شغالتي بتشرف اللي عندها شغاله تدخل

الله يكفيك شرها

وياكرهي لهم ولو ببلاش مااخذت شغاله وع عليهم شغالات مقرفين

ست النساء مشكورة على الرد والله يكفينا شرهن


بنات وينكم مو هذا العشم فيكم

السلام عليكم

اولا الله يتمم عليك ويحفظك

من ناحيه الخدامه واستعدادك بالبدايه لما تجيبيها من المطار خليك مع زوجك

بيني من البدايه انه الكلمه عليها منك مو من زوجك

لا دخلت قولي لها تتحمم واذا عندك معرفه بحجمها من البدايه جيبي لها قطعه وحده وكملي بعدين

اذا ما تعرفين قولي لها هاتي شنطتك وافتحيها معها وطلعي الاغراض قولي ملابسك هذي ما تستخدميها وبجيب لك بدالها لبس خاص

اعطيها الاشياء العاديه اللي تحسي ما منها شئ مثل صور عيالها واهلها وملابس داخليه والباقي خليه بشنطه وغبيه عندك

قولي ياخذها لما تسافري بعطيك اياها لانك ما تحتاجيها

جيبي لها ملابس عاد انت واستخدامك اذا بنجابي والا قمصان الخدم والوان علشان تبدلهم يوميا وتعرفين انها بدلته

شامبو ومزيل عرق وفرشاه ومعجون وامواس حلاقه ومقص اظافر

وملابس داخليه

الفراش حقها جهزيه

الغرفه لا تعطيها غرفه تقفل ابدا

شيلي المفتاح من الغرفه حقتها من الحين

تقفل الباب بس بدون مفتاح وعلميها من تجي بالاشياء اللي تبيها ترتيب البيت طريقتك خصصي يوم اسبوعي او يومين لترتيب خاص للغرف الاستقبال وتنظيف قوي

والترتيب اليومي كنس وتمسح البلاط بديتول شئ طبيعي مع كل صباح

لا تلمس اكلك لين تحللي وتشوفي نظافتها علميها تلبس قفازات لين تطلع التحاليل

وحبه حبه عليمها الاشياء اللي تبين

قولي لها غرفتك شئ خاص فيك ما تنظفها ولا تلمسها

علشان ما تدخل بخصوصياتك

ولا تتساهلي معها من الاول

اذا هي تمام معاك اكرميها واذا مو تمام احرميها من الشئ الزايد انا ما اقصد ابدا راتبها راتبها يجيها كل شهر

الجوال والتلفون لا تستخدمه الا بستاذان
اذا معها جوال وتحبين تسحبيه وتعطيه اياه بوقت معين يكون افضل والا قولي لا يطلع من غرفتك

وجاراتك انتبهي تعطيهم الخدامه حتى لو فاضيه اذا بتروحين انت معها بنفس الوقت ومره علاقتك مع جارتك ايه

غيره لا تطلعيها ابد ومو من حقك انها تشتغل بغير بيتها ولا يجوز الا اذا هي تبي

واحسن لك علشان ما تتغير والا تقارن جاراتك بنطامك والا جارتك تدلعها وتعطيها علشان تنظف لها البيت تبداء تشوف جارتك وتهملك

علشان كذا اقولك خليها معاك وبس اذا تطلعي وتبيها تساعد جارتك اوك اما لحالها لا تفتحين باب على نفسك وما تعرفي المشاكل اللي تجيك من ورا هالباب لو يجيها اي شئ انت مسوؤله عنها


وادعي اول ما تجيك

واقري وردك دايما ولما تسافر اعطيها شنطتها القديمه ومع اشياء جديده منك او اذا تبي تشري لكن لا تاخذ ولا شئ من اغراضك
ولا من اغراضها اللي هي استخدمتها حتى ملابسها الداخليه


والله يوفقك ويحفظك


وانتبهي للبيبي لا تعتمدي عليها بكل شئ

تراهم امانه عندنا يكفي القصص اللي نسمعها

واذا حابه تسالي عن شئ انا بالخدمه كلنا خوات وحياك باي وقت

حبيبتي من الان لين تجيكي ادعي انها تكون بنت حلال وتدخل عليكم بالخير واستغفري حتى تتسهل امورك


