السلام عليكم ورحمة الله وبركاته
راح ادخل في الموضوع ع طول لانه عندي اختبار بعد بكرة دعواتكم ليا
وحبيت بس افضفض لكم شويه علشان اقدر ازاكر ماني قادره بس افكر ومعصبتني هدي الشغاله
اول شي راح اديكم نبذه بسيطه عن زوجي
زوجي مره طيب وابدا ابدا ماهو حق بنات ولا شغالات ويكره الرجال اللي من هدا النوع علشان كدا ماعنده اصحاب لا في السعوديه ولا هنا في الغربه كل مايتعرف على احد يطلع حق بنات ويطلع ووووو ولما يطلبو من زوجي يروح معاهم زوجي يرفض يقولهم انا مني من هدا النوع ويبدو يتريقو عليه انه مو رجال وانه وانه طبع هو يقولي فاقوله قلهم عندي تلات بنات اكبر دليل اني راجل
المهم بنفس الوقت يكره الشغالات يعني يقولي مستعد اطبخ واغسل وانظف البيت بس شغاله مااجيب فعلا ادا جبت شغاله ماتجلس شهر الا وهيا مطروده حتى لو كانت تكرونيه مااجيبهم الا للقوي
المهم ندخل في الموضوع
اتغربت وانشغلت من دراسه ودوام الجامعه مره متعب ومكان عندي شغاله كان زوجي وبناتي بنضفو البيت وانا الايام اللي ماعندي دوام ولا في الويكند انظف البيت من والى وماشين على هدا النظام وطبعا حملت وعلى الشهر التاسع قلت لزوجي لازم اجيب شغاله مين يهتم فيا وفي البيت وفي البيبي طبعا كل عاده طق الصدر وقلي انا قلتلهىفي شغلات ماتعرفها لازم اجيب قلي يابنت الناس انت والده اربعين يوم ولا تخليني ادخل في متاهات جيبي شغاله تروح وتجي طبعا رفضت وجبت شغاله كبيره في السن وقلت ماهي حقت اغرات ولا شي حتى وجهها مجعد
المهم جلست عندنا 8 شهور ماشفت منها ولا شي دايما في غرفتها بس تسوي ترتيب البيت وتدخل الغرفه
كانت عندي اختبارات السمستر اللي فات وجاني زوجي وقالي ابغ اتكلم معاك بموضوع مهم وحساس قالي الشغاله طفشتني وتسوي حركات طبعا جلست اضحك اقوله هدي باستغراب قلي ايوه ليه مستغربه انا اخاف ادخل في متاهات معاها قلتلوه طيب ايش سوتلك قلي مره كانت بغرفة البنات ونايمه ومرفعه رجلها قلتله ياشيخ امكن تعبانه وحبت تريح قلي بس عارفه انو انا اقرا الازكار<<<زوجي لما يقرا الازكار يدور في البيت منها رياضه ومنها يحصن البيت كله,<<< جا ابالي انه الاختبارات قربت ويبغ يخرجها المهم بعد فتره جاني وقلي شفتي الشغاله لقيتها فاتحه باب غرفتها ومفسخه وجالسه تحك x xx قلتله امكن مانتبهتلك ومعاها التهابات وجلست تحك زوجي يكرها ومن كلامي هدا كرها بزياده المهم سكت وماصار يقولي شي ا لمهم ماشي موضوعها لحد يوم الاتنين اللي قبل كم يوم خرجت من الجامعه صحبتي تايلنديه قالتلي ايش رايك نشتري للعيد زي بعض علشان تبقى ذكره قولتلها اوكيه روحنا السوق بعدين شفت صالون وقلتلها ابغ اصبغ شعري فصبغت وسشورت واشتريت فستان قصير ورجعت البيت على العصر ودخلت الغرفه على طول لبست واتشيكت وخرجتلهم مره اتفاجو بعدين زوجي يقول لبنتي امك بس تشيك في النهار