❤غلا سامي❤ @ghla_samy_1

كبيرة محررات

شغالتي تحكيني عن اللي صار اليوم - كل هالظلم وتقولون احنا طيبات معهم وهم..............

السلام عليكم

اليوم رحت لواحدة عندها خادمة وصلت في رمضان بنفس موعد وصول خادمتي

طبعا شغالتي تقول:

لقيت الشغالة حقتهم تبكي وعيونها تعباانة من كثر البكاء

سألتها ليه:

قالت: انهم مايخلونها تكلم اهلها او تتصل فيهم

طبعا شغالتي تكلم اهلها اذا زوجي اعطاها الجوال

مثلا لما وصلت عندنا كلمتهم وطمنتهم

وصباح العيد اعطيناها تكلم وتعيد عليهم

وقفلت وتقول انه اهلها يسلمون عليكم

بينما هذيك المسكينة ممنوعة من الاتصال

انا مااتهم ولا اهاجم احد

بس مقهووورة

ليه تحرمونها من شيء يفرحها؟

تبي تسمع صوت اهلها
وعيالها

ليه التصرف القاسي هذا؟

باسألكم يابنات حواء والحرمة هذي تتابع عالم حواء وتدخل دايم هنا

بسألكم هل هذا تصرف زين؟

يعني تحرمينها من ابسط حقوقها؟

بالله عليك اذا عرفتيني او فهمتي الموضوع فلاتكلمين الشغالة ولاتجرحينها

فما اشتكت لشغالتي الا لانها من بلدها ومثل اختها ويحق لها تشتكي

واذا مافيك تشحنين جوالك وتعطينها تكلم

انا برسل لك بطاقة شحن لكن اسألك بالله اذا شفتي موضوعي هذا تسامحينها ولاتكلمينها بشيء ابداً

ارحميها حتى يرحمك الله ياغالية

ترى الدنيا فانية

لاتخلينها تحقد عليك وتشيل بقلبها

لاتشيلين هم انها تسحركم او تهرب

لا

شيلي هم انها كل يوم تبكي مظلومة ويمكن تدعي والله اعلم

ودعوة المظلوم مستجابة

انا ماودي اطوول بالموضوع بس والله اني شلت بقلبي يوم عرفت السالفة من شغالتي

ورجاء لاتجي واحدة تقول انها كذابة او ظالمة

لانه فعلا الحرمة قد سألتها من قبل عن الخادمة وقالت انها تمام

وسألتها هل تسولف مع عيالك؟ قالت : لا

والخادمة المظلومة تشكي لشغالتي تقول لها:

مدام ماتسولف معي او تسألني كيف حالك او اي شيء

بس نظفي غسلي

ليه:؟ وين الرحمة؟

على الاقل حسسوهم انهم بشر ومسلمين مثلنا

ولاتجي واحدة تقول ساحرات ومجرمات

ماصاروا كذا الا بسبب التعامل معهم

يعني هالمسكينة اتوقع انها مابتكمل شغلها

ياتنتحر او تهرب

ماظنتي تكمل شغلها كذا والنفسية زفت

ابيكم الحين يابنات عالم حواء تفكرون بعقلكم

هل اكلم الحرمة هذي ؟ بخصوص تسمح لها تكلم اهلها؟

فكرت بهالشيء بس شلت هم انها تخاصمها او تجرحها بكلمة

يعني ليه تروحين تشتكين للناس اننا مو كويسين معك

تنصحوني اكلم الحرمة؟

او شسوي؟

لاني والله العظيم قلت لشغالتي: اذا قابلتيها المرة الثانية وقالت انها ماكلمت اهلها اني لاعطيها جوالي تكلمهم

ياناس ارتقوا شوي تخيلوا احد يحبسكم في بيت 24ساعة تكرفون ولااحد يكلمكم ولايعطيكم وجه

وش احساسكم؟؟؟

طولت طولت

لاتبخلون علي بردودكم الطيبة

فمنكم نستفيد ومنكم اهل الرأي الطيب والسديد

افيدووني حتى ابريء ذمتي

140

14K

يلزم عليك تسجيل الدخول أولًا لكتابة تعليق.

تسجيل دخول

*ياسمينة دمشقية* • 14 سنة

الله يجزيكي الخير موضوعك روعة وتوقيعك اروع وبدل انك انسانة معدنها طيب

قويه في الحق • 14 سنة

يا قلبي ياويلهم من الله اللي ما يرحمون

يا قلبي كلميها بس بدون ما تدري إن الشغاله اشتكت

يعني تلميح و تذكير فقط و انتي و شطارتك

علشان بس لا تهاوشها و تقسى زياده

الله المستعان

الله يجزاك خير يالطيبه .

_الغلا_ • 14 سنة

ماشاالله عليك .. وجزاك الله خير كلامك درر والله ..

اذا تبين نصيحتي كلمي الحرمه وخذي اجر الشغاله المسكينه ,,

الله لا يولينا من لا يرحمنا ..

ميمو الكتكوته • 14 سنة

هذا ولا شي من اللي شفته في معاملة الناس للشغالات وقدااااااام عيني لاسمعت ولا حد قالي انا شفت بعيني واقول بنفسي لو هالخدامه بتسحر ماعليها شرهه وماحد يقدر يلومها على اللي يسوونه فيهاااااااا

ام لولو القموره • 14 سنة

جزاك الله خير على حسن تعاملك
ياأختي التعامل بالوسيطية مع هؤلاء الشغالات هو الأفضل
لاظلم ولاتعدي ...........ولكن أين من يفهم؟؟؟؟؟؟؟؟؟؟؟
إما قسوة أو تركها على الغارب(طبعاً ما اعمم ألا من رحم ربي)
حاولي تسألي هذه المرأة عن شغالتها وكيف شغالها وكيف التعامل معها بحكم
انهن حضرن معاً .......وبكذا تدخلي معها بأسلوبك أحسن من تقوليها مباشرة
او تخلي الشغالة تكلم من غير ماتعرف وقد يقع مالا يحمد عقباه
والله اعلم واسال الله ان يسهل امرك ياغالية