شغالتي بتسافر وابغى استشيركم

السلام عليكم

حبيباتي ودي أستشيركم في موضوع واتمنى ألقى الرد الي يريح قلبي وضميري

شغالتي بتسافر نهاية الاسبوع ان شاء الله وبصراحة صارت بيني وبينها فترة شغلها عندي بعض المشاكل وهي كانت السبب في هذي المشاكل فكنت اعصب عليها لكن بدون ضرب او خصم من راتبها

وانا ولدت قريب وشالتني في نفاسي وشالت عيالي يعني ماقصرت

السؤال انها بتسافر وتبغى تروح السوق علشان تشتري هدايا لأهلها وانا قررت اوديها السوق في نفس يوم سفرها يعني سفرها العصر اوديها الصباح للسوق وانا في هالفترة افتش أغراضها واعطيها الاشياء الى أبغاها تأخذها واشيل الاشياء الى ما أبغاها تأخذها لانها كلها انا اعطيتها إياها لانيً من كثر ما اسمع من مصايبهم خفت منهم بالرغم أني ماشفت عليها شي غريب

وبعد ماتخلص من السوق على المطار يعني ماترجع للبيت زوجي ياخذ شنطتها الي في البيت ويروح للسوق يأخذها ويوديها المطار

ايش رايكم أخاف تدعي عليه وزوجي يقول خافي ربك فتشي أغراضها وخليها ترجع ترتب أمورها وبعدها تروح المطار

وايش رايكم أعطيها هدية او لا

انا محتارة أبغى أشوف آرائكم والأكثرية راح امشي على كلامهم

انتظركم