لما نفطر تلبسلي بجامتها وتقول ابغ ازاكر جلست اضحك وطالعت فيه وقلت احسن طبعا جلستنا قريبه من المطبخ فشغاله سمعت وجات شافت لما بناتي يصفقو ويغطرفو الا شويه مانسمع الا ضرب في القدور طاخ طيخ قالتلي بنتي ايشبها قلت ماادري خلونا نفطر على خير جاء اليوم التاني اللي هو التلوت جيت الساعه 5 العصر الا اسمع صوت التلفزيون عالي من عند الفت وهو عالي دخلت عليهم قلتلهم اشبكم معلين صوت التلفزيون قالولي الشغاله معصبه وبس تضارب مع القدور علشان كدا رفعنا الصوت مانسمع صوت القدور قلتلهم زعلتوها بشي قالولي لا قلت اكيد معصبه من نفسها بكيفها زوجي ماقدر يصبر من صوت القدور طاخ وطيخ وطخ قالي ابغ افطر برة انا من اول جالس خايف على البنات وعلى اخوهم لا تسوي فيهم شي قلتله براحتك وجلسنا اليوم كامل وهيا ضرب في القدور جاء الربوع نفس الحكايه زوجي ماقدر يستحمل راح خاصمها وقلها اشبك معصبه قالت مافيها شي وعلى كلامه نظراتها كلها شر زوجي هدا وقلها انا ابغ انام ماابغ ازعاج سمعت كلامه لما جيت العصر حكاني ايش صار ورحت كلمتها قلتلها ايشبك قالت مافي شي قلتلها البنات زعلوكي قالت انا مني زعلانه منهم ولا منك ولا من مستر قلتلها ولدك فيله شي قالت لا قلتلها زوجك مزعلك ضحكت ورحت وسبتها
انا مااهرج معها ابدا بس سوي وجيبي ابدا ماعمري هرجت معاها اول مرة اتكلم معاها .. الخميس وهنا المشكله
نفس الحكايه عصبت وضربت في القدور زوجي عصب ورحلها وقلها وبعدين معاك وطاولو باللسان وزوجي هوز عليها كانه يبغ يضربها راح دنقت وسبسبته بالاندنوسي وخرجت من المطبخ ورفعت ولدي بيد وحده ومشيت زوجي شافها راح وراها اللا هيا تقفل الباب ويدق مو راضيه تفتح زوجي عصب وقال تبغ تقتل الولد وكسر باب غرفتها وخرجها قالها خدي عفشك واطلعي بره وقامت تستضعف انا مسكينه انا احبكم انا مايبغ يخرج انا وانا راح زوجي قلها شيلي عفشك كله قالتله مااخرج الا لما تديني فلوسي قاله مو انا اللي اديكي الراتب مدام هيا تديك هو قالت طيب استناها لما تجي قلها استنيها بره وخرجت واخدت عفشها كله ماعدا القران بنتي اهدتلها هو وسجادتها خلتها هيا متقصده تسيبهم لانها اخدت شرشفها حق الصلاة
طبعا انا في الجامعه اتصل عليا وحكاني كل شي ...هيا اتصلت عليا ومارديت رجعت البيت حكاني زوجي بالتفصيل وبروقان طبعا مصدقه زوجي اتصلت عليا هيا وكلمتها قالتلي مدام انتي في البيت كدبت عليها وقلتلها انا في الجامعه قالتلي مستر كلمك قلتلها لا ليه في شي قالتلي لا بس انا خرجت من عندك قلتلها ليه انت كويس وبناتي يحبوك ليه خرجتي قالتلي ابغ اقولك شي بس مدام لا تزعلي مني انا احبك علشان كدا ابغ اقولك قلتلها ايش فيه قالتلي زوجك زوجك بس يطالع في شغاله حق العماره اللي جنبنا وكل شويه يدخل مطبخ ويجلس يطالع فيها وهيا تكوي<<زوجي لو يبغ يطالع زي ماتقول في غرفه اقرب من المطبخ يشوف هدي الشغاله اوضح من المطبخ .