شغاااااااالتي انحااااااشت!!!!!!!!!!

لاتكدري نفسك ولا تزعلي أختي الشامانه أنا صار لي زيك ،،
كان مالها 5 شهور و طفشتني لا شغل و لا أدب و كمان تهدد عيالي عيني عينك و لايهمها وهذا كله ما طلع إلا بعد 3 شهور وفي الأخير قلت لزوجي يجيب لي غيرها وما قصر إستقدم وحده ثانيه ويشوف له دبره في المفتريه إلي عندي و إلي عندي كأنها حست إنه ناويه أسفرها فشردت من فتحة مكيف في المطبخ ما فيها مكيف ومسدوده بخشبه و إحنا نايمين و لما صحينا لقيتها شارده و زوجي عصب وزعل و أنا جلست أضحك مبسوطه إنها إنقلعت عن وجهي من البلاوي إلي شفتها منها لأني من أول أقوله سفرها وهو مو راضي يقول لا إذا جات الجديده سفر إلي عندي لأني مريضه و ما أتحمل الشغل الكثير أو القليل الحمدلله على كل حال ،،
والحمدلله إن الله فكني من شرها..

والله يعينك وييسرلكِ يارب بوحده طيبه غير إلي شردت و سبحان الله يمكن خيره من عند ربي يمكن لوجلست عندك سوت لكِ مصيبه في بيتك،،
و إذا لقاها زوجك أنصحك لا ترجعيها لبيتك لأنها راح ترجع مغصوبه وممكن تحط حرتها فيك و في عيالك..

:26: :26:
:26:

السلام عليكم

هالحالة تتكرر كثير في اغلب الاسر

بعضهم كانت عندهم شغالة اول مرة تجي تشتغل ولا مامعها لغة ولا تعرف راسها من كرياسها

وبعد كذا يوم لقوها منحاشه للسفارة

ولما راحوا يستفسرون قالت اني مااقدر اصبر عن عيالي وابي ارجع

انا اتعذب كل يوم اشوفهم في الليل وابكي

طبعا فيي هالحالة هي اعترفت ان الكفيل ماله دخل وان رغبة عدم الشغل جت منها

فاستبدل له المكتب خادمة ثانية ..

والله يكفي شر من فيه شر

أختي :ابريز..جزاك الله خير على مواساتك والله يشفيك ويخليك لعيالك..الحال من بعضه ياخيتي..
والله اني مقهورة ..حتى النوم طار من عيوني..وجالسه ادعي ربي انهم مايلقونها وأفتك منها...
مشكورة حبيبتي لانك رديتي علي بسرعة ووسعتي صدري...:26:

أختي: بنت نجد ..لا اللي ما تتسمى مو اول مرة تشتغل ... مشتغلة قبل كذا..ولمن وديناها المستشفى
علشان الكشف ..تقول انها شافت الحرمة اللي كانت تشتغل عندها قبلنا...فما ودي أظلم المخلوقة...
الله يكفينا شر هالخدم فهم شر لا بد منه...
أشكرك حبيبتي على مرورك...

مشكور أخوي عويشق على النصيحة...بس أنت تعرف ها لمكاتب وغثاهم ..ياخذون حقهم
كامل ولا ينفذون الشروط اللي بالعقد كاملة وحظك نصيبك اذا صلحت تصلح..واذا ما صلحت
ما يعوضون الا بتقرير طبي انها مريضة بمرض معدي.او انها مضربة عن العمل وبعد محاولات مستميتة
منهم انها تتراجع عن اضرابها..وفي حالة شغالتي رحنا لمركز شؤون الخادمات وقالوا لنا كل خمس ايام
راجعونا واذا ما رجعت خلال 15 يوم نعطيكم خطاب للمكتب علشان يعوضكم...واذا رجعت قبل استلموها..
الله يعيينا دايم حنا اللي نروح فيها..اشكرك...