الرحمة طيبة لكن الحزم مطلوب خاصة في البداية
لكن لا تعودينها تسوين شغالها اليومي .......ابدا!!

إلا في حالة وحدة انه يكون عندكم عزيمة أو ضيوف بالعربي إذا زاد الشغل عن الطبيعي لا بأس إنك توقفين معاها و تساعدينها غير كذا ببتعود و تتكسل تسوي الشغل لا نها صارت تعرف انها لو طنشت انت بتقومين و بتسوين الشغلة نيابة عنها!!
شغلها هو شغلها لو ما سوته اللحين بتسويه بكرة لازم تفهم هذا الشي!

إذا ما نظفت زين قولي لها بهدوء تعيد الشغلة
مرة و ثنتين و ثلاث (ما فيه مانع تورينها أول مرة كيف) لحد ما تعرف مقدار النظافة المطلوب و تصير تاخذها براسها و تسويه من أول مرة.

ياهلا بنت العم الله يعينك على المغثة والتعب النفسي الله يسخرها لك ويعطيك خيرها ويكفيك شرها

شوفي تبغين نصيحة اول شهر شدي عليها مرة
لأنك لو تركتيها وجيتي بعدين بتشدين عليها تزعل وتسنكر الوضع

والله يكون في العون

ياقلبي بخصوص تنظيف الحمامات والارضيات والكنس يوميا
بالنسبه للحوش كل 3 ايام او 4 ايام
تنظيف الدواليب ودروج المطبخ كل اسبوع حددي لها يوم مثل يوم الجمعه مثلا

ونفس الشي لغسل الملابس اذا عندك اطفال كثير في الاسبوع مرتين اذا عيالكم كبار ومو حقين توصيخ مره بالاسبوع
اتمنى يجي هالنظام على مزاجك وترتاحين عليه

الله يعطيك خيرها ويكفيك شرها..
حبيبتي انت اعلم الناس بشغل بيتك..واللي يناسب غيرك يمكن ما يناسبك..