انا باقولك مو من واقع تجربة في منزلي بعد الزواج لاني ماقد جتني خدامة على كفالتي لكن باقولك حسب طريقة الماما صاحبة هاليوزر وباضيف عليها بعض النقاط اللي شفتها واستفدت منها في حياتي :
1- الافضل انك تستقبليها مع زوجك في المطار وكوني رسمية وزوجك كذلك لانكم ماتعرفونها (لاتطيحين الميانة بينكم ابد )سلمي عليها عااادي مصافحة واذا شفتيها خايفة عاااادي طمنيها بدون تكلف قوليلها انا مسلمة زيك فلاتخافين ..
2-دخليها غرفة الافضل يكون لها غرفة خاصة وحمام خاص وحوطي ايدك على راسها وادعي بصوت مسموع (اللهم اعطني خيرها وخير ماجبلت عليه واكفني شرها وشرها وشر ماجبلت عليه )
3-جهزي لها فراش خاص وملابس ثقيلة عشان الشتاء (حجاب راس +قميص منزلي ثقيل طويل مقاس لارج او ميديم+ وداخليات (بجامة اكمام طويلة وسروال داخلي وسروال قطني طويل وشراب )+(منشفة وشامبو وديدورنت وصابون وفرشاة ومعجون )طبعا لانك بتدخلينها تتروش ووقتها تدخلي معها الحمام وتاخذي كيس معاكي وطبعا من ورا الستارة حقة البانيو او من ورا المنشفة تسلمك ملابسها كلها الداخلية والخارجية وحوطيها في كيس اربطيه وحوطيه على جنب بعيد عن نظرها وعن نظر زوجك ..مؤقتا لين تفتشينها زين (عذرك لها انها تعبانة من السفر ولازم تاخذ دوش وتلبس جديد ونظيف )
4- خوذي شنطتها وفتشيها قدامها اجلسي وافتحيها بنفسك وفتشي تحت وفوق وفي الملابس نفسها في ثنايا الثياب وفي الشنطة نفسها اذا لقيتي خياطة مرقوعة افتحيها شوفي ايش فيها لانهم يخبون فلوس وجوالات واعمال سحر فيها طبعا حتى جوا علب الشامبو والكريم والفازلين اذا شفتي ان مافيها الا ملابس عطيها بس ملابسها والشنطة ارفعيها في مكان ماتدري عنه لانها مابتسافر وماتحتاجها (اذا قدرتي وفريلها ادراج بلاستيكية لاغراضها وملابسها او حطيها في كرتون عااادي ) الهدف من رفعك للشنطة لو قررت تهرب مايتسهل لها ذلك ولاتناقشيها ابدن في وجود سحر او اعمال ماله داعي لهدرجة ..(بس ممكن تاخذي نوتة الارقام من عندها على اساس لو تلفون بيتكم فيه صفر ممكن تستغله من وراكم (بدون اسأة ظن ولكن للوقايه من المشاكل

واساليها عندك جوال عندك فلوس عندك ذهب .....واجردي كل الاشياء الموجودة لو تكتبينها بورقة عشان لاتنسين واغراضها في ذمتك وانتي واسلوبك في حياتك تبينها تشيل الجوال عااادي بكيفك مع اني انا اتذكر الوالدة حاطة لها جوال جهاز وشيرحة خاصة بمكالاماتهاا وهو طول الوقت مع امي بس اذا بغت تكلم تعطيها امي واذا خلصت رجعته لامي وتلاحظ امي مكالاماتها بدون ماتشكك فيها ...


5- بعدها ابدأي عطيها برنامج المنزل اللي يريحك يااختي لانك حامل وتعبانه وماعندك صحيح اطفال بس بيجيكي مولود بإذن الله وانتي وطريقتك واسلوبك في الحياة انا عني ماتقرب الطبخ نهائيا انا اطبخ وبالنسبة للغطاء الوجه لازم تكون عن قناعة وحب اذا كانت وجهها ملفت فغطيها درء للمشاكل حتى لو خرجتي هنا ولا هنا بس نقاب اسود وغطا راس ملون والافضل ابيض ....بالنسبة لوقت زوجك يكون موجود في البيت الافضل انها ماتخاطبه نهائيا ولاتحتك فيه ولا حتى تمر قدامه ولا يطلع صوتها حتى نبيها قولي حراام هالشي حتى لاتزعجكم (لاني اعرف ناس عندهم خدامة طول الوقت ضحك واغاني حتى لو دخل ابوهم ) لكي يضل هو سيد المنزل ولا يدخل في متاهتة هذولي الخدامات (مع انهم بشر زينا ومسلمين لكن بلادهم منفتحة وماتعرفين ايش ثقافتهم وممكن تمون على زوجك لدرجة ماتحترم ولاتخاف منه وهو لازم تخاف منه لانه سيد المنزل واذا خافت منه كان هو السبب في مرور المدة التي بتقضيها في البيت بامان وسلام )


6-املئي جدولها بالاعمال بدون ماتضغطي عليها لازم تنام 8 ساعات يوميا ولازم وقت ترتاح فيه وتتروش وتاكل فيه


يعني برنامج يومي وبرنامج اسبوعي وشهري كتبيها اياه في ورقة وقلم (طبعا انتي تجهزين هالبرنامج حسب ظروفك *) متى تصحى بالضبط (وفري لها منبة )وماتبلش شغل لحتى تفطر وتبدا شغلها طبعا تنفيش تنظيف تطهير تلميع غسيل كوي كله لاتسلمينه لها اول اسبوع لينتتاكدي من اتقانها للغسيل والكوي واالتنظيف وكيفية استخدام المنظفات لانهم يموتون في الكلور وكبه في الحمامات والملابس والصابون حددي لها الكمية والكيف (يعني اسبوع تدريب او اكثر )حسب درجة استيعابها

وبالنسبة لانك ترسيليها اوقات لجارتك لو عندك جار ة طيبة تأمنينها ليش لا بالعكس تساعدي جارتك كذا وتاخذي اجر وتلاقي فرصة ليكي ولزوجك طبعا طالعين في مشوار خاص مطعم سوق شي زي كذا اذا كان هالشي مايضايق جارتك طبعا ووبلغيها انه لازم تنتبه منها لانك ماتعرفيها يعني فلوس غرفة النوم الشخصية صور زي كذا


7- لاتنسين تجهيز كتيبات دعوية توضح لهم سبل الدين والاحكام الشرعية واشرطة ومصحف بلغتهم (والله اني اعرف ناس من اقاربي كل جمعة يودو شغالاتهم تحضر درس في مكتب دعوة الجاليات وتقولي صاحبتها والله انها تتأثر ويؤثر بشكل ايجابي عليها وعلى روحها وعلى شغلها في البيت


8- بالنسبة لاحتكاكها مع الخادمات فلا بأس ولكن بحدود لان من تجربة الوالدة اتذكر ان كل مرة شغالتنا تقابل وحدة معينة من شغالة اقاربنا لازم تنقلب وتتغير علينا فانتي اعملي حساب انها انسانة ولازم تقابل ناس زيها بس حاولي تختاري من النوع الطيب ...


9- وصيها لاطلعتو ولا شي انها ماتقد تتلفت وتكلم الغرباء حتى لو خادمة زيها بس لان بعضهم يدلونه على طرق للهروب عشان تشتغل برواتب اعلى بالفين واكثر

10 -مفتاح البيت لاتخليه على الباب الله يعينك انتي وزوجك لازم تعملي حساب تقفلي الباب بنفسك وتفتحيه بنفسك وتشيلي المفتاح في غرفة نومك اللي ماتدخلها ابدن ابدن وصورك وصور زوجك واوراقكم الخاصة ماتخرج من غرفتك وملابسك الداخلية والانجري لاتنظرها انتي غسليها بنفسك ونشريها في غرفتك لاتشوفها بس علشانها انسانة حالها حالك


11- ملابس زوج الداخلية والخارجية الافضل انها متقربها ابدن غسليها بنفسك عذرك انها ماتعرف للابيض وتخافين لانعدمها بس ممكن تكوي ثياب وشماغات سبورات (لكن بجايم شورتات هافات لا والف لا

12- بالنسبة لزوجك وانتي الله يعينكم لازم تحتشمون الفترة اللي تكون فيها قدامكم في مطبخ ولا في سيب يعني اذا نامت سكري الباب عليها بغرفتها وشيلي المفتاح وبعدين البسي اللي تبينه وزوجك بعد يلبس اللي يبي(عموما لانها انسانة وتشتهي الزين زيك )فمو لازم تشوفك وانتي لابسة لانجري وزوجك بالبجامة ولا الشورت مداراة لعيونها ولنفسها بعضهم يحسدون اعوذ بالله ..( وصيها لاتقفل الباب عليها ابدن خلي عندها الكواية ونشارة الملابس عشان تدخلي عليها وقت ماتبين بعذرك ملابس الغسيل الكوي )لان لازم لهم مراقبة ..


13- اخيرا اؤكد على مراعاة انها انسانة مسلمة لابد من مباستطها بالكلام بدون الخوض في الميانة في تفاصيل حياتك وعلاقتك بالناس وخاصة زوجك بالعكس وضحي لها انك تخافين منه وانه يخوف عشان ماتسترجي تقرب منه
يعني سواليفك معها (شبه رسمية )تكون تنحصر في الشغل والبيت وامور النظافة وبعض القصص الهادفة عن الاسلام وعن المسلمين في كل مكان وعن الصحابة وعن الانبياء وممكن تساليها عن زوجها وعيالها بس لاتتوغلي كثيرا احيانا تستغل هانقطة ولا تساليها عن اللي كانت تشتغل عندهم لو جتك قد اشتغلت لانها بتدخلك في متاهات

13- اذا عملت شغلة كويسة اشكريها بدون مبالغة وكافئيها بين وقت وقت بهدية مثلا لو بشكولاته ووفري لها اكلها اللي تحبه بدون مبالغة حسب ميزانيتك (فيه ناس يخلو الخدامة هي تحاسب من عندها على اكلها ومنظفاتها وملابسها ومكالاماتها بس الماما تقول لا حرام اعتبرها ان شاء الله صدقة )وكذلك لاتنسينها بالاعياد والمناسبات وبرضه بدون مبالغة لان بعضهم يطمعون وربي

طبعا اذا ماعندها عباية وفري لها من الحين كاب او بالطو اسود كتف ووسيع وثقيل

بالنسبة لمولودك ابدن لاتشيله ولا تامنيها عليه تطيحه ولا شي تندمين طول عمرك واكله وتلبيسه وتنظيفه عليكي انتي ياامه

14- ادعيلي تكفين بولادة يسرة وخدامة بنت حلال لاني مقدمة على كينية وربي ماادري كيف لان زوجي يقول هما احسن جادات وعمليات ومحترمات وكمان يقول عادي لو لقى مسيحية لانهم يجون بسرعة مو زي المسلمات يتاخرون وانا على وشك ولادة والله يسهل علي وعليك