وحاسة بخوف ما ادري ليه
مع إني معاملتها معاملة طيبة
لكن يمكن بسبب نحشتها وهي كانت ذوق وأدب وهدوء وطاعة
أويمكن لأنها طالبت برواتبها وأنا أعطيها وأبقي حق 3 شهور عادة
بس كنا مشغولين لأسباب سفر وإنتداب ماروقت وأحس ربي كان صارفنا عن تحويل فلوسها
يعني ماقد منعت شغالة عن رواتبها أبد
بس ظروفي ماكانت تساعد وكنت أجمعها بس زيماقلت زي اللي ربي ماأراد
فراحت وباقي لها 5 شهور فخفت تحقد علي فيها مع إنها هي اللي غلطت بحقي وظلمت نفسها
معليش هذي كانت فضفضة
وزبدة موضوعي اليوم لاحظت على عداد بيتنا كتابة جديدة
ما أذكر شفناها قبل
وشكلها من كتابتها!
وبصراحة خفت
ما أدري هو سحر
والا تهديد
والا شتم
والا نذالة
فمن باب الحذر والحرص قلت أشوف وش السالفة
وهذي هي الصور
برجع أفضفض
قبل قد كتبت أطلب ترجمة
وجت وحده من الأخوات الله يجزاها خير وترجمت
وكانت الترجمة صاعقة
لأن اللي مكتوب ع الوسادة
إن شغالة سريلانكية قديمة عندي ماأدري أي وحده فيهم
إنها حملت عندي وأتهمت زوجي إنها حامل منه
وإنها تعابط وكان يقول الشغالة الكويسة ماتقول لاّ!
هالكلام صدمني
أول شي أنا أعرف هالزمن مهوب زمن ثقة
ومافي أحد معصوم من الخطأ
ومعد تقولوا عن الصالح صالح إلا من رحم ربي
وأذكر أمي زمان قال عندك شغالة رايحة كانت حامل أنتبهي من هالعمال وحقين البقالات وانتبهي لبيتك لاتدخل عليك أحد
عاد أنا ضحكت وقلت يمه الشغالات فيهم لعانة
عشانها راحت تقولوا
وأنا ماأصدق هالكلام - مع إنه وارد وهم مايحرمون نفسهم من شي-
بس المستحيل زوجي العاقل المحافظ موب متشدد أو مطوع بس محافظ على صلاته
ولو بيسوي خطأ سواه برا البيت حفاظا على سمعته وعلى برستيجة
فكيف يسويها مع شغالة!
زوجي منصب ومركز ولو يبي ماتصعب عليه وحده ينقيها تنقيه موب شغالة
غير إني ومو مدح بس وحده رزه جميلة صفات الجمال عندي حلوة حتى لو زين الشيطان له موب عاد لهالمستوى!
غير إني أبخص بزوجي موب شهواني وعساه يقوم باللي عنده وعفوا بس للتوضيح حكيت
يعني زوجي مايجي في الأمور هذي بسهالة وكراه يعني تحام كبده من ريحة والا نظافة ماتقبل نفسه أي شي
غير هذا معاملته للشغالات مره رسمية مايكلمهم إلا للضرورة وع السريع
ماقد لاحظته يتميلح
فماني مستوعبة هالكلام وليش انقال ووش الهدف منه
حسبي الله عالفطس اللي كانا من شفناهن ماشفنا غير عوارالقلب:mad:
الله يحفظك من كل شر واستودعي الله نفسك وزوجك وعيالك