شغالتي الأثيوبيه

السلام عليكم أخواتي
حابه استشيركم بموضوع شغالتي وتصرفاتها
شغالتي عمرها 16 او 17  
صار لها عندي سنه وكم شهر
مطفوقه بمعنى الكلمه ماخلت شي في البيت ماخربته او كسرته كاساتي مابقى شي منها
بالبدايه كانت تقول اذا كسرت او خربت لكن بعد كذا صارت تخبيه او ترميه وتسكت لحد ماكتشف انا بعدين بحكم اني معلمه وبمنطقه بعيده
ومن حركاتها البايخه اذا جبنا اغراض للحلى تاخذ نصها وتخبيها في شنطتها اكتشفت هالشي لما سويت حمله تفتيشيه على اغراضها بدون ماتعرف 
حصلت قواطي حليب نستله وقشطه ومكسرات 
المشكله اذا وديتها لأحد تاخذ من اغراضهم صراحه فشيله يمكن يدرون ويسكتون واذا اخذتها معي لأهلي تتهاوش مع شغالة اهلي مع انهم نفس الجنسيه بس تنقهر منها شغالتهم تقول بس تفتح الدولاب وتشيل اغراض وتحط بشنطتها
والعاب عيالي الي ماتعجبها وتحس انها تسبب حوسه مثل التركيبات الصغيره او فقاعات الصابون يلعبون فيها مره بعدين تعمي دارها
مادري وش رايكم بصراحه 
زوجي يقول لاتقوليلها شي تنتقم منا ولا من عيالنا
لكن قاهرتني صراحه شوروا علي الله يرضى عليكم
للعلم دايما اخذها معي السوبرماركت واقولها اذا تبين شي خوذي وهي ترفض
طيب ليه تاخذين شي مو لك اكره هالحركه