والله رحمتك ..
مدري وش جايهم عالنحشات والزعل والزعيل
الله يكفينا شرهم
والحمدلله على سلامتك وسلامة عيالك
قولي الحمدلله مالقطت أحدهم

المهم أنت صيري جيبي مؤقتات .. كذا كذا صايرات كنهم مؤقتتات على هالنحشات :(
الله لا يربح من يغريهم

على الطاري قد سمعت قصة مثلك قصتك
وحدة كل ماجابت شغالة ماتبطي عندها إلا وتنحاش
ويوم راحت تفتش غرفة الشغالة ولقت مكتوب ورا الباب رقم وكتابات بلغة الظاهر اندونيسية
ويوم دقت لقته واحد يغري الشغالات بفلوس أكثر ويطمعهم ..

الله يسهل أمرك ويعييييييينك .. أنا ماجربت الشغالات لأني مغتربة .. بس والله ودي بوحدة اليوم قبل بكره
تعبت من الشغل .. الحمدلله بس

الله يعينك , ,
وأتذكر قصة فاطمة بنت الرسول يوم قالت لرسول الله تبغى خادمة تساعدها في البيت ، ،

فعاد وش نصحها رسول الله ، ، قالها ( بمعنى الحديث لأني ماني حافظته ) قبل ما تنامين ، ،سبحي ربك ( سبحان الله ، الحمد لله ، الله أكبر ) 33 مرة ولا تحتاجين للخاااااااااااااااادمة ، ،


فيابنات إللي ييقدر يجيب الحديث يحطه هنا لا هانتوا، ، ، ،

ولكم مني جزيل الشكر ، ، ،

صدقتِ يالرزينة

وهذا الحديث

أن فاطمة أتت النبي صلى الله عليه وسلم تسأله خادما . وشكت العمل . فقال " ما ألفيتيه عندنا " قال " ألا أدلك على ما هو خير لك من خادم ؟ تسبحين ثلاثا وثلاثين . وتحمدين ثلاثا وثلاثين . وتكبرين أربعا وثلاثين . حين تأخذين مضجعك " .
الراوي: أبو هريرة المحدث: مسلم - المصدر: المسند الصحيح - الصفحة أو الرقم: 2728
خلاصة الدرجة: صحيح

استعيني بالله اخيتي وهذا احنا كلنا ببيوتنا وعيال والله ميسرها والحمد لله قولي قبل النوم سبحان الله 33 والحمد لله 33 والله اكبر 34 وتوكلي على العزيز المعين القدير ونامي والله ييسرها لنا ولك واعتبريه جهاد وفعلآ هذا جهاد المراه ببيتها