اثقلي ..واعقلي


ماتدرين لو كان قدوم هالسلفة خير لك ..
عيشي بنعمتك وما وهبك الله .

شوفي ان زوجك يشوفها مع نفسه ماتحل له بس انت لما يكون هناك خلك معه
اما تقارنين زواج واثاث قبل عشر سنوات زي الحين مستحييل
لازم يكون غير الناس تغيرو والسوشل ميديا بعد فتحت لنا ابواب ش كثرها فاقول لك من الحين شيء اكيد الي الحين غير قبل عشر سنوات

ترا اهل الزوج مفروض مايكونون محل اهتمام كبير تراهم اضافه لحياتك ان وصلتيهم اجر وان خليتيهم ماعليك ذنب لاتخلينهم محور حياتك كذا بتتعبين اذا هم تغيروا عليك عشان العروسه وطاروا فيها معناه ماعليهم حسوفه خليك بنفسك وزوجك ✋

يابنت الحلال لا تشيلين هم شي طالما انتي مو مقصره معاهم ومبيضه الوجه خلاااص لا تحاتين دايم مرت الولد الجديده زي اللعبه يفرحون فيها اول كم شهر وبعدين يصير الوضع عادي ولا تقارني أساسا يعني انتي متزوجه من 10 سنين شي طبيعي اثاث اول غير الحين وحتي الأول إمكانيات السفر غير كل شي وكل ناس ولهم زمنهم فلا تتعبين قلبك علي شغله من جد مالها داعي خليك عسل معاهم ومع زوجك وماحد بيقدر يغطي عليك

شعورك الي تحسين فيه حسيت فيه قبل 3 سنوات..لما اخو زوجي خطب وتزوج...بس اناالي كان يقهرني هم اهل زوجي..اثاثو لها بيتها من الى...وانا والله العظيم دخلت بيتي مافي غير غرفة نوم ومطبخ..وسلفتي جابو لها كل شي..وكانو يتعمدون يمدحونها ويمدحون اهلها قدام زوجي..
بس انا ماخليتهم يحسون اني انقهرت او غيرانه...رحت وشريت فستان لزواجها ب600ريال..وصورته وارسلته لهم قلت وش رايكم في فستاني باخذها لزواج فلانه..قالو بكم الفستان قلت ب600 ريال قالو غالي قلت عادي بحظر زواج اختي ولازم اكشخ وافرح..ورحت شريت هديه لها...
وكلهم مستغربين اني ماغرت ولا فكرت ..مادرو اني من جو قلبي محروق...وانحرق قلبي اكثر...لما عرفت انهم بيوم الخطبه عطوها طقم ذهب..ويوم الزواج عطوها طقم ثاني...وانا ماجابو لي الا طقم ب1500ريال يوم الملكه...
بس والله ماخليتهم يحسون بقهري ...
ولما راحت سلفتي بيتها ..بعد شهر رحت وكمان جبت لها هديه وزرتها..في بيتها...والحين انا وهي سمن ع عسل مابينا الاكل احترام وموده ...واهل زوجي ماعطيتهم فرصه يقهروني...