السلام عليكم
كيفكم جميعا..
ماشاء الله لا حول ولا قوة الابالله اللهم صلي على محمد
صراحه موضوعي احترت وين احطه شفت حياه اسريه سعيده الافضل كنت احسب القسم فقط للمتزوجات طلع للكل حتى
الارامل والمطلقات والزوجات الثانيات والاوليات وذا الى خلاني احطه هينا بالذات اتمنى من المشرفات عدم نقله لقسم
الفتيات لن صراحه احس ان كبرت واااجد..
طولت مو ..
صراحه انا ببدا في مشكلتي والحمد لله رب العالمين راضيه بالمكتوب ..
بسالكم خواتي عن شعوركم لتزوجن كل صاحباتك ,,,,,,,وانتي للحين ماتزوجتى ولا حتى انخطبتي واساسا ماحد طق
بابك يخطبك وش بيكون شعورك :44: قسمه ونصيب ويارب لك الحمد ..بالنسبه لي عادي اوكي
بسالكم عن شعوركم لاتزوجن كل بنات عمك وخالك وجيرانك ,,,,,, وانتى للحين ماتزوجتي ولا انخطبتي لا صدق ولا
مزح حتى وش شعورك:44: قسمه ونصيب ورزقك ماحد راح ياخذه غيرك والحمد لله والشكر..للحين عادي
بسالكم عن شعوركم لتزوجن كل خواتك الى اكبر منك والى اصغر حطو خطين على اصغر منك ,,,,وانتى بعدك
ماتزوجتي ولا حتى خطبه في الاحلام وش شعورك :44: والله وربي عارفه انه نصيبهم قبلي
ومؤمنه بالقضاء والقدر وان الارزاق قسمه ونصيب والحمد لله رب العالمين للحين عادي موقنه تمام الايقان بالله عز وجل
لكن وش شعورك يوم تشفوفين نظرات ابوك وامك وخوانك وخواتك لك بالحزن والشفقه يهون بس وربي اغصب نفسي
اقول يهون لكن الى برا البيت غير هلك ؟؟؟ جنون ايه جنون
انا ياحبيباتي قدر على ربي وتاخر نصيبي او يكمن قدر علي اكون عزباء مدى الحياه ..الشكوى لغير ربي مذله
لكن احس من كثر الكبت الى فيني ماعاد فيني اتحمل احس العبره خانقتني غصه مو راضيه تنزل ولاتطلع ..هذي المقدمه بس
انا والحمد لله بنت من الله علي وفضلني ع كثير من خلقه من عائله جدا محترمه والحمد لله ..معلمه والحمد لله ..اجمل
خواتي بشهادة الجميع (مدري يجاملوني مايبون يكسرون بخاطري ) بس عارفه قدرات نفسي عمري 27 في مجتمعنا الى
عمرها 18 وما اعرست عانس فمابلك بعمري ادري خزعبلات وانا مازلت اقنع نفسي لكن من جد بدات انهزم مع نفسي وبدا
كل تفكير (ليه ماتزوجت للحين ) ..احيانا امسح دموعي واقول يابت وش لك تعوذي من بليس وهذى ارزاق يعطى من
يشاء ويمسك عن من يشاء لكن ماسرع مانهزم وينهد حيلي من اشوف الواقع انا مدرسه في مجمع ابتدائي ومتوسط وثانوي
تخيلي كل يوم معناااة وانهزامات اشكال والوان اشوف الامهات الى يحضرون الاجتماعات اغلبهم صديقاتي ومن معارفي
بناتهم الى في اول والى ثاني والى في راااابع لا فيه وحده درست معها بنتها في ثالث متوسط تخيلووو
تخيلي بس وقفتي معاها وهي تسال عن اخباري وجديدي وتستغرب ان للحين ماتزوجت وبنتها في المتوسط انخطبت
وزواجها بالصيف وتطلب مني احضر زواج بنتها ’’’’’’’’’’ ياهو شعور طيحني من طولي جلست اعض ع شفاتي حتى
لاتهزمني دموعي وكلي مكابره ودعوات يارب جو القلب تجرح ولاتطلع وتفضح ’’’’’’’’
وتعالي شوفي لانواع انواع النظرات .. اتحاشاها غصب عني واروح ابي اطلع من الجوا العاصفي الى كنت فيه اشوف
معلمه من المعلمات اللى حامل واخذ عنها حصة احتياط من ثاني ثانوي هي تقولي عادي اقدر انا اكمل وانا لا احلف
عليها تطلع انا اكملها ,, وياليتها ماعطتني شو الطالبات يستاذنون يطلعون قاتوهات وعصير وشبسات وحلويات
وشكولاتات انا هينا انبسط حلو بطلع من الجو اقوم اتلقف وش المناسبه بنااااااااااااااات يردون بصوت عالي ابله لمنار
وريم منار ملكت وريم حامل :(:( مبروكين الله يوفقكم حبيابي احتفلو من غير صوت ,,هم الله يبارك فيك عقبالك ترجع لي
الغصه مره ثانيه ابي اضحك واخفف دمي واقووووووووووووول ويييييييييين رااااحت علي الفال لكم ,,الا ترد وحده تقول
اسم الله عليك ابله العجايز ها الايام يخطبون اكثر من الشباب خذيلك شايب فليها معه تكسبين اجر .. طلعت سويت نفسي
ما سمعت اروح حصتي اندمجت صراحه وانا اشرح وانا حقيقه انسى نفسي لادخلت جو الشرح تفاعلو البنات معي
ويرفعون اياديهم وتطيح عينى ع كم يد بنت فيها دبل خطوبه وترجع الماساه ..:(:(.. يالله هي من زمان اشوفها لكن
صارت واضحه وتاثيرها اوضح .. عطيتهم ظهري عطيتهم نشاطهم الصفي والواجب ع الصبورة وطلعت .. ياعيني
عليهم طلعت والف علامة استفهام ع وجيههم كسرو خاطري حرمتهم حصتهم غصب عني وش السوات اعتذرت
عن بقية حصصي ..
