اولا اشكر كل من تفاعل معي وادلى برأيه ولو إني أختلف مع قلة من الاخوات اللي قالوا إنها حرة في جوالها .. لأني انلدغت قبل هالمرة من ورا هالجوال وبصراحه حسن الظن المطلق بالشغالات خطأ وما اقصد بالمقابل نظلمهم..

لو عطيتها هالجوال من يضمن لي ماتجيب لي مصيبة لبيتي ومهما كانت طيبة فالله وحده أعلم بنواياهم وياما انصدمنا من الطيبات قبل الخبيثات .. ومن ناحية حسن المعامله ماقصرت معها لا بطريقة الكلام ولا بالعطا حتى الأكل اعزلها قبلنا يعني بس الاشكالية على الجوال .. وغير هذا اللي تقول اني بحرمها تكلم اهلها ، انا ما حرمتها تكلمهم وكوني اشرف على الارقام اللي تتصل فيها مو غلط بالعكس واذا اتصل فيها احد من اهلها اخليها تكلمهم لحالها واذا خلصت ترجع لي الجوال .. يعني ماضيقت عليها مره


وازيدكم وخصوصا البنات اللي شبوا فيني وحسسوني إني طاغية .. إنها جاية بشريحه فلبينية تقول انها تستقبل وماترسل ولا ادري عن صحة هالكلام قمت وجبت لها شريحة سوا واشحن لها كل مابغت على حسابي وش اكثر من كذا حسن معامله !!


على كل حال .. بعد ذاك اليوم شدت عفشها ولبست عبايتها وقالت ودوني للمكتب .. طبعا بعد نقاش وهواش راحت للمكتب وكملوا عليها ورجعت للبيت على طول واشتغلت بأمان الله كنها مرشوشه بفليت ما أدري وش سوا لها ولحد الحين الامن مستتب ولله الحمد بس الله يستر من النكسه اللي مالها وقت ولا مناسبه..

أنا مع كلام الاخت
انتي بحاجتها ونفاس وما عندك مخرج لو بدها تهرب كان هربت انا بشوف الفلبينيات انظف ومتفهمات اكتر ومتعلمات وبعرفوا ينظموا البيت اكتر من غيرهم عن خبره من لما كنت في بيت اهلي
امي ما كانت تقبل الا فلبينيه وما عمرنا صادفنا مشاكل مع وحده ويلي موجوده حاليا معها تلفون عندها زوج وأولاد بتكلمهم بلعكس نفسيتها بتتحسن اكتر وبتشتغل احسن
اعطيها التلفون وشوفي انصلحت كان بها ما انصلحت بعينك الله لان القانون معها عدت الثلاث شهور يبقى سفريها ما عندك بديل بلاش تعملك عمله ب ابنك ربنا يحفظه ويخليه يلكم وتعدي فتره النفاس عخير يا رب