شعور فضيع لما تسلب النعم

الله يبارك فيك يا اختي و يعطيك الي في بالك
الله يكرمك و يهدي بالك

سبحان الله كلامج صح والله وعلى فكرة مب بس انتي وايد في حريم كانوا ماشاء الله كل سنة يحملون طبيعي والحين ايحاولون ومايقدرون سبحان الله حسهم بطعم الحرمان

وفي كانوا ينتظرون بالسنين والله اكرمهم مب ابواحد ابخمسة او ستة سبحانك يارب

بس انتي خلي املج بالله قوي وثقي ان مافي شيء بعيد عن رب العالمين انصحج اتسيرين العمرة واتغيرين جو

بقولج قصة يمكن تعتبرين في وحدة عرست وحملت ويابت ولد وبعدين بنت وعقب كانت اتحاول تحمل بس مايصير حمل سبحان الله وتمت اتخيلي 5 سنوات مب اشوي سبحان الله وكانت ادور علاج بس مافي اي استجابة لين ماجيكوا آخر مرة عليها وقالولها فيج ورم في الرحم وكانت خايفة انه ايكون خبيث وحللوا وطله خبيث وسارت عند اكثر من دكتور عسب تطمن وطلع خبيث وقالولها بنودي التحاليل برع وبنجوف شو بيقولون وفي هاي الفترة نفسيتها تعبت وفكرت اتسير العمرة تبا تلجأ لربها لأنها وايد كانت متضايقة لأن شيء مب هين والله

واتقول سرت العمرة وتميت ادعي من قلبي ويوم رديت البلاد يابوا تحاليلي من برع وقالوا صح الورم خبيث

وقاموا ايسوولها بعد تجييكات والدكتورة انصدمت قالت انتي شو سويتي الورم اختفى مافي ورم:) سبحان الله سبحان الله

واتقول عقب يبت اربعة اتخيلي سبحان الله وهاي قصة واقعية واللي قالتلي كانت اوياي في الحج

خلي إيمانج قوي عزيزتي

الله يبارك لك في اطفالك
والحمد لله الذي لايحمد على مكروه سواه
سبحان الله له حكمه في ذالك لا يعلمها الا هو فله الحمد وله الشكر والا يحمد على مكروه سواه
والحمد لله ياغاليه انه عندك اولاد تهتمين فيهم وترعينهم وان شاء الله يبرون فيكي والله يخليهم لكي ويصلحهمآآآآآآآآآآآآآآآآآآآآمين
والله يعوضكي خير يارب نفس حالت عمتي عندها ثلاثه عيال وبعد صغيره لكن الحمد لله على كل حال
اجر وعافيه ان شاء الله

الله يبارك لك في اللي عندك ويحفظهم لك ويبلغك فيهم

الحمدلله على كل حال

والله يعوض صبرك خير ان شا الله

سبحان الله ممكن انتي يااختي جرحتي شعور واحدة مانجبت بدون قصد لانك مكنتي حاسه بنعمه اللي وهب ربي لك وهذا صراحه بين من كلامك والله يبلى اعرف وحدة نفس حالتك استغفري ربك وحمدي الله ان عطاك الذريه ادعي ان الله يصلحهم
وش تحسدنا على ايش على 14 سنه مانجبت ولا 8او7او5 او4 .................الخ احنا نبي ثلاثه راضين قولي ماشاء الله بعد بتقطعون الامل فينا ههههههههههههههههههه اسمحيلي لو كنت قاسيه بس اعرف ناس كثير مثلك بسبب اللي ذكرته