شغالتي المخلصه اللي عاشت عندي 5 سنوات

من كثر قهري كتبت موضوعها عشان تتعظون مني عندي شغاله سرلنكيه من خمس سنوات ربت ولدي وشافت الخيرررررر من زوجي احيانا يعطيها 500 بدون سبب وكنت أنا أكب عليها بالهدايا اذا سافرت اشتريلها 3000 ملابس هدايا مع انها ما تشكر أبد بس كنت أقول مسكينه مكسوره وكنت اعطيها ذهب اذا سافرت يعني كانت مرتاحه مافي شغل وراتبها 1500 بالاخير باقي علي سفرتها يومين وبترجع بالعيد هذا اتفاقنا طلعت تسرق اكياس الرز وكراتين الشاي وتعطيها السواق وموبس كذا اذا طلعت عند اهلي الجمعه اخليها بالبيت اثاريها تطبخ للسواق عشا كامل وانا دايم أقول الأكل يخلص بسرعه قلت حرام ياكلون بس جتني شغاله أختي وقالت لي ومصورتهم لي فيديو مع بعض ياكلون أنا انفجرت تخيلو اليوم شريت لها هدايا بكيس قلت لها روحي خذي كيس لك بغرفتي وشفتها طولت شكيت لقيتها بدل لا تشكرني قاعده تشوف دولايبي اتخذت قرار بجيب مفتشات يفتشونها وبقولها حسافتك أني وثقت فيك وزوجي بيحول السواق علي محامي وشرطه لانه هو انقهر اكثر مني يقول ليش ماينفع معاهم الطيب قلتله مستكثرين فلوسنا ما شافوا طيبنا