كوبونات الراقية تسجيل الدخول

لينا وعدنان

شغالتي الاندونيسيه افكر من جد اكون حازمه معها بعد كل هالتخريبات ..

الأسرة والمجتمع •

السلام عليكم
شغالتي الاندونيسيه يدها ثقيله عدة مرات تخرب علينا اشياء والا ترمي واهددها بخصم من راتبها (عشان تنتبه وتشغل مخها ) ولا اخصم منها شي ..امس كوت جاكيت لزوجي سعره فوق الـ400ريال حرقته بشكل واااضح رغم اني مفهمتها كيف تكويه (لاتقولين كويه انتي اغلب ملابسنا اسعارهم غاليه مو بس الجاكيت ولا اول مره تسويها تحرق) زوجي انقهر والحرق واااضح جددا الا انكرت كالعاده تقول لا هو كذا ! واطالع في المكوى الا اثر الجاكيت لاصق في المكوى وراها عشان لاتكذب الاسكتت وهو عصب وقال هالمره من جد خصم ..للعلم بانها سبق ورمت جزئيه في الخلاط توه جديد شاريته الا هي الي تبشر رمته في الزباله :16:؟! وهي صار لها معي اكثر من سنه يعني مو اول مره تشوفني استخدم الخلاط وهذا توه جديد ..وكبت شاريته خاص لتخزين الصابون ومواد التنظيف الادرج اغلبهم مكسورين منها ..والابجوره افضلها ومن سنواااات عندي مالقيت مثلها على شكل ورده وباللمس كسرتها ..تبسي للتقديم من فضه سعره غاالي رمته ..وغير تخرب السحابات مادري كيف هذي والله امرها غريب ..وفي بيت اهلي اذا راحت كم مره تخرب من ضمنها بيب المويه مسكته بقوووه وكسرته:eek: وظلت المويه تسرب وابوي مرره عصب .. وشنطة شغاله من عيلتنا (بتسافر)مسكتها وخربت السحاب كللله طلعته لبره والشغاله ظلت تبكي وتلومها وهي ولا على بالها بس جالسه تطالع:icon32: والشغاله تبكي كانت بتسافر وشغالتي عاادي من غير مشاعر ..وغير الاشياء الثانيه مو مذكرتهم الحين ..وكل هذا ماخصمت منها والظاهر ماخذه راحتها مطمنه مني ..حتى اذا اكلت مو مثل العالم افهمها كيف تاكل السندويش واذا راحت معنا مطعم (اكون ماخذتها معي مجمع ونروح مطعم في نفس المجمع مثلا والا بره عشان لاتقولون لي ليه مطلعتها مطعم ) تاكل بشكل يفشل تعبي الصحن كلينكس وتاكل الي تبيه والا ماتبيه تحطه في الصحن بشكل يلووووع يعني تاكل وتعجنه وترميه ..مادري شنو اسوي معها افكر هالمره حقيقي اخصم منها على الاقل اذا بتسافر وهي كويسه ارجعهم لها ..للعلم بانها مررره بخيله جربت من قبل شغاله مو مثلها والا شغالات العيله ..حتى ملابسها الداخليه انا الي اشتريهم ينعدمون ويتقطعون ولا تشتري لها :icon10:..وبطاقة مكالمات انا الي اشتري اذا عليها ماتكلم اهلها ..حتى رواتبها ماتودي باستمرار تخاف من الي يخصمونه عليها 15 ريال تقريبا في محل التحويل وانا اقول لها صار كم شهر ماتودي تقول بعدين عشان لا يخصمون !! اذا مشت وراي بعربة التسوق كل شوي وتصقعني فيها حتى رجلي تالمني :angry2:يانها تسوي نفسها ماتدري يا تقول من بنتي تحركت ولاشافت ؟يعني حتى المبرر مايدخل في المخ ..واذا عندها اكياس وراي كل شوي وتصقعني بالكيس :eek:حتى زوجي يقولي لو انا منك كان اضربها على وجهها من الغباء :024: واذا مشت مو مثل الناس تظل لاصقه فيني تسوي زحمه يعني بتحرك بلف الا في وجهي تقولون حارس شخصي :icon29: من جد بنات قاهرتني لكني احاول ما اكون قاسيه معها افهمها مافيه فايده ..مادري كل الشغالات كذا ؟مو راضيه تفهم وغبيه جدددا لما اخليها تساعدني في ترتيب الملابس ترفع ضغطي ..والا توني اول امس طلعت من الحمام الا بنتي الصغيره ماسكه سكين والشغاله واقفه بس تناظر واجي واخذ السكين واقول لشغاله كيف ساكته تقولي لا انا اقول لها خلي السكين ؟ وهي كذابه انا شايفتها واقفه وساكته والا تعطي بنتي علبه فيها صابون ومويه عشان تلعب وانا اعصب عليها بنتي صغيره ماتنعطى اشياء مثل كذا ..:16:غير انها اكل بناتي تاكله وتكذب وتروح تخش الورق في اي مكان عشان لانشوفه وهي غبيه ممكن بسرعه تنكشف ..؟؟وش رايكم بنات اكون جاده معها واخصم رغم انها شوي وبتموت لما قال لها زوجي بخصم كل شوي وتقولي مادري ..وهذي متكرر
35
5K

يلزم عليك تسجيل الدخول أولًا لكتابة تعليق.

تسجيل دخول

❥غرور❥
❥غرور❥ •
الله يعينك عليها شوفي من رايي اخصمي عليها كل ماخربت اخصمي وخليكي حازمه معها
واحفظيهم عندك واذا جت تذلف ذيك الحزة رجعيهم لها بشرط تكون تآدبت
متفآئلة حتى آلنخآع
متفآئلة حتى آلنخآع •
اذا مشت وراي بعربة التسوق كل شوي وتصقعني فيها حتى رجلي تالمني :angry2:يانها تسوي نفسها ماتدري يا تقول من بنتي تحركت ولاشافت

______

هههههههههه ضحكتيني وربي ^^ !
هذي يبي لهآ خصم وبقوة دآمك تفهميهآ ومآتعدلت أخصمي يمكن مآيفهمهآ آلآ آلخصم !
ترى بعضهم يستعبطون ويسوون نفسهم أغبيآء علشآن مآتشرهي عليهم !
اهم شي لآتظلميهآ !
لآكن حآسبيهآ عشآن تتعدل وتعمل حسآبهآ قبل مآتخرب !
عندي شغآلتنآ كسرت آلمغسلة وخربت آلمكنسة ونص آلموآعين كسرتهآ ويوم جآت تسآفر
خصم أبوي منهآ يقول هي تخرب وأنآ أصلح ببلآش :( !

موفقة يآرب
:26:
انا وحياتي999
انا وحياتي999 •
انتبهي الا هالجنس لا تحزمين معاها ....لمصلحتك انتي وعيلتك لان ماعندهم اذا صابهم الحقد اشتغلوا بالسحر الا من رحم ربي

عندك حل وحيد وهي انك تجيبين غيرها لانها موبجديده عندك ومع ذلك مستمره على هبلها.....
الله يعين الجميع
نلتقي لنترتقي
نلتقي لنترتقي •
الله يعينك عليها
يبغى لها حزم هالشغاله
همس الحوريه
همس الحوريه •
والله كانك تتكلمين عن شغالتى لايكون هي اسمها دومنيت نفس الطباع الله يقطعها من طباع تقولين ماهي عايشه بدنيا