كيفكم ياهلي وناسي وحبايبي
كيفكم يابنات السعوديه الغاليه الله ياني مشتاقه لها ولارضها تصدقون اشتقت حتى لهنودها
هنا الهنود رافعين خشومهم علينا وصرنا احنا الهنود في بلدهم هههههههههه
بس هانت الحمد لله قربت طلعتنا ان شاء الله واجي اشم لي شويه من الغبارالي يرد الروح طفشنا كل يومين مطر
نبغى نغير جو:hahaha:
ولايهونون باقي الدول حياكم
هذا سلمكم الله حلى خنفشاري من بنات افكاري والله مدري فيه مثله او لا
بس انا دخلت المطبخ وشفت وش عندي ومافيني افتح كتب الطبخ او ادور في النت فقلت يالله سوي من راسك والي يصير فيه يصير ماحد داري عنك
المهم بعد الهرج هذا كله اقلكم وش رسيت عليه من مقادير
اسفه مافيه صور للمقادير
لاني كل ماشفت شي
قلت ممكن اضيفه واخبص واخبص
والحمد لله النتيجه مرضيه
المقادير:
كيسين شعيريه باكستانيه محمره في زبده(طريقتها معروفه)
علبه حليب نستله
علبه بسكوت شاهي مطحون
قشطه على حسب الشعيريه اذا شفتيها بدت تتشكل خلاص لاتضيفين زياده
كيس شوكولاته كادبوري
وكيس شوكولاته بيضاء
الطريقه:
بعد ماتحمرين الشعيريه تقفلين النار وتضيفين علبه حليب النستله بتلاحظين انه الكميه قليله لاتهتمين مع القشطه بيضبط ان شاء الله بعده اضيف البسكوت المطحون والقشطه
واعجنها حتى ويبدا يتماسك الخليط
اشكلها على شكل دوائر او على حسب رغبتك وبعدين اغمسها في الكاكاو السايل مثل ماتشوفون
وهذه النتيجه
ان شاء الله تنال اعجابكم
جزاك الله خير
اللهم صل على سيدنا محمد وعلى اله وصحبه وسلم