من المطبخ مايشوفها مزبوط<قلتلها من متى قالت من زمان وهو يطالع عليها من المطبخ هو يقولك ابغ اسوي فول علشان بس يطالع فيها<<زوجي من ايام ماكنا بالسعوديه وهو اللي يسوي الفول وكمان من قبل مااتزوجه وهو يسوي الفول يطحنه ويطبخه يعني ماهو شي جديد على زوجي<<قلتلها ليه ماقولتيلي من اول قالت ماابغ اسوي فتنه قلتلها طيب دحين سويتي فتنه قالت لا خلاص انا خرجت من عندك قلتلها اوكيه رخيت وحكيت زوجي وعصب قلي ان شاء الله مصدقتها قلتله لا بس سوالي الشغاله لما تكوي مفسخه ملابسها جلس يضحك قلي والله بلبسها واساسا لو ابغ عندي الشارع مليان كل وحده تقول انا من جمالهم ومختار الا هدي الشغاله اساسا الشغاله مهي عندي ..فعلا جلست اراقب يومين الشغاله اشوفها تكوي وحاطه السمعات بادنها حتى ماتطالع لفوق والشباك مقفل يعني مو مهتمه في الموضوع نهايا
نرجع للموضوع رجعت اتصلت عليا بعد الافطار قالتلي قلتي لمستر قلتلها لا قالتلي ليه مدام منتي مصدقه انا زعلت علشانك وقلتله كيف تطالع بحرمه تاني ومدام كويسه ومدام يحب انتا راح زوجك قلي مو شغلك وطلعني بره قلي خلاص مانبغاك تشتغلي عندنا قلتله طيب ..رجعت اتصلت صباح الجمعه قالتلي كيف اختبار حقك قلتلها تمام قالتلي كلمتي مستر قلتلها لا قالتلي ليه مدام قلتلها عندي اختبار تكلمني وهيا تضحك قالتلي لو حرمه سعودي تاني كان سوت مشكله مع زوج حقه بس انت ماكلمتيه لسا انت مو سعوديه ضحكت وقلتلها مع السلامه ورجعت اتصلت بعد المغرب مارديت لحد الساعه11 ونص وهيا تتصل ومارديت عليها عاد اليوم الصباح اتصلت مرتين ومارديت رجعت بعد الظهر واتصلت رديت عليها قالتلي انا خوف مستر زعلان مني علشان انا قولتلك انه يطالع بشغاله اللي ساكن تحت قلتلها لا مو زعلان انا ماكلمته قالتلي ليه قلتلها خليه يطالع مافي مشكله
المهم سكتت انا خفت قلتلها ها ماتبغي ترجعي تشتغلي عندي تاني قالتلي تبغيني ارجع قلتلها ايوه انت مره كويس قالتلي خلاص اجي اليوم قلتلها لا انت معصبه من يوم التلوت من زوجك لما تهدي انا اكلمك قالت انا مو زعلانه من زوج حقي انا زعلانه من مستر انه ليه يسوي كدا جلست اضحك قلتلها خلاص لما يروح زعل انا اكلمك قالتلي متى قلتلها بعد العيد<<<طبعا اكدب عليها ولا افكر ارجعها بس علشان ماتحقد عليا....
وبس هدا كل شي هيا فضفه لا اقل ولا اكتر
نصيحه..
لا تسوو مشاكل مع ازواجكم علشان الشغالات تراهم كل غرضهم خراب البيت
شوفو شغالتي حاولت مع زوجي ..وزوجي رافض حتى مره قلها انا متزوج قالتله فينها زوجتك مسيبتك ورايحه الجامعه
وماقدر ت عليه من حقدها قالت لازم اخرب بيناتهم
:26:
قهوة بالبيبسي @kho_balbybsy
محررة ذهبية
هذا الموضوع مغلق.
الصفحة الأخيرة
الله يرد كيدهم في نحرهم
والله يوفقك حبوبه في دارستك ويسخرلك زوجك