شغالتي الجديده؟؟؟!!!!!

السلام عليكم ورحمة الله

يابنات جاتني شغاله جديده من مكتب ماجدد اللي يجيب الشغالات في شهر واقل المهم

جاتني بنص رمضان جات في 25 يوم من استقدامها

هي اندنوسيه قعدت اول يومين وكنت مره محتاجه ومبهدله

اول 3 ايام كرفتها مزبوط وريتها شغل البيت كله

كل يوم نسوي شي واوريها كل حاجه على اساس انها اجازه وباستغل قبل لا ارجع الدوام

المهم واخليها تكتب كم طبخه في دفتر واقولها سوي الاكله الفلانيه او اديها وصفه واقولها بكره سوي

اول كم يوم من بدينا دوام بعد عيد الفطر سبت بنتي معاها يومين لأنه صغيره حوالي سنتين وشويه

بعدين من قبل مانبدا دوام وانا ملاحظه انه الخدامه هببببببببببله من جد يعني مهويه تقوليلها الشي 3 او 4 مرات ويالله تفهم

ولمن تسوي الغدا لازم ينحرق من تحت

المهم ومن جات خربتلي مكوى كانت عندي من يوم اتزوجت وكسرتلي فازه وحرقتلي شفاط ورمت تياب زوجي الجديده في الغساله مع قلم واتعبت حبر كلها
وزوجي حاول فيها التياب والمغاسل مارضيوا ياخدوها بس يومها عصبت وصرخت فيها وقلتلها ماتبغي تشتغلي قوليلي مو تقعدي تخربي اشيا البيت وقالت لأ ابغا شغل وخرجنا نودي توبه الجديد المغسله وتاني يوم الصباح ندور على التياب الباقيه لقينها نضفتها تقول قعدت فركت فيهم ( بويكم انها اشتغلت فيهم)

نسيت اقولكم انه بنتي بس يومين قعدتها معاها وبعدين دخلتها روضه والظهر امي الله يخليها تاخدها وتقعدها عندها اخلص دوامي العصر اخد بنتي وارجع بيتي اروش بنتي بنفسي والبسها وانيمها ( لأنه جربتها مع البينت لقيتها بتخليها تسوي اللي تبغا ) متلا اقولها وديها الحمام توديها واروحلها شويه الاقيها جالسه بنتي تلعب في الشامبوهات والصابون وهي تتفرج وكم مره هزئتها لانه دايما بنتي تخرب في شي وهدي تتفرج ولاكلمه اقصى شي تقولها مره وحده لا . فغسلت يدي منها من ناحيه بنتي

دحين دوامنا طويل وانا وزوجي للعصر واحيان المغرب بره البيت وارجع بنتي معايا وبيتي صغير
يعني بالكتير الساعه 10 او 10 ونص مخلصه ومش كل يوم اخليها تطبخ احيانا ماالحق اقولها ايش تسوي اكل واحيانا نشتري جاهز الخلاصه انها بتقعد حوالي 6 او 7 ساعات يوميا فاضيه يمكن بتغسل شوي وتكوي بس احيانا الاحظها اناها مانظفت كنت اخاصمها بس دحين تعبت من الغباء


دحين قلتلكم كل شي وكنت احسها لمن اصرخ انها شوي تخاف واحيانا احسها تمد البوز واطنشها



دحين نجي للموضوع اللي عشانه قاعده 5 الفجر قبل الدوام اكتب

هدي الخدامه تدخل الحماااااااااااااام مررررررررررررررررره كتير وتطول كل مره اقل شي ربع ساعه واول ماتدخل تشغل مويه الترويش وتسيبها مفتوحه وماعمري رجعت من بره الا الاقيها في الحمام وعلى الليل قبل لاتنام الظاهر ليه انها تتروش قبل لاتنام لأنه اشوفها تغير ملابسها في الليل

وريحتها موقد كدا يعني مومره معفنه لأ فيها ريحه على خفيف بس ريحة فمها دمااااااااااااار جبتلها مطهر للفم وسالتها قالتلي اسناني خربانه

بس انا خايفه من جلستها الكتير في الحمام خلاص صرت ابصم بالعشره انها ساحره وصار تعاملي معاها مررررررررره قليل او كلامي معاها واغلب الوقت لو زوجي مشغول اجلس عند اهلي اخاف ارجع البيت لوحدي

ومااخليها تلمس بنتي واحيانا دوامي يحتم علي ابات اكتر من 24 ساعه في الدوام اطنشها واحيانا اكون بالدوام وزوجي في البيت يقولي اخر مره ليها اكتر من ساعتين فيالحمام حتقفل 3 ساعات وهدا مو قبل النوم

يعني الايام اللي تكون مشغوله تطول في الحمام بس قبل النوم على اساس بتتروش وباقي الوقت تدخل كتير بس مو اقل من ربع او تلت ساعه

لمن تكون فاشيه ممكن تقضي فب الحمام على اوقات متفرقه من 4 الى 5 ساعات

حاوانا ندور كاميرل نركبها في الحمام على اساس انا اشوف لو في شي غريب بس ماقدرنا نحصل كاميرا خاليا يبغالها شحن او تركيب



امس الليل قلت اشغل قناة القران طول الليل واحنا مشغلينها لدحين ومالاحظت عليها شي؟؟؟؟؟؟!!!!!!!

دحين لقيت خدامه نبغى ننقل كفالتها علينا وهدي ابغا ارجعها المكتب مني مرتاحتلها نهائيا

ايش رايكم بالموضوع كله؟؟؟؟؟؟؟؟؟؟؟؟؟؟؟؟؟؟؟؟؟؟؟

هل تتوقعوها ساحره؟؟؟؟؟؟؟؟؟؟؟؟؟؟؟؟؟؟؟؟؟؟؟:44::44: