انا م يقهرني الا اللي قالو لها انتي ام عيال ولا اعتبريها بنتك ايش بنتها هي قالت لها متزوجة 10 سنين مو 30 سنه اعتبريها اختك وماعليك من كلام احد ودلعي نفسك ولا تقارني نفسك فيها ولا ف احد احسن عشان م تتعبين حطيً نفسك احسن شي وثقي بنفسك

يا امي طزززز ويش يعني احسن منك ومدري ايش طنشي حبي نفسك وثقي بنفسك وافرحي بنفسك وماعليكي منها تحط اثاث من ذهب تسافر المريخ جمالها غطى على هيفا وهبي ماعليكي خلي هالأشياء أتفه الامور عندك ولو كذا شافوكي اخوات زوجك او حسو فيكي القلق والتوتر ناحيتها ترى بيمسكوها عليكي ويقولون انك غيرانه منها لانها احسن ومن هالكلام لاكن لو شافوكي ماعليكي من شي ومبسوطة بنفسك مايقدرو يقولو اي شي وبيحترموكي ويطقولك حساب لانو سلفتك الجديده ماهمتك مايهمك غير نفسك وبس

هذا لي ناقص ههه

انسيها واهتمي في بيتك وعيالك ولا هذا الكلام ما منه فايده تراها حرمة اخو زوجك مو حرمة زوجك الحمد لله الله يرزقك ويرزقنا الصبر

تقارنين قبل عشر سنين بالزمن هذا !
تخيلي بس لو يوم تزوجتي جتك وحده متزوجة قبلك بعشر سنين وقامت تقارن بين اللي سووه لها واللي سووه لك ؟ اكيد بتطالعينها بإستغراب وتقولين خير وش تبي ذي الزمن غير !
وسالفة السفر لأوربا شي يخصهم هي وزوجها ويمكن ابوها مساعدهم مدامه غني او الولد يبي كذا


ترى عندي سلفات بعضهم قبلي وبعضهم بعدي والجمال متفاوت
لكن ما حسيت باللي تتكلمون عنه
الغيرة وهالامور !
شيلوا المقارنات
وابعدوا عن الغيرة ولا تفتحون على تفكيركم ابواب مسكره
اذا جاك الشيطان تعوذي منه
وابعدي افكارك عنها وادعي لها بالبركة والتوفيق
لازم الانسان يهذب نفسه لما يشوفها تبي تميل لامور سلبية او تضره ما تنفعه
والغيرة من السلفة ما اشوف فيها أي مبرر
لاهي زوجة زوجي ولا هي بتتعامل معه !
واذا صارت احسن مني مع الحمولة وش المشكلة ؟
خليها الله يسخر لهم
الانسان الوحيد اللي بغار عليه زوجي وغيره لا اهله ولا اخوه ولا كائن من كان ممكن يخليني افكر بالغيرة !
وكلا يتعامل باللي يبغى وبالطريقة اللي تعجبه
وسالفة ان زوجك بيشوفها
اكيد بيشوفها
لكن لا تكبرين السالفة ادعي ربك يجملك بعينه وخليك واثقة من نفسك ومرتبة دائما واملي عينه