راح تتعبين في البدايه بس رامح تمشي معاك مثل الساعه بعدين

اهم شي طولي بالك

وجيبي لها الساعه وعلميها اشري على الساعه مثلا 7 تصحى وتنظف وروحي واشتغلي قدامها وتكلمي عربي عادي كانها تفهم عليك لانها تلقط كلمات بس لا تسرعين بالحكي ههههه شوي شوي

انا جلست كم يوم انا اللي اشتغل وفي نص الشغل اخليها تطبق بعدين جلست شهر اصحى معاها الصباح واصحيها وبس واقفه اناظر ايش تسوي وكيف تسوي واذا فيه خطاء طوالي انبهها واعمل الشي قدامها واخليها تعيد على الشي كم مره

يعني دورة المياه ما تطلع الا لازم نظيفه وناشفه المواعين ما تحطها على المجلى بعد الغسل الين تتاكد انها نظفت ولا تدخلها الدولاب الين تتاكد انها نشفت اعلمها انه هذي المنشفه للمواعين هذي خاصه للطاولات وتجيبي صحن وتقريبي منشفة الطاوله عليها وتاشرين لها انه لا ما تستخدمها هنا بس على الطاوله

والكوي تعلميها قطعه قطعه كيف تنكوي والغسيل


حتتعبي في البدايه بس بعدين خلاص تكون هي فاهمه كل صغيره وكبيره

فيه البعض ينصحك تجيبي وحده تفهمها انا ما انصحك لانها ممكن تخربها عليك بس انتي طولي باااالك هذي هي النصيحه

وعلى كثر حرصي ما بدت تتعلم صح الا بعد 6 شهور من جيبتها وهذا وهي تعرف شوي انجليزي

حرام عليك تبينها من اول يوم تفهم احنا شغالتنا جلست شهرين ومافهمت الاشوي رفعت ضغط امي يبيلك صبر عليها٣شهور اقل شي مع التكرار ترى يفهمون ويبدون يطبقون

الله يجزاكم خير انا بصبر وبعلمها وان شاء الله ربي يوفقني فيها

فيه طريقه حلوه علشان تتعلم بسرعه وبسهوله وهي انك تجبين ورقه وتكتبين نقاط الشغل اليومي وورقه ثانيه تكتبين فيها نقاط الشغل الاسبوعي وورقه ثالثه تكتبين فيه الآداب العامه وبعدين تودينها لمترجم مكتب الاستقدام وتخلينه يترجمها لك نقطه نقطه علشان يسهل عليك الاشاره على النقطه اللى تبينها وان شاءالله راح تدعين لي لأنها طريقه مجربه وناجحه.

الاندونيسيات على طول يفهمون

شغالة جارتي لها 7 شهور جايه جديده واللحين ماشاء الله تتكلم كأن لها سنين بالسعوديه !!

اصبري عليها شوي شوي بتفهم

وجارتي الثانيه اول ماجات الشغاله بدت معها اشتغلت شغل بيتها كله هي وياها من تنظيف مطبخ والحمامات الله يعزك وترتيب الغرف ورتها كل شي واللحين مرتاحه تقول كل شي تعرفه زي ماوريتها نفس نظامي بالضبط ....

الله يعطيك خيرها ويكفيك شرها