السلام عليكم ورحمة الله وبركاته
بنات انا كتبت موضوع عن خادمتي وبنتها تلقونه على هالرابط
http://forum.hawaaworld.com/showthread.php?t=3717470&page=2
تكمله القصة بنتها جلست بالمطار اسبوع كامل مسكينة كله دموع من امها وبكاء واعصاب متوترة ماتدري ليش وكيف بنتها جالسة بالمطار هالمدة
كان بيني وبين كفيلة بنتها اتصال جزاها الله خير وكثر الله من امثالها وقالت لي انه اقلاعها يوم الاربعاء الساعة 9 لما جا الاربعاء ماسافرت البنت وصار الكل على اعصابها ام الخادمة اللي هي خادمتي وكفيلة الخادمة وانا مادري وش الحاله فاضطرت تروح لها كفيلتها المطار تستفسر فقالوا لها ان الحجز كان انتظار مو اكيد ومتى ماتاكد لها حجز راح تسافر وبتدخل من كفيلها في المطار طلعوا الخادمة معهم البيت رغم انه ختم على جوازها وقالوا لهم بكره تجيبوها للمطار حجزنا لها على الساعه 9
فكلمت الكفيلة واستاذنتها اذا بتسمح لي اجيب امها لها تشوفها وتطمن عليها قبل ماتروح بنتها المطار وقالت ماعندي مانع
رغم ان الام تقول بنتي تشتغل بالدمام على كلام البنت والبنت تقول امي تشتغل في البحرين على اساس ان الام كانت قبل ماتجي عندي تشتغل في البحرين .. كانت الام تقولي اني اذا جيت سيرلانكا بنتي تروح والعكس يعني لهم تقريبا 3 سنوات ماشافوا بعض ... وشغالتي باقي لها سنه عندي وبنتها سافرت امس واحتمال ترجع بعد سنة تشتغل يعني كان ممكن المدة تطول مايشوفوا بعض بس سبحان الله اللي سخر لهم انهم يشوفوا بعض في هالمكان
قلت خليني افرح قلبها واسويها مفاجأه لها استاذدنت اخوي بان احنا نودي امها تشوف بنتها بدون ماتدري واتفقت مع كفيلة البنت
اخذت الخادمة وقلت لها البسي عباتك ؟ ولبستها وركبت معي السيارة بصراحة كان الموقف رهيب بالنسبة لي ولاخوي ولكفيلتها كنت ظول ماانا بالسيارة على اعصابي لان المسافة شوي بعيدة
كنت افكر ايش بيصر وش ممكن يكون
فسالت خادمتي اتاكد بنتك وين تشتغل قالت مدري تقول دمام
المهم لما وصلنا البيت سلمت على الكفيلة ورحبت فينا ودخلتنا الغرفة وكل هذا الشغالة وبنتها مايدرون
جلست انا وخدامتي في المجلس وقالت لي مدام انتي جايبتني لبنتي اشوفها :icon19: قلت ايه قامت وتعلبشت براسي وحبتني مع كل جهه تتشكرني
الكفيلة راحت تنادي بنتها والينت جت ركض ماتدري وش السالفة لما دخلت علينا باين عليها انها مو مستوعبة او منصدمة الام على طول جري على البنت تحضنها وتحبب فيها موقف صراحة بكيت فيه انا والكفيلة البنت بكت شوي شكلها الى الان مو مستوعبة الام تبكي انتي ليش نحفتي كنتي متينة ومن هالكلام ....تمنيت اني صورت هذيك اللحظة ؟؟
المهم قالت لهم الكفيلة روحوا خذوا رحتكم هناك تركتهم تقريبا ساعة ونصف مع بعض وبعدين سلمت على الكفيلة وتودعت منها
حبيت افرحكم زي مافرحت لها ...من زمان هم كلهم بالرياض وكل وحدة ماهي دارية عن الثانية يتوقعون انهم بعيدين عن بعض وشوفوا سبحان الله كل تاخيرة وفيها خيره بتاخيرها حصل لها تشوف امها وبالرياض مو بسيرلانكا
الحين البنت ابشركم وصلت سيرلانكا
وحبيت تدعون لي ان الله يشفيني ويحقق اللي في بالي ويكتب اللي الخير وين ماكان ويسخر لي هالشغالة وتدعون لا امي واخوي اللي كان لهم دور بشوفه الخادمة لبنتها وتدعون لكفيلتها على طيبة قلبها وبياض قلبها الله يجعله بميزان حسناتها يارب وتشوف واشوف في عيالنا مايسرنا ولكل من قرأ موضوعي دعوة بالمثل يارب
على فكره شغالتي اسلمت قبل تجيني لكن بنتها مو مسلمة رغم ان امها تقول انها تبغى الاسلام وكفيلتها تقول هي رافضة تسلم ادعوا لها ان الله يهديها للاسلام
رسالة واردة @rsal_oard
عضوة نشيطة
يلزم عليك تسجيل الدخول أولًا لكتابة تعليق.
الله يشفيك و يحقق لك اللي في بالك والله دمعت عيني الله يعطيك العافية اللي سويتيه نادرا حد يسوي مثلك و كثر الله من امثالك
يالله تحزززززن كيف يتفرقون بالسنين عشان لقمة العيش يارب لاتحوجنا للبشر..
والله يجزاك عنها كل خير..
والله يجزاك عنها كل خير..
ماشاء الله عليك وعلى الكفيله الثانيه الله يسعدكم ويخل الفرح بقلوبكم بصراحه ماقصرتم على رحمتكم وإنسانيتكم وإحساسكم بالغير.
ماشاء الله عليييييييك
يارب يكتب اجرك ويعطيك ع نيتك يارب
من جد انتي رااائعه ..
ثلاث سنوات مرررره كثييييره سبحان الله
الله يسخرها لك ويوفق كفيلتها وياك يارب ..
يارب يكتب اجرك ويعطيك ع نيتك يارب
من جد انتي رااائعه ..
ثلاث سنوات مرررره كثييييره سبحان الله
الله يسخرها لك ويوفق كفيلتها وياك يارب ..
الصفحة الأخيرة
الله يسعدك ويوفقك اداخال السرور على قلب مؤمن فيه من الاجر العظيم
الله يكتبلك الاجر