شغالتي الجديده كيف اعلمها على الطبخ والنظام ..ساعدوني

الله يعطيك من خيرها ويكفيك شرها
أهم شي لا لاتستعجلي عليها وعوديها على نظامكم
وأحسني لها وبإذن الله راح تحن لك
الله يوفقك

مشكوره اختي ام العبدي..
امين الله يكيفي شرها ويعطيني خيرها..
تكفوووووووووون ساعدوني ياخبيرررررررررررررررات..
تراني بحاجه لفزعتك وافكاركم وخبرتكم..

انتي دخليها المطبخ وعلميها اول شي وكل شي بدقه من النظافه الى آآخر شي
اقصد كل يوم طبخه يوم سوي كبسه وخليها هي تسويها بكرى او في الليل تطبق وخليك معاها تراقبي
هذي طريقتي مع شغالالالات اللي يجون
وواما شغل البيت على اللي تبين عاااد
بس نصيحه تقوم بدري وتنام بدري تفكتين منهاااا
وهي ترتاح منكم في الليل وتلاقى متنفس لها بغرفتها
من كوي من غيره
واذا صرتي انتي فاضيه وهي كمااان دخليها تساعدك باشياء ثانيه مثل معجنات او سنبوسه
قلي بطاطس
اذا هي اندونيسيه اكيد تعرف تطبخ اكلالامتهم مره حلوه جربي الشعيريه بالجزر
واذا هي سريلانكيه فهي فنانه مرق خضار وبرياني
انا تعلمت البرياني منهااا جنان ماشاء الله
تبين تحكمين على نفسها بالطبخ قولي لها تسوي من اكلهم وتذوقينه

مشكوره اختي بنوته حواء الله يجزاك خير,,

بالنسبه للطبخ وهذى طريقتى مع شغالة اهلى
والا شغالتى ما يطيع زوجى تطبخ اجيب دفتر خاص لها
واقول انا ابى اطبخ وانتى شوفى واكتبى بلغتك وكل طبخه
تكتبها اول مره تطبيق اصير عنده واوجهه واخليها تجيب الملصقات وتلصق على العلب
حقت البهارات من تحت وتكتب اسمه عليه علشان ما تغلط وتحط شئ مكان شئ
وبنفس الدفتر اخليها تكتب جدول بلغتها انا اعلمه اللى ابى
وهى تكتب بلغته واذا هى اول مره تجي روحى فيها لاحد اقاربك نفس جنسيتها
وعلمى شغالة اقاربك وهى تعلمه اللى تبين بس اهم شى تكتب كل شى
وانت حطى علامه على كل صفحه علشان تعرفين المكتوب وتطلبين منه تسويه
اذا جيت للبيت الين تتعود
وقلى لها الكنس والمسح والغسيل المواعين كل يوم ووزعى الباقى على ايام
الاسبوع السبت المراوح والشبابيك يعنى كل سبت
الاحد تطلع دواليب المطبخ وتمسح كل شئ ثم ترجعه
الاثنين غسيل الحوش والدربزينات ............وهكذا حسب الشغل اللى عندك
والله هذى الطريقه تريحك بدل كل يوم وانتى ملاحقتها سوى حطى
صدق اول شهر تقريبا راح تتعبين لكن صدقينى ومن تجربه راح ترتاحين بعدين
والله امى تقول ما أبى الا انت يعلم شغالتى اذا جت جديده
واهم شى ومن تجربه اذا طلعت للسوق اشتري له ولا تخلينه تتفرج
على اللى شريتيه وهى لا
سمحى خاطره لو بشباصه من ابو ريالين
ارجو انى اكون افدتك وانك فهمتى علي