السلام عليكم
كيفكم حوائيات
بنات حابة احكي لكم قصتي مع الشغالة
جت لي شغالة من اسبوع بعد بحث طويييل
المهم طلبت منها تشتغل ثلاث ايام في الاسبوع تجي يوم وتغيب يوم وافقت
واتفقنا على السعر تاخذ على الساعة 25 ريال والمواصلات 30 ريال
اول يوم جات اشتغلت ببطئ شدييد فقلت لها تسرع لاننا نريد نخرج فقالت لا انا عامله حسابي اشتغل 6 ساعات عشان احصل فلوس اكثر
صدمتني انا قلت لها لا ما اريد 6 ساعات يكفي 3 ساعات والبيت مش كبير وكمان العمل خفيف وهي الي قالت عملكم مريح وخفيف والبيت نضيف فشغلي عندكم بيكون مريح لي
وقالت بتضل عندي 6 ساعات ..... احنا فعلا نريد نخرج فقلت لزوجي وكلمها وقالت طيب خلاص واعطيناها فلوسها وقلت لها تعالي بعد بكره
وكنت حاسة انها ما بتجي لان معاها دوام الصباح وبتكون تجي عندي من بعد العصر
المهم ما جات واتصلت عليها وقالت ما قدرت اجي وبجي بكره
وفعلا جات وهي ضابحة وعملها اي كلام لا كنست كويس ولا مسحت كانت تمسح بلاطة وتسيب بلاطة قهرتني فمسحت انا امامها قلت لها طيب غسلي الحمام نفس الشي غسلته من غير نفس وخلت الماء ملان الحمام قلت نشفيه قالت ما قدر المكنسه مش تمام فدخلت اعلمها كيف تمسحه
والمطبخ نفس الشي خلت فيه ماء وقالت تعالي شوفي يا مدام كويس كذا قلت طيب اشطفي الماء قالت ما قدرت
دخلت شطفته انا
قالت هذا يحتاج قوه وانا ما اقدر بعدين يديني يوجعوني قلت بالعكس ما يحتاج قوه قالت طيب امسحية انتي قهرتني وطبعا مسحته انا وانا كاتمة غيضي :44:
غسلت البوتقاز بمنشفه وما نضفته فاخذت الليفة وقلت اعملي كذا قالت انا نضفته وقلت طيب شوفي كيف اللون الاصفر الي كان هنا راح قالت انا الي نضفته ( ووالله انه انا الي مسحته بتكذب عيني عينك ):icon33:
قلت طيب وراء البوتقاز فيه زيت امسحية قالت ما يرضى يروح ... فوريتها كيف يروح بسهوله
ماسة الطعام مسحتها بالماء قلت امسحيها بالمطهر قالت ما يحتاج
رحت اشوف الماسه بعد ما كملت ولقيت انه ما نضفتها وفيها بقع حليب سكبه ابني
قلت ما نضفتيها شوفي البقع قالت هذه البقع ما تروح
قلت هذا حليب ومسحته بكل سهوله والله وهي سكتت
والمصيبه انها دخلت البيت تنضفه وهي بالبوت حقها ما حلته فقلت لها اجيب لك شبشب قالت جيبي جبت لها قالت هذا ثقيل قلت بالعكس مريح جدا وطبي
وبعد ما مسحت البيت اي كلام دخلت تصلي وخرجت بالشبشب من الحمام وعلى طووول الصاله نجست لي الارض :44:
وما دريت ايش اقول لها حسبي الله عليها يعني مسح اي كلام لا وكمان نجست الارض
لما صلت اخذت الشبشب وحطيتهم عند المطبخ عسى الله تفهم
قهرتني والله وقمت مسحت البيت بعد ما خرجت
لا كمان ما نضفت كل البيت قلت لها كفاية هي تريد تشتغل عشان تحصل فلوس وانا حسيت ان الفلوس خساره فيها لا نضافة ولا طهاره في اي مكان تنضفه
وتصورو انها من الساعة اريع ونصف للساعة سبع ما نضفت غير المطبخ والصاله وحمام لا غير وبقية البيت قلت لها خلاص مره ثانية
المشكلة انها مش نضيفة ولا بتراعي الطهاره لما تخرج من الحمام والمطبخ بالشبشب وهو اصلا مليان ماء
خرجت والبيت حاسة انه زبالة ارضيه مليانه بقع شبشب ومطبخ غسلت فيه البوتقاز ومسحت الارض حتى الدواليب وما مسحتهم
بنات افكر اقول لها لا عاد تجي بس خايفة اكون ظالمة لها وهي بحاجة الفلوس
انا من النوع الي يخاف يتعب الشغاله واكسب فيها اثم
وقت ما هي بتشتغل بكون جنبها اساعدها بالترتيب والملم اللعب من الغرفة
هي ما عليها الا تكنس وتمسح وتغسل الحمام بس
يعني لا صحون تغسلها معي غسالة اوتماتيك ولا صابون تهتم فيه برضو غسالة اوتماتيك ولا ملابس ترتبهم وتكويهم
اشيرو علي ايش اعمل
✿ ام الحلوين ✿ @am_alhloyn_166
عضوة جديدة
يلزم عليك تسجيل الدخول أولًا لكتابة تعليق.
اي حرام تتكلمين عنه اختي اللحين هي مش امينه في شغلها الحرام عليها هي نصيحه وعن تجربه ابعدي عن هلا الجنسيه ابد مو حقين شغل يعلون القلب والله لو اكرف بيدين ابرك
الصفحة الأخيرة
وياريت الي تعرف شغالة امينة وبطريقة سليمة وتاخذ على الساعة ٢٥ ريال وتجلس ٣ ساعات تخبرني ربي يرزقها الجنه