اروح البيت مهدودة الحيل مالي غير مخدتي عذبتها معي ماغير هي تمسح دموعي ماغير هي تلمني شو اصيح وشو
اعضها وشو اضحك وش له يابنت وش ذا الزواج الى وقفتي عمرك عليه خفت من نفسي حسيت اني بدات افقد الامل
علموني احسن الظن بالله مع اني همي رضاه ...
كثير لا ضاقت الدنيا علي اروح افتح النت واشوف مصايب العالم والثورات والزلازل والمجاعه واظل احمد ربي واشكره
واقنع نفسي هااا يابت انتى افضل منه بمليوووووووووووووون مره نايمه بامن وامان نايمه وبطنك مليان اهلي حولي
غواليه كلهم بخير اناظر بيتنا وش زينه يهبل اشوف دولابي يابختي محدن مثلي اطالع صرافتي يارب لك الحمد والمنه
وربي بنعمه وخير والحمد لله الى فضلنا ع كثير من خلقه سبحاااااااااااااان الله ماهي الا ايام وترجع المآآآآآآآآآسي الى ماحد
يحس فيها غير واطيها اسمع هلي يهمسون لبعض واذا دخلت يسكتون انا كنت عارفه من مده ان اختي الصغيره انخطبت
بس هم مغطين السالفه عني صرااااااااااااااحه يوم سمعتهم كانو يتكلمون انا جيت بدخل معهم بالسالفه وانا والله طبيعي
وعادي هي اختي والله اطلع اللقمه من حلقي احطها في حلقها احبه واتمنى لها الخير اكثر من نفسي .. يسكتون ويدخلون
في سالفه ثانيه شعور اعتصر قلبي ليه .. رحت غرفتي كنت اقوى من كل مره طنشت وكنت اغصب قلبي غصب اطنش
عيون تعبت دموووووع حاولت انام نمت
خلاص ماعد فيني اكتب انهد حيلي ماعد شفت قدام من كثر الماي الى بعيوني كان في راسي الف قصه وقصه من المعاناة اليوميه ..
ادعو لي يفرج همي ..همي مهما كبرت فخالقي اكبر منك ياربي يامن لا يعجزه شئ في الارض ولا في السماء اكفيني همي ..امييين
اتمنى رفع الموضوع علها تصادف من تتستجاب دعواتها
همي رضى خالقي @hmy_rd_khalky_1
عضوة جديدة
يلزم عليك تسجيل الدخول أولًا لكتابة تعليق.
الله يفرج همك وينفس كربك امييييين لك وديالله يفرج همك وينفس كربك امييييين لك ودي
الحمد لله واشكر خوفي اكفر بالنعمه بس يارب الثبات
حياتي تسلمين
حياتي تسلمين
الله يرزقك بالزوج الصالح الحنون الطيب عاجل غير اجل
احسني الظن بالله وتشوفين نصيبك استغفري قومي أخر الليل ادعي بالاحاح
وكلي أمرك والزمي الظن والزمي الاجابه من الله قريبه وتشوفين حياتك بتتغير وبيرزقك ربك
وانتي على عمرك تعتبرين صغيره وقدامك الحياه وكل تأخيره فيها خيرها لك
الله يوفقك ويسعدك ويرزقك من باب فضله
احسني الظن بالله وتشوفين نصيبك استغفري قومي أخر الليل ادعي بالاحاح
وكلي أمرك والزمي الظن والزمي الاجابه من الله قريبه وتشوفين حياتك بتتغير وبيرزقك ربك
وانتي على عمرك تعتبرين صغيره وقدامك الحياه وكل تأخيره فيها خيرها لك
الله يوفقك ويسعدك ويرزقك من باب فضله
غريبه
مع انك مدرسه ماشاءالله والشباب هالايام يدورون الموظفات
بس ماعليك نصيبك بيجيك ان شاءالله 27 سنه صحيح منتي صغيره بس بعد مو كبيره وهالتأخير فيه خير لك ماتدرين
وان شاءالله تتزوجين يارب قبل تدخلين الـــ 30
طيب حطي خطآبه مع اني ما أأيد الخطابه بس ماعليه هي ظربة حظ
وبعدين ليش البنات مايحترمون كذآ يسولفون ينكتون يضحكون ماعليه
بس انهم يتدخلون بحياتك!! وش اللي تزوجي شايب مايستحون يقولون ها الكلام !!!
مع انك مدرسه ماشاءالله والشباب هالايام يدورون الموظفات
بس ماعليك نصيبك بيجيك ان شاءالله 27 سنه صحيح منتي صغيره بس بعد مو كبيره وهالتأخير فيه خير لك ماتدرين
وان شاءالله تتزوجين يارب قبل تدخلين الـــ 30
طيب حطي خطآبه مع اني ما أأيد الخطابه بس ماعليه هي ظربة حظ
وبعدين ليش البنات مايحترمون كذآ يسولفون ينكتون يضحكون ماعليه
بس انهم يتدخلون بحياتك!! وش اللي تزوجي شايب مايستحون يقولون ها الكلام !!!
الصفحة الأخيرة
وسعي صدرك يا قلبي الدنيا فانيه وتاكدي ان الله سبحانه كتب لك الي فيه خير لك
وشيلي من بالك كل الأفكار السوداء وعيشي حياتك وابسطي نفسك
اهم شي انك مبسوطه مع اهلك الله يخليهم لك