شغالتي طفشانه

تخيلوا يابنات مرارتي بتنفقع اليوم صحيت من النوم الا شغالتي تقولي انا بدي اروح بقاله الجاوه في بقاله اندنوسيه جنب البيت وهي عارفه انه ممنوع عندنا الخروج بره البيت ...فقلت لها ايش بدك من البقاله انا اقول لبابا يجيب لك وهو راجع من العمل الا حضرتها تقول لا انا بس طفشانه ابغى اخرج شويه انا بس في البيت انا مره طفشانه تخيلوا ست هان بدها اطلعها تتمشى من جد فقعت مرارتي لا يجي على بالكم اني كابتتها بس شكلي اعطيتها اكثر من حقها لانها تعودت دايما تطلع معايا وفي الخرجتين الاخيره خليتها في البيت عشان كان عندها شغل فشكلها بدها تحسسني انها تطفش من جلست البيت يعني لازم اخرج رجلي على رجلها .... من جد مره تنرفزت منها يعني البزوره يطفشوا توديهم الملاهي الشغاله كمان تطفش اوديها سوبر ماركت من جد ورطه ....ياريت كل وحده تخبرني فين تاخد الشغاله يعني كل مكان رجلك على رجلها وممكن تخلي الشغاله تروح لحالها لسوبر ماركت قريب على العلم انه شغالتي عندها جوال خاص فيها تكلم فيه زي ما تبغى واحيانا ماينزل من يدها وبرضو اقول عادي يمكن تطفش يمكن يوحشوها اهلها ودا كله مو عاجبها