شغااااااااالتي كادت ان تكون سبب في خراب بيتي

السلام عليكم ورحمه الله وبركاته ..

كيفكم عزيزاتي بنات حواء انا واجهتني مشكله عويصه وابيكم تدعموني بالردود والحلول اللي تبرد القلب

بدايه المشكله من يومين لما طلعت ازور وحده مع عماتي وجدتي ...

تركت شغالتي في بيت عمتي مع بنتي وعندها شغالات كلهم تبع عماتي

المهم بالليل وانا في بيتي قلت ودي ادق على عمتي واسألها عن اخبارها

واشوف وش تسوي ومن هالامور ..وانا مالي ساعتين من شفتها ..

المهم وحنا نسولف قالت ان شغالتك قليله ادب وقالت كلام عيب انه ينقال

قالت ان زوجي يعطيها فلوس ..وان اخوي يحبها واني انا دايما نايمه وماادري عن اللي يصير

وكلام غيره بصراحه مااااااينقاااال

المهم اني انهيت المكالمه ...

ومن بكره دقت علي امي وقالت لي ان عمتي دقت عليها وقالت لها كلام قالته شغالتي ومنها سالفه افقدتني صوابي

طبعا هالسالفه تخص زوجي .. انهيت المكالمه وانا ماشوف شي قدامي ..

رحت لزوجي وسألته عن السوالف اللي سمعتها ..انجن جنونه وفتح الباب وراح يهزأ

الشغاله ورفع صوته ...انا بصراحه واثقه بزوجي ثقه عمياء انا اعرف طبايعه وكل وقته بالدوام

وغير كذا ملتزم ومايترك فرض ..والشغاله مااخليها تختلط معاه ...المهم ان الشغاله انهارت وقالت اني مظلومه وماقلت هالكلام ..

وحلفت ..راحت دقيت على الشغالات اللي تكلموا وكل وحده صارت تقول كلمه من عندها

عمتي كلمت شغالتي وقالت شغالتي ان مدام اللي هي انا كويس مره وبابا كويس بعد

وانه محترم ولاعمره قالي كلمه ..المهم اني انا خلصت الموضوع وقلت ان هالكلام فاضي كلام شغالات وماراح يخلص

من بكره رحت لعماتي جدتي وانا ناسيه هالموضوع المهم راحو عماتي وعادوا الموضوع ..وعادوا نفس الكلام وراحوا يسبون بشغالتي

المهم بعد هالهجووم صرت ماعاد اتحمل.. دقت امي علي وقمت اكلمها وقعدت ابكي

واشكي لها وقالت ان عماتك ماله داعي يفتحون هالموضوع من جديد وانتي منهيته

المهم دقيت على زوجي عشان ياخذني وطلعت وانا منهاره ,,,وعماتي كانوا كل الوقت يقولون لي اللله سخر لك زوجك والله سصلح مابينكم ..

هالكلام حسسني انهم مصدقين كلام شغالات ...ويحسبون ان بيننا هوشه ..

بس انا الحمدلله متفهمه الموضوع ومكبره عقلي وماابغى اخرب بيتي عشان خرابيط

وغير كذا اني واثقه بزوجي ومستحيل يلتفت لشغاله ..بعدين ماعنده وقت عشان يشوفها
لأنه يروح للدوام قبل ماتصحى ويجي الساعه 3 العصر وانا اكون صاحيه وينام لحد المغرب او العشاء وبعدها يطلع ...

امانه ابغى آرائكم وردودكم لاتبخلون علي فيه ..

وش رايكم بتصرفات شغالتي وعمتي وزوجي ؟؟؟
رايكم اني اسفر الشغاله ولا اتركها لحد ماتخلص مدتها 10 شهور ؟؟

آسفه اني طولت عليكم ..وثرثرت واجد ...بس طمعا في ردودكم ورأيكم ؟

تحياااااااتي لكم وانتظركم