ورررده @orrrdh

كبيرة محررات

شعور اتعبني حسيت فيه وانا بحارتنا القديمة في مكة مدري هو حنين مدري وشهو ؟!

السلام عليكم..
مسيهــم / صبحهم بالخــــــــير...

من شهـرين فاتـوا كـان عنـدنـا نــيه نجـي نقـضي عطلة نص السنة في مكــة

تقريبـآ كـلنا من نطـري مكــة على طـول يجـي في بالنـا الحـرم والعمـرة.

لكـن مكــة بنـسبة لي محـل ولادتــي وطـفولتـي وأخــص حـي (العتـيـبية) بجــبل المغـاربه..
هـذا الجـبل اللي كنـت افتخــر بكـل بـراءة الطـفوله بأني من سكـانه امـام صحـباتي في المدرسه
فقـط لانه كـان ومازـال الجــبل الوحـيد من بـد جــبال مكـة اللي يظهـر على التـلفزيون كـل رمـضان
حـيث تتوجـة كمـيرات الحــرم الى ذاك المــدفع إذانا بالإفطـار..:king:

كـان ذاك المـدفع يـضرب في ليلـة دخـول رمــضان عـشرين ضـربة متفـرقة
يتعـالى فيها اصـوات الصغـار ويهـللون الكـبار ..
وكنـا نطـلع لسطـح البيت ويسمرون أخواتي مع بنات جيـرانا على اصـوات المدفع..
اذكــر تـلك الفـرحه الي كـانت تتمـلكنــي مع كـل ضـربه يضربهـا المـدفع..يـــــــالله

فكانت بالنـسبة لي بداية أكل السمـبوسة والشوربيـت (الفيمتـو) والسـوبيا..( اللي ماكنا نشوفها إلا برمضان ) :42:
والصـلاة بصـوت الشيخ الخليفـي الله يرحمه..ومشاهدة الشيخ علي الطنطاوي الله يرحمه

وحمـل صحـن (طبـق ) كـل يـوم عشـان اوصـله لجـارات امـي
وبتـالي الرجـوع بصحـن فيه ما يســيل له اللعـاب..كانت تعتـبر نـزهـة يومـية اقـوم فيها بكـل تـرحيب.

وبمـا ان طـول السنـه تقريبآ دراسـة ونوم بدري
فكـان متـابعة الشـروق الشمـس وظهـور الضـوء ما يحـصلي إلا في رمـضان فقط..
بحـكم وجـوب النـوم مـبكر في باقي الشهـور بسـبب المدارس..فكـان مـراقبة الضـوء من اهــم الاشيـاء
الي بسـببها اتحمــل تـوبيخ وخصـام ابوي وأمي لي.. اللي احيـانآ يـصل للضـرب بالخـيزران. :huh:

ورمـضان بنـسبه لي هـوه مـوعد لشـراء فستـان جـديد (منفوش)مع شنـطة امـليها حـلويات وعــيديه..

ويـوم العـيد كان بالنسـبة لي يـوم الحـرية العـالمي..

فكانت كل طـلاباتي مستـجابه في حدود تفكـيري كطفلـة

كان بداية اليـوم لبس الفستـان وخواني وخواتي وأمي وابوي في احلى حـلة ونتـوجه للحـرم الساعـة
الثالثة فجـرآ ..وحـضور صلاة العـيد كنا نمــشي على ارجـلنا ما نستخـدم السيارة

وكانت نـظراتي ملية بالفـرحه وضحكتي تملئ وجهي ..

وكل من حـولي يمشـي بمـلابس جديده والعطـور الفواحـة تنبعـث من كل جهه..

وكان كل ماشفت وحده من بنات جيرانا وريتها فستاني واخذ دورة سريعة حول نفسي عشان فستاني يصير دويرة :hahaha:

وكانت تتعالى اصوات الناس بالتهاني والتبريكـات والتكبيرات

من جهـة ثـانيه لمـا كـانت تفـضى جالونـات مـوية الزمــزم..
نحــضرها ونجهـزها في ونـيت الوالد رحمـة الله عليه...
كـانت من اعــز اللحـظات الي اروح فيـها مع أبـوي للحـرم نعـبي الجـالونات زمــزم..
وطبعـآ الي كـان يحـليها المكـافئة اللي مـاكانت تتعـدى خمـس ريـال لكـل واحـد فينـا يشـد حيـله..

غير كذا كان ليوم الجمعة هيبته عند الجميع..كان ابوي يصحينا بموية بااردة
ونتروش ونروح من بدري للحرم نصلي الجمعة...ولاطلعنا نمر المدعى(اسواق جنب الحرم)

وياحب امي لذاك السوق خاصة محل الذهب حق عبدالغني :39:

ومـرررت الأيــــــــــآآآم

تعـديت مـرحلة الطـفوله ..ونقلنا لبيت جديد بشرائع

وشــاء الله ان انتــقل انا الى المنـطقة الشـرقيـه..

وبعـد فترة ليست بقصــيرة , عمـلت زيـاره لحارتنـا القديـمة..
فتعجـبت ان الحـي ماهو الحـي الاول ..
ولا الجيـران هم جيـرانا الاوليـن.. تغـيرت الـوجوه وتغيـرت الاطـباع.. وتغــير كل شي..

حسيـت بالغــربه :44:
حسيت بالغربة في مكـان قضـيت فـيه اجمـل ايامـي
وخـشيت على نكهـة ذكـريات طفـولتي ان يمسحهـا شعـوري بالغربه في تلك اللحـظه..
فقررت ان لا اعــود زيارة تـلك الامــاكن..

وان اكتفــي ببقــايا ذكريـات طفـولة احمـلها في وجـداني.

فسبحــان من له الدوام... وسبحـان من يغـير ولا يتغـير.

للجميــع :26:

يلزم عليك تسجيل الدخول أولًا لكتابة تعليق.

تسجيل دخول

الوله قلبي • 14 سنة

فداك انا كلي • 14 سنة

الله يغفر لأبوك ويرحمة وان شاء الله ماتتذكرين الا الاشياء الحلوه
وهي كذا الدنيا تغيرت بأشياء كثيره والماضي دائما له حنين وذكرياته حتى ولو كانت صعبه الا انها حلوه بكثير

لينا الجميلة • 14 سنة

ورده 00 رااااااااااائع كل الكلام اللي كتبتيه ذكرتيني بأيام طفولتي
أنا مثلك احن كثير لأيام الطفوله عجبي الفستان لما تلفي فيه عشان يصير
دويره لأني كنت اسويها ههههههههه

naghaaam • 14 سنة

روعه ذكرتيني بايام زماااااااااان راحت وراحت البسمه معاها
فكرتيني بالعيد في حارة البيبان الي كنت اسكنها ولما نروح الحرم روعه روعه

وصايف الحجاز • 14 سنة

الله على الذكريات

والله فقدنا متعة الحياة الحقيقيه

كل شئ كان له طعم ولون

فقدنا القلوب الصافيه

فقدنا جبنا وخوفنا على بعض

الحمدلله على كل حال