدت ادلع اخواني الباقين وامي.. مع اني الصغييرة وقبل الاخيرة..

وبعدين من الساعة 10-1:00 الظهر وانا قاعدة على النت اشوف ايميلات وكلم ربيعاتي بالماسنجر والكل مستغرب اني عروس وفايقة اقعد على النت .. وبعدين ودعتهم سرت صليت الظهر وتغديت لي برجر وتسبحت ويتني حالة جمود وبرود اعصاب ولما يت بطلع من البيت اروح الصالون كانت امي الوحيدة اللي قعدت بالبيت وانا متعودة قبل اطلع اي مكان اسلم عليها واحبها فوق راسها بس هاي المرة حضنتها وهي حضنتني بالقو بس انا بعدت عنها حق ما اصيح ولا صيح.. وطلعت من البيت ورحت لصالون..
خلصت مكياجي الساعة 7 وسبع نص انا في القاعة قاعهدة بغرفتي اتريا ياذن العشا حق اصلي والبس الفستان..

ودخلوني القاعة الساعة 11 وكنت متجمدة وماكنت اسمع شيء ولا اشوف غير الدنيا تلف بس حاولت امسك نفسي لين قعدت وانا ما سمع شيء كأني صرتي صماء..

وشوي ولا يقولون المعرس داش مع اخوانج ولما دخل قعدت ارتجف من الموت وبدا العرق يصبصب من البرد والله.. وسلمت على اخواني وكانت الدمعة خلاص بتنزل لأنه كان ودي اشوف ابوي..

وبعدين طلعوا اخواني وقالوا لي قومي قصي الكيكة انتي وريلج بس انا عاد تيبست ما اقدر اتحرك خلاص..

ولا تحركت وريلي يكلمني وانا متيبسةمن البرد والرجفة وهو يحس بالكرسي يهتز من الروع.. وكل شوي يمسك ايدي حق اهدى بس انا ازيد.. لين شفت خواتي يايين ويقولون يلا قومي وفصخي الجيبون حق تلبسين العباية وتطلعين..

وركبت السايرة وانا خلاص ميته.. ولما وصلنا البيت قعدوني اول بالمجلسس وراحت عمتي تجهز غرفتي وتبردها ودخنها.. وانا في هاي اللحظة كنت حاضنه امي والكل كان يرقص ويضحك.. بس كنت افكر في اختي الكبيرة لأنها بعدها ما عرست... وكانت وحيدة مع اختي الصغيرة...

المهم وخذوني عقب الغرفة وهناك الكل سلم علي وطلع إلا امي ولما شفتها صاحت صحت وهي طلعت..

هني صارت لي مواقف تضحك..

عمتي دخلت عقب مع اختها حق يساعدوني اغير ثيابي بس انا ماسمحت لهم وقلت انا بروحي بسوي كل شيء ما ابي مساعدة احد وطردتهم ودخل ريلي وقعد شوي.. ولا يدقون الباب ويقولون ان عمي يبي يسلم علي.. فقمت لبست العباية ودخل عمي وسوا لنا محاضرة عن الزواج وانا خلاص بموت من التعب واليوع بس الحمد لله..

ولما طلع عمي ريلي قال اساعدج قلت له لا خلك بعيد بس مسكين ساعدني لما شافني متوهقة افتح التسريحة لكن ليته ما ساعدني افتح شعري لأنه قطع شعري لما ساعدني.. وقعدنا نضحك على نفسنا وشكلنا وهو يساعدني يفتح شعري وانا ماسكته لأنه قطعه لي..

والسموحة اني طولت وكانت هذا ايامي قبل العرس وعقبه
على حسب الطلب
فرحت:26: