شغالتي سبب همي ونكدي بحياتي...ادخلوا..بالله لاتبخلوا..

صباح الخير ع الكل ...كلامي مو مرتب
انا مضغوووطة كثير ومهمومة وبأدخل بالموضوع على طول
فالمعذرة والسموحة منكن يالغاليات
تكفون كل الشغالات كذا والا بس انا ...؟؟!!
مانختلف على الهم اللي تسببه الشغالة بوجودها بالبيت
لكن ان الموضوع يصل لدرجة القلق والتوتر من تصرفاتها مرة ومن وجودها مراااات فهذا الشيء اللي مزعجني حاليا
قلبي أكثر الوقت مغموووووووت
ومعصبة اكثر الوقت ونفسي على بناتي شينه
ومررة متوترة منها
حتى اذا آمرتها وشفت على وجهه اوتصرفاته عدم ارتياح او عدم قبول للأمر في نفسها انقرف واكره الساعة اللي شفتها فيها
توترني بردة فعلها اما نظرتها او انها تكلم نفسها



مشكلتي ..
اول مرررة أجيب شغالة

ومن دخلت بيتي دخلني الهم والغم ونادرا ماأستمتع بوجودها وخدماتها لي
طول الوقت مهمومة ..أشغالي الخاصة أهملتها ..والتزاماتي
آخذه كل تفكيري بتصرفاتها اللي ماتخلص
فوق كل هذا أكرهها كرررره العمى ..كذا من قلبي أكرهها ..طبعا ماأبين لها ..لكني وبكل صراحة أكرهها وماأشتهيها أبد
أول ماجتني العام الماضي بالشتاءعلى طول مرضت وبلشت بها اسبوع ..ومو هنا المشكلة
طبعا سوينا لها كل الاجراءات وطلعنا لها الإقامة ولله الحمد
طيب
رحنالأهلي ..جالست الشغالة كم يوم ..رجعت منقلبة رأس على عقب
أمعععععة وقلوووودة بشكل همجي
تتأثر بااللي تقابل ..مالها اي شخصية أو هدف
يوم صار لها 9 شهور صاجت وقالت انتي مو زين وكثيرة أوامرك وانا ابروح ديرتي
كلمها المكتب بعد ماسألنا هي تشوف شغالات كثير ؟؟وكيف وضع البيت ؟؟البيوت اللي حولي ماشاء الله كبيرة وزحمة شغل وهي والله ماعندها يمكن ولا ربع الشغل اللي عندهن
فقال ايه هنا المشكلة ..الشغالات اللي حولها يغارون من وضعها فيبون يخربون عليها..وكثير حالات تجينا كذا ..قلت لكم انها أمعه بمعنى الكلمة ..
وهزأهاا وعقب عرفت حدودها وانطمت لأن قال لها ان رحتي على طلبك بتدفعين غرامة وبتسافرين على حسابك فحست انها ولاشي ..سكتت واعتذرت بعد ماقالت لها اختي انها تعتذر
يعني الشغالة تبي تمشينا على كيفها..تحوس وتلخبط ومانقول لها ولاشي
متزينة وجهها والا شغلها

والله يابنات الكلااااااااام كثييييييييييير ومايخلص ..وش أقول ..ووش أخلي بس
مرررة اقول فينا عين من جت وهي تتقلب ..تتوقعون ممكن تكون عين؟؟
لأني اعرف من اللي حولي ناس مبتلشين من جبناها ..ماأدري حنا اول والا أخر من جاب ؟!؟؟
حسبي الله ونعم الوكيييييييييل
المهم أكرهها كوووم ووقاحتها وشين نفسها وكلها على بعضها كوم ثاني
من دون أي سبب ..بل أحيانا أكون بالأمس أهديتها اي شي بطانية أو لبس
من بكرا تلاقينها منقلبة ..ووجه منقلب ..بدووون سبب
يوم تضحك وتسمع الكلام وتمشي مثل ماأبي و20يوم وجه قبيح ونفس شينه وجلد مروح
بدوووون أسباب
الزبـــــــــــدة


تعبت منها
وكل ماأجزم أغيرها أقول خل قردك لايجيك اللي أقرد منه..؟
وعلى هالحال مرررررررررررت سنه كاملة والحال كما هو
تقابل شغالة تنقلب
مقولتها المشهورة انا شغل كثير ..مدري هي أساسا ليش جايه الا لها الشغل الكثير_احيانا _
وكذااااابة
مزاجيه يوم تضحك ..وعشرة أيام تنافخ والمشكلة من دون سبب
بيتي صغيييييييير ...والشغل على قدنا
لاداخل ولا طالع ولا ضغط بالشغل ولاضيوف كثير
تصابخ وتلابخ بذا المواعين
تغسيل المواعين مثل وجهها ..وياويلك تقولي وش ذا الغسل ...او تنتقدينها


وبناتي قليل وماأمدحهم ..بس مؤدبين ومايتعرضون لها
ولاعليها منهم أبد ..ولا مسؤوليتهم ...
جبتها لشغل البيت وبس مالها دخل بأولادي أبد
اذا طلعت اخذتهم معي
وكنت متخيلة اني اذا جبتها برتاح وباطلع مشاويري الخاصة لحالي
لكن للأسف ولايوم حسيت بالامان وحطيتهم عندها وطلعت
نخاف منها ..كذا ماأحس بأي ارتياح لها ..يمكن من الكره أو ماأدري؟؟
ومع كل ذا ماقدرت أقرر اني اقلعها من بيتي..

رجااااااء بنات ساعدوني مرررررررة محتاجة رايكم ووقفتكم معي
كل ماأدخل المنتدى أعجز أكتب كلمتين على بعض بخصوص هالموضوع وأطلع ع طوول...
..لاأجي الا انتم موسعين صدري بردودكم ع الأقلــ لو دعوة ان الله يشرح لي صدري ويفرج لي منها
..