شعور الحاجه للمشاعر تعبني

رجعت وابي افضفض تعبانه و اعيش حالة انكسار فضيع
اتوقع الاغلب يعرف موضوعي وهو (الخطابه)

انا رجعت ولي فتررره بس حياتي صارت ناقصه
مشاعري بردت احس مالي هدف بالحياه احاول اطلع من جو حياتي الممل والبادر بس ماقدر مفروض علي اشياء زوجي مانعني من الوظيفه ومن صحباتي .. ولاعندي اطفال
ياناس احس بنفجر مفهومي للحياه الزوجيه يختلف كليا عن الحياه اللي عايشتها حاليا ابي حب و حنان ومشاعر ودلع وكلمه حلوه
حتى لو زوجي عطاني هالشي ماااااعاااااد اصدقه احس كله كذب
جرحني وهانني والله ماعاد اصدقه وهالشي غصب عني
انا كنت اعشق زوجي احببببببه واموت فيه
اخاف عليه من الهواء الطاير وربي يشهد ع كلامي
وكنت احس انه يعشقني ومستحيل يفرط فيني ..
اااه بس
سبحان مغير الاحوال .. كل هالشي تلاشى تتخيلو اننا نجلس يومين مانتكلم صمممت واذا سولفنا يادوب ماتجي نص ساعه وصلنا لدرجة احيانا نتجااااهل بعض كاننا مانعرف بعض

صرت صاامته معاه وهاديه جداااااا

بنات ابيكم تفهموني ماصرت اتقبل مشاعره لاني مااحسه صادق فيها بس كذا مجامله .. كل هذي الاحاسيس بسبب المشكله اللي صارت انقلب حياتي 180 درجه

انا حتى اذا مرضت اتحمل تعبي واحاول مابين له مهما كان مابيه يحس اني محتاجه له اقوم واضغط ع نفس مااطلبه شي
بس هو يلاحظ
ويقول تبي شي اسوي لك شي اقول لا
اول اذا تعبت ع حضنه ع طووول واذا دلعني انبسط واحس بشعور غريب وين اختفت كل هالمشاعر

قبل كم يوم قال حبيبتي بغيت اقول بالله لاعاد تنطقهااا وخلك ع حقيقتك ..

مدري العيب في مين بس حياتي مو عاجبتني


الوحده تحتاج للاهتمام وكلمه حلوه تطبطب عليها
حياتي صار مالها معنى ابي حب وحنان
وتكون مشاعر صاااااااااادقه
ليه انا عايشه هالحياه الممله ؟؟
وكلها تنازلات منننننني؟؟
وممكن في لحظه يستغني عني !!
كل ما اقول بنسى واعيش ماقدر احس مايستحق حبي ومشاعري ولما يصير شي يجرحني ويتخلى عني

وصلت لدرجه ماعاد المسه نهااائي الا وقت (الحق الشرعي) اول كنت اضمه وابوسه واجلس بجنبه وانام بحضنه كلهااااا ماعاد اقدر اسويها مع هالانسان ..


وش الحل .. برأيكم ..