شغالتي جديده وصغيرررره كيف اتعامل معها

سلام عليكم
مسيكم بالخير يالغوالي وش اخباركم
انا مالي سوالف غير بهالشغالات الله يكفينا شرهن مير تحدنا عليهن الحاجه
ياطويلات العمر انا قدمة شغاله من سبع اشهر وجتني وحده شااااطره جدا وتعرف تتكلم عربي بفصاحه كانت تشتغل بالسوادن يعني صاااحيه وذكيه جتني ماعلمتها ولا حاااجه حتى بالطبخ ماهره بس عيبها تسوي اللي تبيه ماتشاورني عجزت عنها المهم مارتحت لها رغم شطارتها ونظافتها المهم يوم كملت اربع اشهر وتهرب وتاخذ معها شغالة امي اللي كانت عسل ومخلص وقديمه عند امي وتاخذ شغالة مرت اخوي يعني هي المديره عشان مايعلمون عليها وحنا كلنا نروح لمدارسنا ونخليهن عند امي وشغالة امي معها جوال المهم خططن وهربن لجده الله لا يردهن هههه مقهوره عليهن المهم انا ماجبتها غير يوم نويت الحمل وبعد ماحملت هربت وخلتني والله تغربلت الله يغربلها المهم طولت عليكم واقدم شغاله ثانيه اثيوبيه بحكم انهن يجن بسرررعه والله وتجي باسبوعين فرحة فيها بس يوم جت صغيررررره يابنات رغم اني انا مختاره صورته بس ماتوقعتها بهالصغر كان عمرها عشر سنوات قطعت قلبي ياربي كيف بشغلها وهي اصغر من بنتي اللي بسادس ضعيييفه وماودي اظلمها وانا ابيها لنون الله يجيبه بالسلامه احسها صغيرررره مدري اصبر عليها واعلمها يمكن تسمن وتقوى ولا ارجعها لمكتبها والله شكلها بررريئه ومجتهده ونظيفه مالها غير سبوع احسرضيقة صدري
طووولة عليكم بس احترت فيها احس حرااام ضعيفه مابها حيل كرف وش رايكم اخليها وادربها واعلمها يمكن تتحمل ولا ماعذب روحي بتدريبها