هنا وعافية @hna_oaaafy

محررة برونزية

شغالتي سبب قلقلي

بنااات ابشاوركم بالموضوع مقلقني ومسببلي هم وماخاب من استخار وماندم من استشار
استخرت بس ابشوف رايكم لانه يهمني
موضوعي عن شغالتي الاندونسيه ماصار لها اسبوع وسببتلي قلق وهذا اساس الموضوع موضوعي السابق

http://forum.hawaaworld.com/showthread.php?t=2968901

من امس المغرب بالمكتب وتخيلو لاخر لحظه اسألها وتقول مابي اشتغل وديني المكتب
ولما راحت تخيلو وش قالت النذله قالت ابغى اشتغل :angry2: طيب ليش رايحه حسبي الله عليها تلعب علينا
قالت هم مايخلوني اكلم (بعد 5ايام من جيتها كلمت وانا غلطت بهالنقطه المفروض من اول ماجت )ويقفلون علي بالمفتاح وقت النوم بس احط لها مويه وعصير واكلها ومن الفجر افتح لها
واخذو شنطتي (وعاد هذا شرطي من البدايه اذا بتروحين ابعطيك شنطتك اما عندي كل شي جبته لها )وبس هذي اعذارها
انا مدلعتها واسولف معاها ومخليتها على رااااحتها وبيتي صغيييير يعني اغلب الوقت فاضيه وكل هذا ماعجبها
اخخخ يالقهر رضينا بالهم والهم مارضى فينا
موضوعي اليوم<< الله يعينكم على مواضيعي
وديتها للمكتب وقبل لاتمشي طااااب خاطري منها وخلاص ماتبي ترجع فتشتها تفتيش دقيق وحتى من تحت خليتها تكشف وقصيت من شعرها شويا وخليتها تلبس ملابسها اللي جت فيها وصورتها وهددتها اذا صار لي شي هذا عندي شعرها وصورتها ومشت الله لايحللها :icon33:
وقبل لاتمشي من بيتي خرررربتها معاها هاوشتها وطلعت كل اللي بخاطري ودعيت عليها وقلت ان شاءالله تروحين لبيت كله اطفال وكبيررر وتتعبين صدق مو تمثيل المهم هزاءتها وبردت حرتي لاني مظلومه وهي تقول انتي كويس بس انا مابي اشتغل لاني تعبااان ويوم راحت للمكتب قال بس نفسها يضيق يعني لافيها لاتعب ولاشي بس دلع

الجديد بالموضوع ان المكتب يقول ماتبي تسافر تبغى تشتغل يعني انسو شي اسمه بديله
وقايله للمكتب بتفتيشي وماسكها حجه علينا عشان مايجيب بديله وقال هالتفتيش بتسببلكم مشكله باندونسيا وكبر الموضوع مثل اللي متشبث بقشه ووكمان ملفقه علي تهمه اني صورتها عاريه حسبي الله عليها وعلى المكتب يقول تبغى ترجع للشغل او تنازلو عنها حتى المكتب صف معاها مايبي يخسر واحنا اللي تورطنا :mad:

المهم كيف الحين ارجعها بعد كل الكلام اللي صار وهواشي لها اخاف تجي حاااقده وتنتقم خاصه اغلب وقت زوجي برا البيت ولحالي معاها
او احسن ابيعها واجيب تنازل
بس بحاااجة شغاله خاصه بعد 3شهور ابولد ان شاءالله والايجار غالياااات
ارجعها فتره عندي الين اولد وبعدها اتنازل عنها او ابيعها الحين لان اخاف جايه بس بتنتقم وخايفه منها

معني وش حليلي معاها بس نرفزتني يوم تبي تمشي بدون سبب وانا منتظرتها شهور ودافعه دم قلبي واخرتها بتمشي
هاه وش رايكم ارجعها لبيتي او ابيعها واذا ابقدم او تنازل بتطول المسأله يعني بعد ولادتي تجي البديله

طيب عندي كمان كم سؤال استحملوني
كيف استقبلها ؟؟وكيف تصير معاملتي لها؟؟واقفل عليها او اخليها ؟؟اعتذر منها او هي اللي غلطانه هي المفروض تعتذر بس عشان تخفف الحقد ؟؟طيب هي اكيد بتجي وماراح تتكلم حتى تنتهي 3شهور(فترة البديله) اخاف بعدها تضرب عن الشغل واتوهق فيها عاد كدا خسرت البديله وهذي
كيف بالشغل اكرفها او اخليها على راحتها
تنصحوني اركب كميرات بالمطبخ حتى ماتقدر تسوي شي وعادي لو درت عنها
اقفل غرفتي وقت النوم ؟؟
اتمنى تجاوبوني

يلزم عليك تسجيل الدخول أولًا لكتابة تعليق.

تسجيل دخول

أم مـــي • 13 سنة

كان الله في عونك00000000000

ذهب غالي • 13 سنة

شوفي يالغلا عامليها بما يرضي الله عزوجل

وبما أنك فتشتيها وصورتيها أقولك أنتبهي منها وعيالك ما لها شغل فيهم

خليها للبيت والشغل بس

أرجع وأقولك فتحي عيونك زيييييييين
الأندونسيات معروف عنهم الحقد
ودايما حصني نفسك وبيتك
والله يكفيك شرهاااااا

امل الفرح • 13 سنة

السلام عليكم
لو اني منك اتنازل عنها كيف اجيبها عندي وانا مهاوشتها وبسعرها اشتري لي وحده او اقدم على وحده ثانيه لو كان عندك فيزه ثانيه او تجيبين بسعرها اذا ولدتي جيبي مؤقته ثلاث شهور
هاشغالات شر لابد منه انا موظفه وشغالتي سيلانيه تقول مابي بيت فيه اطفال وش اسوي بعيالي اتنازل عنهم علشان ترتاح
والله يسهل عليك

bsmh25 • 13 سنة

السلام عليكم
اختي حبيبتي انصحك
تخسرين فلوسك
وماتخسرين حياتكم
اتركيها بيعيها ولاتجيبيها لبيتك
انتبهي

a7lhom • 13 سنة

انا افضل انك تتنازلين عنها وتحاولين مااااااااترجع البيت ابد...يختي هم يجون حاقدات من ديرتهم فمابالك وانتي تهاوشتي معاها...