LAB1985 @lab1985

عضوة نشيطة

شغالتي

السلام عليكم والرحمة ،، بنات بسألكم كيف اتصرف مع الشغالة ، اهي اذا عطيتها أمر تنفذه ما تعاند بس تعبت منها اذا انا مو معها احسها ما تشتغل ولا تنظف يعني الصباح اشوف التنظيف مو ذاك الزود واحيانا ف غرف ما نظفتهن ولا دورات مياه عزكم الله بس تركز ع الصالة لانها تكون مكركبة والباقي ماتنظفه علما ان بيتنا صغير وحتى المطبخ الارفف واضح متجمع فيها غبار ،، لما اكلمها تقولي توني بنظفه 😟يعني تحسسني انها موه متعمده تتركه والبيت مافيه كاميرات عشان اتاكد اذا نظفت او لا ولا اقدر حاليا اركب كاميرات والله تعبت معها مافهمت كيف اتعامل مع هالنوع م العاملات غير امينة ع العمل وبنفس الوقت تبين نفسها مشتغلة ومجتهدة ..عطوني افكار اخليها تنظبط معي وجزاكم الله خير واسفة على الاطالة

يلزم عليك تسجيل الدخول أولًا لكتابة تعليق.

تسجيل دخول

LAB1985 • 5 سنوات

ريــم 🧚🏻‍♀️ :

لا يمكنك مشاهدة هذا التعليق لانتهاكه شروط الاستخدام.

لما اكون فاضية اخليها تشتغل قدامي بس اقصد مو دايما عندي وقت اشوف وراها اللي سوته واللي تركته خاصة انا بالشهر الثامن ماراح افضى لها واحب يكون البيت نظيف لما استقبل الضيوف 😩 ما اعرف اذا بتفشلني ولاتكون قدها لاني بنفس ف بيتي محد معاي

[Faith] • 5 سنوات

اولا تقبلي انها انسانه مستحيل تكون كامله..
عادي تقصر وتنسى وتسهى ومو كل شي بالملي..

اهم شي ماتكون حشريه او تنافخ وتنطقر كثير انا هالصفات مااستحملها..

الحل اذا كانت جديده كل يوم الصباح لمدة ثلاث اسابيع قومي معاها وسوي معاها نظام مثلا تبدأ بالحمامات َوانتي بكرامه وبعدها تروح ع الصالات واخر شي تنظيف عميق لدولاب من دواليب المطبخ او لغرفة الأطفال ويوميا هكذا الين ماتتعود..

لو لها عندك فتره اعطيها قبل النوم قائمه بالاشياء اللي تسويها في اليوم الثاني بأسلوب حازم ولطيف وقوليلها انك بتشيكي عليها بكرا وعلى كل الأشياء اللي نبهتي عليها واستمري فتره طويله كذا الين ماتتعود انك لو اعطيتي مهام راح تشيكين عليها وتتعود انك ماتتساهلين..

ولكن لاتتدققين ولا تتوقعين كل شي كامل واعذريها، والله يسخرها لك 🌿

LAB1985 • 5 سنوات

[Faith] :

اولا تقبلي انها انسانه مستحيل تكون كامله.. عادي تقصر وتنسى وتسهى ومو كل شي بالملي.. اهم شي ماتكون حشريه او تنافخ وتنطقر كثير انا هالصفات مااستحملها.. الحل اذا كانت جديده كل يوم الصباح لمدة ثلاث اسابيع قومي معاها وسوي معاها نظام مثلا تبدأ بالحمامات َوانتي بكرامه وبعدها تروح ع الصالات واخر شي تنظيف عميق لدولاب من دواليب المطبخ او لغرفة الأطفال ويوميا هكذا الين ماتتعود.. لو لها عندك فتره اعطيها قبل النوم قائمه بالاشياء اللي تسويها في اليوم الثاني بأسلوب حازم ولطيف وقوليلها انك بتشيكي عليها بكرا وعلى كل الأشياء اللي نبهتي عليها واستمري فتره طويله كذا الين ماتتعود انك لو اعطيتي مهام راح تشيكين عليها وتتعود انك ماتتساهلين.. ولكن لاتتدققين ولا تتوقعين كل شي كامل واعذريها، والله يسخرها لك 🌿

اولا تقبلي انها انسانه مستحيل تكون كامله.. عادي تقصر وتنسى وتسهى ومو كل شي بالملي.. اهم شي...

اهي صارلها معي شهر وانا كنت بالدوام ما اتابع معها كثير بحكم العمل والوظيفة بس حاليا بديت اكتشف هالامور بس اهي مشتغلة سابقا ف مدينة ثانية جبتها تنازل ،، فعلا كلامك صحيح النقص وارد بس مو لدرجة الاشيا الاساسية مثل تنظيف حمامات الاطفال اعتبره اساسي وصعب انه يمر يوم بدون تنظيفه ،، اتمنى تكونو فهمتوني
ان شاالله اختي بجرب طريقتك وان شاالله خير ♥️

فُل وزهر • 5 سنوات

دامك في الثامن مابقي شي ع التاسع والولاده
كل يوم دخليها غرفه اول شي ابدي بالمطبخ وافتحي لها الدولاب تنظف من داخله والادراج والجدران والثلاجه من داخل وبرا وتمسح الارضيه والطاولات غرف النوم رتبي الملابس وتمسح الارضيه والدولاب والباقي والمجالس خليها تلمع الجدران والأبواب و الارضيه خليها تنفض الكنب وتكنسه دوارت المياه يومياً تنظفها وان شاء الله ماتجي ولادتك الا والبيت كله يلمع نظافه
الله يقومك بالسلامه ان شاء الله

LAB1985 • 5 سنوات

نور العطور :

لا يمكنك مشاهدة هذا التعليق لانتهاكه شروط الاستخدام.

🌹🌹