شغالتي حامل وش اسوي بها/قديم

السلام عليكم


ابي احكي لكم قصتي والي تعبت من التفكير فيها


جبنا شغاله قبل 5 شهور وصارت لنا ضروف واحتجنا سواق
هي ماصدقت خبر طلبت يجي زوجها

طبعا حنا فرحنا وقلنا السواق وزوجته اريح لنا ولهم وانتم عارفين اذا الشغاله زوجها معاها تعقل شوي وماتسوي حركات عند الرجال والتلفون

وكانت مره شاطره وتحب عيالي

وفعلا اتفقنا مع المكتب يجيب زوجها وقبل جيته كنت اقول لاتحملين وعلميني وقت الدوره حتى اعطيك حبوب الحمل لان لها 5 شهور قبل ماتتزوج وعلاجهم غير

المهم اتصل المكتب وقال السواق بيوصل بكرا ماتوقعنا يجي بدري ابدا
:39:


ماادري هو غباء والا جهل والا سموه اللي تسمونه

جبنا السواق وخليناه مع الشغاله طبعا ان واثقه ان الدوره على كلامها بتنزل بعد 3 ايام يعني ان شاء الله مافيه حمل
وحرص زايد مني قلت لها انتبهي تحملين قالت لا مدام انا ماابغى حمل الحين وانا اعرف كيف زوج معاي ومافيه حمل


قلت ماشاء الله عندها خبره اكيد هذي عضوه بعالم حواء ههههههههههههههههههههههههههههه




وانتظر


انتظر


وكل ماسألتها جابت لي تارريخ اخر دوره شكل

وتقول والله مدام مافيه حمل انا سوي مافيه حمل

سافرنا وحطيت عندها حبوب منع الحمل على انها بيوم سفرنا جايه فرحانه وتقول مدام انا في وجع بطن سوا دوره ان شاء الله بتنزل



بعد مارجعنا نسيت الموضوع وماسألتها الا بعد يومين لقيتها تبكي وتقول مافيه ينزل دوره


انا شوي وابكي واقول ليش
قالت والله انا مابي يمكن ينزل دوره بعد يومين


ماقلت لزوجي لكن اتضح انها حامل وحرام مره ضايق خلقها ومرتبكه لانها لسا عروس وماتبي حمل الحين
















الان حبيباتي وش رأيكم صرنا بمشكله كبير

انا حامل بالشهر الخامس ويمكن هي بالثاني لاني مارحت بها للدكتوره

ومستحيل اخليها تولد هنا ولو سفرناها بنخسر فلوس استقدامها وهي 10 الالف تقريبا مع الاقامه والتذاكر ...الخ

وبعدين معاها زوجها وهو فرحان لانه جاي يشتغل ماابي اقطع رزقه


هل اسفرها وانقل كفالته لاننا مانبي سواق بدون محرم ونجيب سواق وشغاله غيرهم وهذا بيكلفنا حوالي 18 ا لف

او اخليها لحد مايكون حملها بالشهر السابع واسفرها لانهم يمنعون سفر اللي بالشهور الاخيره


ابي مشورتكم خواتي والله مااقدر افكر وانا اتعب مره بالحمل ومااقدر استغني عن الشغاله لان البيت كبير وانا موظفه



طولت عليكم بس كتبت قصتي بدون تنسيق لاني تعبانه اليوم