شعور غريب جاني 💔🥺

وعليكم السلام ورحمة الله وبركاته 
طيب واذا محد تقدم لك ولا تزوجتي ولا جبتي عيال وين المشكله ؟ 
ليش حاصرين حياتكم ووجودكم بشيء واحد فقط ؟ 
ماراح اقول لك كلام مكرر معلب شبعتي تقرأينه وتسمعينه من الناس انه لساتك صغيره وانه ممكن زواجك متأخر لانك اكيد تعرفين هذا الشي 
لكن اللي بقوله ان الله خلقك عشان تعيشين هذي الحياة ولعل رسالتك فيها انك تؤدين وتنجزين وتعملين فيها بطرق آخرى غير الزواج والانجاب ليش ترفضين هذا الشي ؟ 
محد فينا يعرف الخيره الطيبه وين وبأي مكان وبأي زمان وبأي شكل من الاشكال 
من كم اسبوع مر علي فيديو باليوتيوب لشخص مشهور اسمه اندريه العملاق اللي صار عليه حادث من سنوات واختفى والناس تسأل عنه ثم رجع من فتره المهم المقطع اللي شفته كان يتكلم انه راح لأكبر الاطباء والاستشاريين وأكدو له انه اصبح غير قادر على الانجاب ويقول انه ماقدر يمسك نفسه وبكى عند الطبيب لكن خلاص تقبل الموضوع وسلم الامر لله وقال ان الانسان ممكن رسالته في الحياه شيء ثاني 
فلا تكونين من اللي يفتح قلبه واذنه للشيطان يوعدك الفقر والحاجه والضيق وتطيعينه وكأن في يده مفاتيح الغيب والاقدار وتقفلين قلبك واذنك عن الله سبحانه وتعالى اللي يوعدك السعه والرزق واليسر 
عيشي حياتك بلحظتها واحمدي واشكري على الموجود واستمتعي به ولا تحصرين نفسك بالمفقود وتشغلين نفسك به وهو بالغيب اصلاً 
اتمنى انك فهمتي قصدي 

اللي ماتنخطب تحاول تشوف لها خطابة ،ولا تسجل بياناتها في جمعيات للزواج وتحط الشروط اللي تبيها، فيه موقع قد تكلمت عنه زهرة معبي للزواج نسيت اسمه ممكن تلقونه بحسابها بتويتر متكلمه عنه، وفيه جمعية ابن باز الخيرية للزواج لهم موقع نفس الشيء، لعل الله يرزقهابالزوج الصالح و بالذرية الصالحة اللي هي أهم شيءبالموضوع ، اهم شيءلاتفرح وتطير في العجة اذا جاء عريس لازم يسألون عنه ويتحققون منه بدقةعشان ماتطلق بعد فترةعلى كبر ولاعاد يجي لها خطاب ، لاتطيحون الا متواسين لأن بصراحة الرجال الاكفاء نادرين هالوقت وبرضه النساء. والله يزوج كل بنت وكل مطلقة ويزوج كل من تتمنى الزواج بالزوج الصالح.

الله يرزقك الزوج الصالح يارب

تفائلي بالخير واحسني الظن بالله والتوكل عليه وبيرزقك

وعليكم السلام ورحمة الله وبركاته

انا عندي كلام بقوله بشكل عام ليه دايم الناس تشوف البنت والمطلقه والارمله انه خلاص انتي عنستي مكانك البيت والمطلقه والارمله جبتي عيال خلاص اجلسي في بيتك ليه هم مالهم حق ؟ مالهم شعور ؟ مالهم رغبة عاطفية ونفسية وجسدية ( وجنسية )الجنس مب كل شيء ولكن الجنس غريزه في كل انسان بنت او ولد حرمه او رجال من يكبر الانسان ويبلغ يميل للجنس الآخر والبنت تنتظر نصيبها لين يجي ويشرف ويأخذها على بيته اتحدى اي وحده ما جاها نصيبها ما تدعي بطلب الزواج الزواج رغبه من كل بنت وولد حتى الشيء هذا من ابسط حقوق البنت بيمنعونها منه نسأل الله السلامة والعافية والكلام وحده قبل جابت طاري الزواج وقالت ترى البنت مب لازم تتزوج ها وشو مب لازم ليه مب حق من حقوقها اتحداك لو بنتك من لحمك ودمك كان ما قلتي الكلام هذا عيال الناس عادي طز فيهم بس عيالك وبناتك لا هذا نوع من الأنانية عافانا الله والزواج مب بس تفريز واني اكون ارنب ام عيال الزواج حياة ومتعه وزوج يدللني ويدلعني ما الومها انها تطلب الشيء هذا طلب كل انثى انها تعيش مدلعه ومرتاحه في احضان زوجها ابو اولادها وبعدين يجونها عيال تربيهم وتعلمهم ويكبرون قدام عينها وتفرح فيهم وتزوجهم وتشوف اولاد اولادها انا دائم مع الزواج المبكر وعشان ما تجي وحده تقولي لو بنتك اي لو بنتي والذي نفسي بيده بزوجها في عمر مبكر مدامه رجال كفو قول وفعل وطالع من ظهر رجال وما يعيبه شيء وبسأل عنه والله ازوجها وبحط شروطي ومن ضمنها انه يخليها تكمل دراستها وإذا حملت في فترة الدراسة انا من عيوني امسكها العيال ابدا ما عندي مشكلة كل ام تتمنى بنتها تعرس وترتاح ولا ضد زواج الارمله او المطلقه خلها تتزوج وشرط عيالها ما يقبل في الاولاد لا توافق وانا عن نفسي اتكلم لو كنت مطلقه او ارمله وما عندي اولاد والله اتزوج انا حرمه بعف نفسي وادور الستر وين الغلط ؟ اما لو يوجد اطفال ما بتزوج افضل اربي عيالي والله بيعوضني وبيرزقني على صبري وتحملي من دون رجال ما اقول غير الله يرزقك الزوج الصالح العفيف الشريف اللي يسر قلبك وخاطرك والله يرزقك اولاد صالحين وبنات صالحات وقصر كبير تسرحين فيه وتمرحين 

لا إله إلا الله محمد رسول الله