شعوري تجاهها

السلام عليكم ورحمة الله
رمضان مبارك علينا وعليكم
انا عندي مشكله محيراني ومش عارفه ايه اللي انا بحس بيه تجاه الانسانه دي اول حاجه احكيلكم الموضوع وبحاول اوضح بقد مقدر واتمنى تساعدوني
الانسانه دي هي سلفتي ونتو عارفين السلفات نادر انو هم يتفقوا وعلاقتهم تبقى كويسه بس اللي عملتو سلفتي معايه شي مش عادي ولا طبيعي لدرجة بقيت بكرهها هي وعيلتها ككل ومحبش اني اسمع سيرتهم
هي اكبر مني ونا لما دخلت على العيله ماكنت اعرف حاجه كنت بريئه ومش عارفه كيد الحريم وكده فكنت على سجيتي وكانت ولا زالت شخصيتي مسالمه وبريئه ومحبش اتعدا على حد ولا حد يتعدا عليه بحب الاحترام فسلفتي كانت بتريق فيه وبتعمل نفسها الكل في الكل وبتشوه سمعتي قدام ام زوجي وتكيد لي مكائد لدرجة بقت حماتي زيها بتتريق فيه وبقيت ولا حاجه عند زوجي ولاعند العيله بيستخسروني ويجرحوني بدون اي مراعاه لمشاعري المهم دلوقتي مر على زواجي 9 سنين وسلفتي لسه بتعمل عمايلها وتبين انها معملتش حاجه وانها بتحبني ولما بنكون لوحدينا بترمي علي الكلام عيني عينك وبتكرهني جدا
عموما انا في الفتره الاخيره كسبت ود حماتي واخوات زوجي
وبقت علاقتنا زي الفل وسلفتي دي احتاجتني وساعدتها لوجه الله وبقت بتحاول تحسن العلاقه معايه بس المشكله اني خلاص كرهتها من قلبي وخلاص بقيت مش عايزه اشوف وشها ومع انها حسنت اسلوبها معايا بس خلاص مش قادره اتقبلها وبفكر اقطع علاقتي فيها نهائيا لاني اخر سنه خففت زيارات بينا وصرت بشوفها في السنه 3 مرات بس مش مرتاحه ليها ومع اني سامحتها من قلبي وبدعيلها دائما ومبقاش فيه اي حقد واصلا ما بفكر فيها ابدا بس لما بسمع اسمها او بشوف حد من عيلتها بحس بشعور كأنه حد بيصب عليه ماء ساخن والمصيبه زوجي عارف انها مش كويسه معايه وعاوز يجبرني اروح لهم بس انا مستحيل اروح او اعزمهم فبيتي
اتمنى تنوروني وتعطوني حلول لعل وعسى ارتاح من اللي انا فيه