شغالتي تشقق ملابسنا كلها

مساء الخير
بنات انا منقهره مره على ملابس وملابس اطفالي وخواتي من العامله هي لها سنه عندي وانا مرررره كويسه دلع وراحه واعاملها زي اختي اطلع اي مكان اجيب لها كوفي معي تروق وتتقهوى وتحط رجل على رجل ، خلصت شغلها تجي تجلس في الصاله تتفرج ع التلفزيون اطلب مطعم مااخليها تاكل اكل بيت لازم اجيب لها حتى لو فيه اكل بيت لا لازم اجيب لها من المطعم بمبلغ وقدره اشتري لها ملابس من زارا وجينزات اجيب لها هدايا في الاخير تشقق ملابسنا طبعا اللي قال لها اكيد شغالات خواتي واهلي لما اجتمعنا قبل فتره ورجعت لبيتي في مدينه ثانيه الا اصحى الصبح لبس بنتي مشقق اسالها قالت من الغساله سكت واحسنت النيه بعد اسبوع نفس الحكايه بدت الملابس تتشقق دوائر صغيره ويالله بدت بجايم بعدين ملابس طلعه بعدين فساتين غاليه ووصلت ل اشمغه زوجي وانا محسنه النيه وافكر من الغساله بعدين الحين سافرت ل اهلي تخيلوا والمفاجأه لبس بنتي الجديد انشق سألتها قالت من الغساله انا هنا شكيت غساله بيت وتشق وغساله اهلي بعد لا و نفس الخرم دوائر صغيره واروح قبل اسبوع واشتري ملابس جديده وقلت لها غسليها بيدك تخيلوا والقى شق نفسه واسالها قالت ماادري طيب انتي ماغسلتيها بالغساله قالت ايه غسلتها بيدي بس ماادري مين سوا هالشق اللي خلاني خلاص اوصل حدي انه اختي مسكينه على قد حالها هي وزوجها ويادوب زوجها حول لها 500 تشتري لعيالها للعيد واختي هي بنفسها اللي تغسل ملابس عيالها تخيلوا تصحك اختي تلقى كل ملابس عيالها اللي ع المنشره مشققه دوائر زي ملابسنا انا هنا انفجرت وقامت تنكر طبعا وتقلب وجهها ومعصبه طيب اختي مسكينه وش ذنبها تشقق ملابسها ؟ ليش كل هالحقد وانا طيبه معها !!! عبايتي شقتها المريضه بعد وانكرت شقت عبايه اختي وسكتنا ، ايه بقولكم كنت اكلم اختي الكبيره الثانيه واشكي لها عن شق الملابس وهي عندها شغاله عسل وكويسه واختي كانت تقول لي يوووه االله يعينك انا شغالتي الحمدلله ماعندها هالطبع وكويسه وتخيلوا عزمتني اختي واخذت شغالتي معي ولما رجعت ثاني الا اختي تكلم تصيح تقول كل ملابس بناتها شقوق كثيره على شكل دوائر!! يعني واضحه انها شغالتي هي اللي اعطتها التعليمات تشق ، حسبي الله عليها منقهره مره منها يابنات طيبه وعسل معها واحترمها تقوم تسوي فيني كذا ، ابي اعرف كيف اقدر اصيدها بالجرم ، ابي كاميرات مش مبينه عشان ماينتبهون