كوبونات الراقية تسجيل الدخول

أم ريمان وريفان

شغالتي اخذت حقوقها وزياده حسبي الله عليها

الأسرة والمجتمع •

السلام عليكم ورحمة الله وبركاته

ابي مشورتكم يالغاليات ...
شغالتي تغيرت من بعد الاجازه 180 درجه لكن من ناحية الشغل ماغيرت
بالاجازه اللي راحت هي وام زوجي يجلسن يسلفن والصبح تقهوى هي واياها واذا دخلت عليهن اشرت خالتي لها تسكت وماقدرت اعرف وش يتكلمن فيه واذا سألت شغالتي قالت سواليف عاديه ولا تصرفني بأي كذبه ومن رجعنا من الاجازه وهي تجدع علي كلام اول تقول ماتسولفين معي ثم قالت ابي راتب سنه ابي احوله لأهلي ورفضت وبعدها قالت ابي راتب 6شهور رفضنا وبعدها ابي 4شهور ورفضت لكن زوجي قال احسني النيه وماشفنا منها شر وارسلناه لها بعدها قالت انتم ماتبوني متغيرين معي طنشتها والاسبوع اللي راح طلبت راتب شهرين زياده هي ماخذه رواتب اشهر مابعد اشتغلتن قلت لها كملي الاشهر اللي عليك بعدين احول لك وزعلت قالت ماتبوني ودوني المكتب ولا اجروني < وهنا عرفت وش كانت خالتي تقول لها < قالت لي شغاله اجار شهر 3000ريااال قول ماما < ام زوجي< وانا ما ابيكم ولا ابي اسافر
وصارت ترفض تروح للجمعات متى ما اشتهت تروح قالت بروح غصب عنك ومتى ماصار لها نفس قالت ماراح اروح
واليوم قالت ابي اروح ورفضت ماتمشي رايها علي وقال زوجي ننطلع لا تقولين لها يله ويوم شافتني لابسه عباتي سبقتي على السياره وسكتنا عنها ويوم رحنا وحوسي كل الشغالات ويضربن مايبن يشتغلن خربت الشغالات كلهن فشلتني واحرجتني وشلت هم الشغالات الثانيات مع همها حسبي الله عليها
وزوجي يوم علمته وش سوت وهو مرتفع ضغطه وانا جاني الضغط والقولون العصبي منها

وش الحل معها ..والله ماقصرت معها بشيء ونص يومها نوم من العصر الى 9 وتقوم وعلى مابال اصلح العشاء احطه تاخذ عشاها وعلى غرفتها ..صرت اخاف منها ما ارتاح الا اذا كان زوجي بالبيت ومن يروح للدوام العصر الى 10الليل وانا بغرفتي انا بناتي ومااطلع منها الا لحاجه ضروريه لين يجي وقت العشاء على مابال اصلحه الا زوجي جاي
والله يابنات انها ماكانت كذا كانت عسل وكلن يحبها وكانت دايم تقولي ماراح اسافر الا اذا تزوجن بناتك

مدري وش اسوي معها .. هل اروحها وكيف فلوسنا.. او اصبر عليها
اتعبتني حسبي الله عليها ونعم الوكيل
13
2K

يلزم عليك تسجيل الدخول أولًا لكتابة تعليق.

تسجيل دخول

اميرته
اميرته •
الله يكون بعونك ويعوضك خير منها يارب
ام الحلوه
ام الحلوه •
لا والله وشوله المخاسير اصبري عليها الين تكمل وتروح
وهي تنشيها لا تقولين لها شي
الأميرة جولي
الأميرة جولي •
يارب يعطيك الى به خير

لاحول ولاقوة الابالله
استغفرالله العظيم

http://forum.hawaaworld.com/showthread.php?t=2334581
وردة ولاكل الورود
وردة ولاكل الورود •
نصيحتي لك أنك تسفريها ترى الخدامات أبد مالهم أمااان أكيد في أحد محرشها عليكم
أنصحك نصيحه مني لكِ انك تسفريها بأقرب وقت لاتسوي فيكم شي الله لايقدر
والفلوس مع السلامه بكره الله بيعوضك
الله يكفيكم شرها وييسر أموركم
أوشن دريم
أوشن دريم •
ما فهمت تطلب رواتب مستحقه والا رواتب شهور ما اشتغلتها؟؟؟؟