انت في قلبي @ant_fy_klby
عضوة نشيطة
شغاااالتي ومأساتي اللي مالها حل ؟
بسم الله ببدأ على طول مالي خلق مقدمات السالفه كنت حامل قبل سته شهور وعندي اربعة اطفال الله يحفظهم حركييين حبتين الله يصلحهم وما كان عندي خادمه وتعبت وقلت ابريح نفسي مثل هالخلق واقدم لي خادمه تساعدني زوجي طبعا موافق وماديته متوسطه او اقول اقل شوي مع الغلا اللي اجتاحنا وتبدأ مأساتي بدل ما تبدأ راحتي والله اني كنت في راحه قبل لا تجي الله يعيدها علي ذيك الايام طبعا اول ما جات كانت جدا جدا جدا ممتازه كبيره في السن وطيبه وحنونه على عيالي وكنت فرحانه فيها وشغلها شوي شوي معاي صارت مبدعه وكانت تطبخ كل شي لانها كانت تشتغل طباخه قبل ونظيفه وتلبس القفازات في كل شغلها سواء الحمامات الله يكرمكم او الطبخ ممتازه بما تعنيه الكلمه تلبي كل طلباتنا وتحب الشغل بصراحه راعية كرف بتقولون وين المشكله اقولكم بعد شهرين من وجودها عندي انقلبت علينا ما تطيقني وتنافخ في الصغير والكبير كلمتها بادب احس انها غبيه ما تتفاهم بس تصارخ فيني لمل لبي اقولها انتي ليه تنافخين شوفي انا كيف اكلمك بادب كلميني بادب برضو تصارخ وما تناظر فيني وتقول اوه اوه اوه راسي تبيني انقلع من وجها حقيره والله اني اعاملها احسن معامله يشهد الله انو ما ينقصها شي وحياتنا نظام ما فيها مشقه لكن ان اكرمت اللئيم تمردا حتى لما ادخل المطبخ اسوي اكل تناظرني بنص عيني ودي اذبحها بس اني اتجاهلها واخلص واطلع واذا انا طبخت ما تاكل لو هي ميته من الجوع وتوضح لي انها ما تبي من اكلي سخيفه بقوه اكرها كره ما تتخيلونه احس انها قاعده على قلبي ما اطيقها وودي اطلع اللي في قلبي عليها لاني ساكته وما اوضح لها حقدي عليها عشان اولادي احيانا اضطر اطلع وهي معاهم هي لها معاي سته شهور وماعاد ابيها بس زوجي يقول والله ما تروح الا حتى ينتهي عقدها ويكبر الصغير وانا والله محتاجتها بس مو طايقه وجهها ماتتصورون قد ما اوصف لكم هل اصر على زوجي واقلعها واتحمل الشغل والا اتحملها زي ما قالولي خواتي السنه والنص محتاره طولت عليكم تحملوني وكلامي حوسه ما عاد فيني النفسيه خربااااااااااانه
62
5K
يلزم عليك تسجيل الدخول أولًا لكتابة تعليق.
الداعيه الى الجنان
•
اب
حبيبتي ماأدري بس ليش ماتودينها المكتب يتفاهم معها ويشوف وش قصتها؟
الله يكفيك شرها يارب
الله يكفيك شرها يارب
المكتب يقول اذا تشتغل خلاص وزي قلت لك هي شغلها مره زين وخادمتني بس هي قااالبه علينا مو طايقتنا ليه ما ادري بس ماااده بووزها الله يرد كيدها في نحرها اللي تقابل الاحسان بالاساءه
الصفحة الأخيرة