شعوري ليله عرسي ............ واااااي فشله

مساااااااااااااااااااااااء الخير
يابنات شلووونكم؟
وحشتوووووني
انزين انه موضوعي ياجماعه الخير
عن شعور كل وحده ليله عرسها اذا سوت عرس طبعا
شنو حسيتي فيه؟؟؟
شنو رده فعلج؟؟؟؟
شنو شعورج بين الحشود؟؟؟؟
شنو صار فيج؟؟؟؟؟؟؟

ابدي بروحي
بقول كلشي بالتفصيل
طبعا كنت لابسه الفستان الابيض ورحت الصالون العصر ............ وعدلوني وسووني وحده ثانيه :39:
وخطيبي لما طالعني ( كان وقتها خطيبي ) انصدم من الطلعه البهيه والجمال وطبعا خذاني بسيارته القاعه
اول مادخلنا رحنا غرفه للعروسين وكانو خواتي ماشافوني ولما شافوني تهبلووو علي
لاني اختهم الصغيره واخر العنقود ويبون يفرحون فيني وطبعا قامو ينظمون دخلونا انه وزوجي وخلو بنات خواتي وبنات خالاتي الصغار يصطفون جدمنا وكل وحده شايله شي الي عندها وحده تحذفنا فيه ههههههه والي شايله شموع والي شايله القران الكريم والي شايله بخور وشبه والي شايله قفص فيه طيور وهالخرابيط تبع العرس هههههههههههههههه................
وصارت اللحظه الحاسمه وشغلو الاغنيه كانت اغنيه راشد الماجد ( البدر ) انه لما سمعت القاعه كلهم ساكتين والاضواء صارت خافته وشغلوا الاغنيه استعداد لدخلونا هني بطني عووووووووووورني :( وريلي ماشالتني
هههههههههههههه ودخلنا انه وزوجي وكنا مستحيين نمسك بعض جدام الناس ( ياحليلنا ) وكلللللللللل الناس يطالعون وانه مادري شنو اسوي ابتسم لهم ولا اطالعهم ولا ما عطيهم ويه ههههههههههه والتصوري قايم وقاعد والمصورات يصورون فينا
ولما جربنا من الكوشه عطيت امي مسكه اليد وركبت وانه علي كععععب عالي بس الحمدلله عدت على خير وماطحت وطبعا وصونا ان لما نروح يم الكراسي مو سييييده نقعد نوقف شوي الى ما يأشرون لنا ونقعد واحنا نفذنا الاوامر بس بعدين لما تعودت على الجو صرت مو مستحيه وراااح الحيا وطار وياو الناس يسلمون علينا وقمنا انه وزوجي نقص الكيكه وبغى يطيح من المسرح وهو يقص الكيكه لان مكان الكيكه صاير على حافه المسرح
ههههههههههههه الله ستر وماطاح جان الليله قضيناها بالمستشفى
وطبعا الي خففوا الاضاءه الي على المسرح وحطو اغنيه رومانسيه عشان انا وهو نرقص بس احنا ماكنا موافقين وبالغصب رضينا وقمنا رقصنا برومانسيه وعيني بعينه وعيني دمعت بس الحمدلله ما خترب المكياج ( ياااااااااااااعيني عالرومانسيه )
وبعدين طلع شوي عشان اصور مع خواتي وصديقاتي واخذ راحتي وكنت مستانسه بس راااسي يعورني من الردحه والاصوات
بس صج شعووووور عجييييييييييييب لما تدخلين وكل الناس يطالعون فيج تحسين روحج نجمه الحفل ......................
وطبعا ما يحتاج اقول شنو الي صار بعد العرس
رجعت البيت و10 ايام ماطلعت من البيت حتى سفره شهر العسل تأجلت لان صادني شي غريب عجيب ماقدر اتحرك من مكاني ومادري شنو الي صار بس الحمدلله ان الله طلعني وشفيت وتم كلشي على خيييييييييييير
تجربه حلوه
الله يخلي لي زوجي ياريت اقدر اسوي عرس مره ثانيه
هههههههههههههههههههه

يالله يا بنات عاد لاتفشلوني ترا يدي تكسرت وانه اقول قصتي كل وحده تتفضل وتقول قصتها وشنو كان شعورها ورده فعلها وحتى لو كانت متزوجه من 30 سنه مااااااايخالف
ابي اعرف تجارب وافيد غيري والي ماعندها رد تعلق اي تعليق بس ما تردني ماحب اشوف قراءات بلا ردود


انطركم :39: