شغالتي الجديدة .. والوسواس القهري ..

بسم الله الرحمن الرحيم


أخواتي أنا جاتني شغالة سيريلانكية جديدة لها كم يوم عندي ...


بيني وبينكم ماأدري ليش حاسه بخوف مو طبيعي منها ... حتى عيالي خايفه عليهم ...


اليوم صحيت من الساعة 2 الليل ماقدرت أكمل نومي .. وجلست لحد الساعه 8 وقلت بدخل أنام شوي .. بنتي اللي عمرها سنتين ونص صاحية لها ساعة .. قلت لها تعالي ننام مارضيت أصرت تجلس مع الشغالة ...


دخلت غرفة نومي وقعدت أتقلب ماقدرت أنام من الخوف عليها تذكرت العائله السعودية اللي جاتهم شغالة جديدة مالها عندهم غير شهر يمكن وأخذت بنتهم وحطتها في البانيو وصبت عليها المويه الحاره:44:...


وقمت وأنا مرعوبة وقعدت معاهم لحد ماصحيت بنتي الكبيرة وقلت لها اقعدي مع اختك وانتبهي لها ...


ونمت وخليت باب غرفتي مفتوح علشان اسمع اذا صار شي لا سمح الله ...


وسواس غير طبيعي ... أقول في نفسي للأسف البلد عندنا فوضى يجيبون لنا شغالات أي كلام .. يعني لو انها مرتكبه جريمة عند عائله عادي ممكن يسفرونها ويرجعونها عند عائله ثانية ...


بيني وبينكم هي شكلها مريح بس الشغالات مالهم أمان ... اليوم جاتني فكرة جهنمية:35: قلت خليني أصورها وأنزل صورتها بعالم حواء اذا وحده تعرفها وقد اشتغلت عندها يا انها تأكد شكوكي وأسفرها قبل ما تصير لي مصيبة يا انها تطمني وأخف عن بنت الناس شوي:44: أخاف أكون ظالمتها وهي بنت حلال :44:


المهم هذي هي صورتها

يمنع وضع الصور


أكيد ضحكتم علي لين قلت بس .. بس وش أسوي ماني قادرة أرتاح أخاف عندي وسواس قهري :icon33:



المهم شغالتي تقول كانت تشتغل عند ناس بالقصيم ... واسمها عتيقه مدري عشيقه << حلوة عشيقة :hahaha:


الناس اللي مسمينها عتيقه ولا هي اسمها نور على قولها ...


ياليت اللي يعرف هالمطلوبه أمنيا يخبرني عنها :hahaha:


وياليت ما ينحذف موضوعي وتراعون مشاعر وحده خايفه على عيالها ...


بس استحلفتكم بالله يابنات لا تجي وحده تلعب بأعصابي وتقول أنا أعرفها وفيها وما فيها وهي ما تعرفها .. حرام عليكم ترى اللي فيني كافيني ...