شغالتي على وصول بليز ساعدوني

حبيبتي نيميها في المجلس وعامليها بلحسنى بس في اول شهرين انتبهي خليها تحت الملاحظه

مشكوره ام توتا 22 على النصيحه

الله يحمي لك عيالك بس اللهم امين



اللهم ارزقني حملا سليما معافى من كل عاهه وبلاء اللهم امين
اللهم ارزقني ولدا تقيا ذكيا ليس في خلقة زيادة اونقصاان عاجلا غير اجل اللهم امين اللهم استجب اللهم استجب اللهم استجب
وجميع المسلمين
وصل اللهم على محمد وال محمد
رب اني لما انزلت الي من خير فقير

الله يعينك ماني راعية شغالات ولاادري وش لون اتعامل معهن ولاكان افدتك

انا جربت من الخدامات انواع واشكال
ما عرفت الطريقة الصحيحة الا مع اخر وحده والحمدلله مازالت عندي ومرتاحه
وانا مثلك عندي بنتين والكبيرة 3 سنوات وعايشه بشقه
انا مسويه غرفة لبناتي وغرفة للخدامه والكوي
لكن عودتها تنام بغرفة بناتي عشان تنتبه لهم بالليل
لان تعرفين صعبة ينامون معكي انتي وزوجك
ومن البداية من يوم جت استقبلتها بس بدون ما تخاف ابتسمت لها لكن بحدود خليكي رسميه عشان تحفظين هيبتك عندها
وعلمتها كل شي بالبيت
وقلت لها هذا المطبخ عندك ولاتساليني وش اسوي غدا
سوي كل يوم شي جديد
لانك لو عودتيها تعطينها وجه وتعلمينها بترمي الشغل عليكي وبتقول لك كل شي ما اعرف
لكن من البداية سلميها الشغل عشان ماتقدر تقول ما اعرف
واهم نقطه لااااااا تسالينها تعرفين كذا ولا لا
لا ابدا
خوذيها المطبخ وقولي لها مثل ماقلت لك
وخوذيها للملابس وقولي لها هذا الغسيل وهذا الكوي
لاتشرحين ولا تسالين لانها بتستعبط عليكي وتقول ما اعرف
لكن من اولها كذا خلاص تستسلم للامر الواقع
وتصير معك باذن الله من احسن مايمكن
وفي نقطه مهمه لاتعودينها على الهدايا ترى مرررره يخربووون كذا
عوديها بس بالعيد تشترين لها كسوة هديه وقولي لها هذا هدية العيد من عيالي لكي
لكن اذا شريتي اكل من مطعم او شوكلاتات او حلويات عطيها مثلها ثلكم
بس هدايا لا
ولا تعلمينها كل مشوار لازم تروح معكم علميها تقعد بالبيت ترى اريح لك
ولا تخلينها تخلتط بخدامات كثير ترى يخربوووون بعضهم
انا خدامتي ماتختلط الا مع خدامة اهلي بس
اريح لي واريح لها
ولا تعودينها تتعامل مع زوجك خلي لها حدود
قولي لها اي شي تبين انا تكلميني ماتكلمين احد (لاتحددين وتقولين لها لاتكلمين زوجي لاتفتحين عيونها بس قولي لاتكلمين احد)
واذا زوجك يبي شي انتي اطلبيها لاتخلينه هو اللي يتعامل معها
واذا شفتي انها من النوع اللي اذا جيتي تطلعين مشوار او تلبسين اوشي تسال وين وليش
لا تتهاوشين معها وتكرهكم
لكن وهي تسال اقطعي كلامها وقولي لها جيبي موية ولا روحي نظفي المطبخ او اي شي مع الوقت تتعود ماتسال
ولاتنسين الدعاء اللهم اعطني خيرها وخير ماجبلت عليه واكفني شرها وشر ماجبلت عليه