اختي لو وفرتي الراتب اللي تعطينه الشغاله كل شهر واشتريتي غسالة صحون وغساله ملابس اتوماتيك ومجفف خصوصا انك في شقة والشقق شغلها اقل من البيت الكبير ماراح يبقى معك الا  الطبخ والكنس وتنظيف المراحيض وهذي ماراح تكون كل يوم خصوصاً ان اولادك صغار جداً صدقيني كذا افضل واريح مادياً ونفسياً وانتي وعيالك اولى ب 1500 

شكل اللي مامرت عليهم الحالة هذي تعاطفوا بقوة مع الخادمة


يالحبيبة الله يعينكم على الخساير أنا صار لي مثلك وقسم بالله خجلت من زوجي المقاضي تخلص بسرعة لين مل وقال ماهيب معقولة صرت أصرف بشكل ماهوب طبيعي
جاء في بالي فكرة ونفذتها بدل مانجيب المقاضي بالدرزن أو الكرتون صرت أجيب بالحبات حتى البيض والله إذا بغيت أسوي حلى أطلب من البقالة بريالين او قد حاجتي عيالي ماهوب يحرصون عليه
والأشياء اللي لازم أجيب منها كمية صرت أدخلها عندي وخفت المصاريف شوي
والله بدل مانتقضى مثلاً بألف صرنا نتقضى بألف وخمس شئ غير طبيعي
لاأحد يقول مسكينة خلينا كل شئ تحت أمرهم بس تجاوزو الحد المعقول بزيادة
مليت منها وروحتها
أكل وطول الوقت أنترنت وواتس آب وفيس بوك وتبي إجازة وراحة
الفلبينيات أنا حطيت عليهم إكس ماعاد ينفعون أسعار غالية ورواتب عالية ويتشرطون ماأبي بيبي ولاتبي مطبخ وتبي شقة والاشغالة تساعدها صاروا ماعاد ينفعون الفكة منهم راحة

كانت عندي نيباليه تاكل طول اليوم الاندومي تسوي لها 3 مع بيض وتونه كلها تطبخها بقدر واحد والحليب النيدو الكبير كان يطول عندي تقريبا شهرين صار مايقعد اسبوع والمعلبات والشيبسات وعصيرات عيالي كلها تخلص بسرعه حتى اذا رحنا مشوار تاخذ معها في السياره كيس فيه صامولي وخيار وفواكه ماتقدر تصبر بس سبحان الله يمكن 6 شهور وصارت عادي اتوقع يجون جوعانين ماتعودوا عالاكل وبعدها خلاص تخف الشهيه عندهم والحين عندي شغاله من غانا ماتاكل طول اليوم شاهي بس واذا اعطيتها اكل تاكل شوي بس

جيبي اكلها من راتبها

اي صح خليها تصرف علي نفسها االي تاخذه مو قليل